ಮಗನ ಪೋಟೋ ಹಂಚಿಕೊಂಡು ಹೆಸರು ರಿವಿಲ್ ಮಾಡಿದ ಗಾಯಕಿ ಶ್ರೇಯಾ ಘೋಶಾಲ್

•   Wed, Jun 02 2021 04:53:41 PM



• ಮುಂಬೈ, ಜೂ 02 (DaijiworldNews/MS): ಖ್ಯಾತ ಗಾಯಕಿ ಶ್ರೇಯಾ ತಮ್ಮ ಪ್ರೀತಿಯ ಕುಡಿಯನ್ನು ನೆಟ್ಟಿಗರಿಗೆ ಪರಿಚಯಿಸಿದ್ದಾರೆ. ತಮ್ಮ ಮಗುವಿನ ಫೋಟೋವನ್ನ ಸೋಶಿಯಲ್​ ಮೀಡಿಯಾದಲ್ಲಿ ಹಂಚಿಕೊಂಡಿದ್ದು, ಮಗುವಿನ ಹೆಸರನ್ನೂ ರಿವೀಲ್​ ಮಾಡಿದ್ದಾರೆ.

  

  ಶ್ರೇಯಾ ಘೋಶಾಲ್​ ಹಾಗೂ ಅವರ ಪತಿ ಶೀಲಾದಿತ್ಯ ಮಗುವನ್ನ ಹಿಡಿದುಕೊಂಡಿರುವ ಫೋಟೋವನ್ನ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಂಡಿರುವ ಶ್ರೇಯಾ ಮಗುವಿಗೆ ದೇವಯಾನ್​ ಮುಖ್ಯೋಪಾಧ್ಯಾಯ ಎಂದು ನಾಮಕರಣ ಮಾಡಿರುವುದಾಗಿ ಬರೆದುಕೊಂಡಿದ್ದಾರೆ

  ನಿಮ್ಮೆಲ್ಲರಿಗೂ ದೇವಯಾನ್​ ಮುಖ್ಯೋಪಾಧ್ಯಾಯನನ್ನ ಪರಿಚಯಿಸುತ್ತಿದ್ದೇನೆ. ಮೇ 22ರಂದು ನಮ್ಮ ಜೀವನಕ್ಕೆ ಆಗಮಿಸಿ ಇವನು ನಮ್ಮ ಜೀವನವನ್ನೇ ಬದಲಾಯಿಸಿಬಿಟ್ಟಿದ್ದಾನೆ. ಈತ ಹುಟ್ಟಿದ ದಿನದಿಂದಲೇ ಪ್ರೀತಿ ಹಾಗೂ ಮಮತೆಯನ್ನ ನಮ್ಮ ಹೃದಯದಲ್ಲಿ ತುಂಬಿಬಿಟ್ಟಿದ್ದಾನೆ. ಅದನ್ನ ಒಬ್ಬ ತಂದೆ - ತಾಯಿ ಸ್ಥಾನದಲ್ಲಿದ್ದವರು ಮಾತ್ರ ಅನುಭವಿಸೋಕೆ ಸಾಧ್ಯ ಎಂದು ಅಡಿಬರಹ ನೀಡಿದ್ದಾರೆ.

  ಶ್ರೇಯಾ ಘೋಷಾಲ್​ ಹಂಚಿಕೊಂಡಿರುವ ಈ ಫೋಟೋದಲ್ಲಿ ಮಗುವಿನ ಮುಖ ಗೋಚರವಾಗುತ್ತಿಲ್ಲ. ಉದ್ಯಮಿ ಶೀಲಾದಿತ್ಯ ಮುಖೋಪಾಧ್ಯಯ ಜೊತೆ ಶ್ರೇಯಾ ಆರು ವರ್ಷಗಳ ಹಿಂದೆ ಮದುವೆಯಾಗಿದ್ದರು.