ತಾಯಿ ಶಿಲ್ಪಾ ಶೆಟ್ಟಿಯಂತೆಯೇ ಡ್ಯಾನ್ಸ್ ಮಾಡಿದ ಮಗ ವಿಯಾನ್ - ವಿಡಿಯೋ ವೈರಲ್

•   Thu, May 27 2021 05:01:02 PM



• ಮುಂಬೈ, ಮೇ. 27 (DaijiworldNews/HR): ಬಾಲಿವುಡ್ ನಟಿ ಶಿಲ್ಪಾ ಶೆಟ್ಟಿ ಹಾಗೂ ರಾಜ್ ಕುಂದ್ರಾ ದಂಪತಿಯ ಪುತ್ರ 9 ವರ್ಷ ವಯಸ್ಸಿನ ವಿಯಾನ್ ರಾಜ್ ಕುಂದ್ರಾ ತಾಯಿ ಶಿಲ್ಪಾ ಶೆಟ್ಟಿ ಮಾಡುತ್ತಿರುವ ಡ್ಯಾನ್ಸ್ ನೋಡಿಕೊಂಡು ಅಮ್ಮನಂತೆಯೇ ವಿಯಾನ್ ಡ್ಯಾನ್ಸ್ ಮಾಡಿರುವ ವಿಡಿಯೋವನ್ನು ತಂದೆ ರಾಜ್ ಕುಂದ್ರಾ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.

  

  ರಾಜ್ ಕುಂದ್ರಾ ಅವರು ತಮ್ಮ ಇನ್ಸ್ಟಾಗ್ರಾಮ್ ನಲ್ಲಿ ವಿಡಿಯೋವನ್ನು ಪೋಸ್ಟ್ ಮಾಡಿದ್ದು, ತಮ್ಮ ಮನೆಯಲ್ಲೇ ಶೂಟಿಂಗ್‌ನಲ್ಲಿ ಪಾಲ್ಗೊಂಡಿದ್ದ ಶಿಲ್ಪಾ ಶೆಟ್ಟಿ ಕ್ಯಾಮರಾ ಮುಂದೆ ಡ್ಯಾನ್ಸ್ ಮಾಡುತ್ತಿದ್ದು, ಅದನ್ನ ನೋಡಿಕೊಂಡು ಪುತ್ರ ವಿಯಾನ್ ಕೂಡ ಅದೇ ಸ್ಟೆಪ್ ಹಾಕುತ್ತಿದ್ದನ್ನ ತಂದೆ ರಾಜ್ ಕುಂದ್ರಾ ಕ್ಯಾಮರಾದಲ್ಲಿ ಸೆರೆ ಹಿಡಿದಿದ್ದಾರೆ.

  ಈ ವಿಡಿಯೋವನ್ನು ಹಂಚಿಕೊಂಡು, ''ಇದು ತೆರೆ ಹಿಂದಿನ ವಿಡಿಯೋ. ಸೆಟ್ ಮಸ್ತಿ. ತಾಯಿಯಂತೆ ಮಗ'' ಎಂದು ರಾಜ್ ಕುಂದ್ರಾ ಬರೆದುಕೊಂಡಿದ್ದಾರೆ.

  ಇನ್ನು ಈ ವಿಡಿಯೋಗೆ ಅನೇಕ ಬಾಲಿವುಡ್‌ನ ಸೆಲೆಬ್ರಿಟಿಗಳು ಮೆಚ್ಚುಗೆ ವ್ಯಕ್ತಪಡಿಸಿದ್ದು, ಅಭಿಮಾನಿಗಳು ಕೂಡ ಕಾಮೆಂಟ್ ಮಾಡುತ್ತಿದ್ದಾರೆ.

  ರಾಜ್ ಕುಂದ್ರಾ ಮತ್ತು ಶಿಲ್ಪಾ ಶೆಟ್ಟಿ ದಂಪತಿಗಳು 2009 ನವೆಂಬರ್ 22 ರಂದು ಮದುವೆಯಾಗಿದ್ದು, 2012 ಮೇ 21 ರಂದು ಗಂಡು ಮಗು ಜನಿಸಿದ್ದು, ಕಳೆದ ವರ್ಷ ಬಾಡಿಗೆ ತಾಯಿ ಮೂಲಕ ಶಿಲ್ಪಾ ಶೆಟ್ಟಿ ಹಾಗೂ ರಾಜ್ ಕುಂದ್ರಾ ಹೆಣ್ಣು ಮಗು ಪಡೆದಿದ್ದಾರೆ.

  View this post on Instagram

  A post shared by Raj Kundra (@rajkundra9)