ಆರ್​ ಯೂ ವರ್ಜಿನ್​ ಎಂಬ ನೆಟ್ಟಿಗನ ಪ್ರಶ್ನೆಗೆ ಖಡಕ್ ಉತ್ತರ ನೀಡಿದ ಖ್ಯಾತ ನಟಿಯ ಪುತ್ರಿ

•   Tue, May 25 2021 05:30:11 PM



• ಬೆಂಗಳೂರು, ಮೇ.25 (DaijiworldNews/HR): ಲಾಕ್​ಡೌನ್​ ಹಿನ್ನೆಲೆಯಲ್ಲಿ ಸಿನಿಮಾ, ಧಾರಾವಾಹಿಗಳ ಶೂಟಿಂಗ್​ ಸ್ಥಗಿತಗೊಂಡಿದ್ದು, ಎಲ್ಲ ಸೆಲೆಬ್ರಿಟಿಗಳು ಮನೆಯಲ್ಲೇ ಕಾಲ ಕಳೆಯುತ್ತಿರುವ ಸಂದರ್ಭದಲ್ಲಿ ಅಭಿಮಾನಿಗಳ ಜೊತೆ ಸಂಪರ್ಕದಲ್ಲಿ ಇರಲು ಸೋಶಿಯಲ್​ ಮೀಡಿಯಾದಲ್ಲಿ ಫ್ಯಾನ್ಸ್​ ಜೊತೆ ಪ್ರಶ್ನೋತ್ತರವನ್ನೂ ಅವರು ನಡೆಸುತ್ತಾರೆ. ಈ ವೇಳೆ ಪ್ರಶ್ನೆಗಳು ಜನರಿಂದ ಎದುರಾಗುತ್ತವೆ ಅಂತೆಯೇ ಟಾಲಿವುಡ್​ ಜನಪ್ರಿಯ ನಟಿ ಸುರೇಖಾ ವಾಣಿ ಅವರ ಪುತ್ರಿಗೆ ನೆಟ್ಟಿಗರು 'ಆರ್​ ಯೂ ವರ್ಜಿನ್​' ಎಂದು ಕೇಳಿದ್ದಾರೆ.

  

  ನಟಿ ಸುರೇಖಾ ವಾಣಿ ಅವರು ಪೋಷಕ ಪಾತ್ರಗಳ ಮೂಲಕ ಫೇಮಸ್​ ಆಗಿದ್ದು, ಸೋಶಿಯಲ್​ ಮೀಡಿಯಾದಲ್ಲೂ ಅವರು ಲಕ್ಷಾಂತರ ಫಾಲೋವರ್ಸ್​ ಹೊಂದಿದ್ದಾರೆ. ಇನ್ನು ಅವರು ಪುತ್ರಿ ಸುಪ್ರಿತಾ ಕೂಡ ಸಾಮಾಜಿಕ ಜಾಲತಾಣದಲ್ಲಿ ಗುರುತಿಸಿಕೊಂಡಿದ್ದು, ಕಲರ್​ಫುಲ್​ ಆದ ಫೋಟೋಶೂಟ್​ಗಳ ಮೂಲಕ ಆಗಾಗ ಗಮನ ಸೆಳೆಯುತ್ತಾರೆ.

  ಇತ್ತೀಚೆಗೆ ಸುಪ್ರಿತಾ ಅವರು ಅಭಿಮಾನಿಗಳೊಂದಿಗೆ ನನಗೊಂದು ಪ್ರಶ್ನೆ ಕೇಳಿ ಎಂದು ಅವಕಾಶ ನೀಡಿದರು. ಆಗ ಒಬ್ಬಾತ ನೇರವಾಗಿ 'ನೀವು ವರ್ಜಿನ್​ ಆಗಿದ್ದೀರಾ' ಎಂದು ಕೇಳಿದ್ದಾನೆ. ಈ ಪ್ರಶ್ನೆಯನ್ನು ಸುಪ್ರಿತಾ ನಿರೀಕ್ಷಿಸಿರಲಿಲ್ಲ ಎನಿಸುತ್ತದೆ. ಆದರೆ ಅದನ್ನು ಸುಪ್ರಿತಾ ಸ್ವೀಕರಿಸಿ, ತಮ್ಮದೇ ರೀತಿಯಲ್ಲಿ ಉತ್ತರ ನೀಡಿದ್ದಾರೆ.

  ಇನ್ನು ನೆಟ್ಟಿಗನ ಆ ಪ್ರಶ್ನೆಗೆ ಉತ್ತರವಾಗಿ ಪವನ್​ ಕಲ್ಯಾಣ್​ ನಟನೆಯ 'ವಕೀಲ್​ ಸಾಬ್​' ಸಿನಿಮಾದ ಒಂದು ವಿಡಿಯೋವನ್ನು ಸುಪ್ರಿಯಾ ಶೇರ್​ ಮಾಡಿದ್ದು, ಆ ಸಿನಿಮಾದಲ್ಲಿ ವಕೀಲರು ಯುವತಿಯೊಬ್ಬಳಿಗೆ ಆರ್​ ಯೂ ವರ್ಜಿನ್​ ಎಂದು ಕೇಳುತ್ತಾರೆ. ಅದು ಆ ಸಿನಿಮಾದಲ್ಲಿ ತುಂಬ ಪ್ರಮುಖ ದೃಶ್ಯವಾಗಿದ್ದು, ಆ ಮೂಲಕ ಯುವತಿ ವರ್ಜಿನ್​ ಹೌದೋ ಅಲ್ಲವೋ ಎಂಬುದು ಇಲ್ಲಿ ಮುಖ್ಯವಲ್ಲ ಎಂಬ ಮಾತನ್ನು ಹೇಳಲಾಗಿತ್ತು. ಆ ದೃಶ್ಯವನ್ನು ಹಂಚಿಕೊಳ್ಳುವ ಮೂಲಕ, ನೆಟ್ಟಿಗರು ಕೇಳಿದ ಪ್ರಶ್ನೆಗೆ ಖಡಕ್​ ಆಗಿ ಸುಪ್ರಿಯಾ ಉತ್ತರಿಸಿದ್ದಾರೆ ಎನ್ನಲಾಗಿದೆ.