ಗಾಳಿ ಮಳೆಯಿಂದ ಬಿದ್ದ ಮರದ ಮೇಲೆ ಕುಳಿತು ಫೋಟೋಶೂಟ್ ಮಾಡಿಸಿಕೊಂಡ ನಟಿ - ನೆಟ್ಟಿಗರ ಆಕ್ರೋಶ

•   Wed, May 19 2021 06:04:59 PM



• ಮುಂಬೈ, ಮೇ.19 (DaijiworldNews/HR): ತೌಕ್ತೇ ಚಂಡಮಾರುತದಿಂದ ಅನೇಕ ಕಡೆಗಳಲ್ಲಿ ಜನರ ಜೀವನ ತತ್ತರಿಸಿ ಹೋಗಿರುವಾಗ ಕಿರುತೆರೆ ನಟಿಯೊಬ್ಬರು ಮನೆಮುಂದೆ ಬಿದ್ದ ಮರದ ಮೇಲೆ ಕುಳಿತು ಫೋಟೋಶೂಟ್ ಮಾಡಿಸಿಕೊಂಡು ನೆಟ್ಟಿಗರ ಕೆಂಗಣ್ಣಿಗೆ ಗುರಿಯಾಗಿದ್ದಾರೆ.

  

  ಕಿರುತೆರೆ ನಟಿ ದೀಪಿಕಾ ಸಿಂಗ್ ಅವರು ತಮ್ಮ ಇನ್ಟಾಗ್ರಾಮ್ ನಲ್ಲಿ ಮನೆಮುಂದೆ ಬಿದ್ದ ಮರದ ಮೇಲೆ ಕುಳಿತು ಫೋಟೋಶೂಟ್ ಮಾಡಿದನ್ನು ಪೋಸ್ಟ್ ಮಾಡಿ ಚಂಡಮಾರುತ ನಿಲ್ಲಲಿ ಎಂದು ಕಾಯುವ ಬದಲು ಇರುವ ಪ್ರಕೃತಿಯನ್ನು ಹಾಗೂ ಮಳೆಯನ್ನು ಅಪ್ಪಿಕೊಳ್ಳಬೇಕು. ಅದೇ ಜೀವನ ಎಂದು ಶೀರ್ಷಿಕೆ ನೀಡಿದ್ದು, ಜೊತೆಗೆ ಮಳೆಯಲ್ಲಿ ಡ್ಯಾನ್ಸ್ ಮಾಡಿರುವ ವಿಡಿಯೋವನ್ನು ಕೂಡ ಪೋಸ್ಟ್ ಮಾಡಿದ್ದು, ಇದಕ್ಕೆ ನೆಟ್ಟಿಗರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

  ದೀಪಿಕಾ ಅವರ ಮನೆ ಮುಂದೆ ಮಳೆ ಹಾಗೂ ಗಾಳಿಯಿಂದಾಗಿ ಮರವೊಂದು ನೆಲಕ್ಕೆ ಬಿದ್ದಿದ್ದು, ನೆಲಕ್ಕೆ ಉರುಳಿರುವ ಮರದಿಂದ ಯಾರಿಗೂ ಅಪಾಯ ಆಗಿಲ್ಲ ಎಂದಿರುವ ನಟಿ, ಅದರ ಮೇಲೆ ಕುಳಿತು ತಾನು ಫೋಟೋಶೂಟ್ ಮಾಡಿಸಿಕೊಂಡಿದ್ದೇನೆ ಎಂದಿದ್ದಾರೆ.

  ಇನ್ನು ಜನರು ಚಂಡಮಾರುತದಿಂದ ಕಷ್ಟ ಅನುಭವಿಸುತ್ತಿರುವಾಗ ಇವೆಲ್ಲ ಬೇಕಿತ್ತಾ ಎಂದು ನೆಟ್ಟಿಗರು ದೀಪಿಕಾ ಸಿಂಗ್ ಅವರನ್ನು ತರಾಟೆಗೆ ತೆಗೆದುಕೊಂಡು ಅನೇಕರು ದೀಪಿಕಾ ಅವರನ್ನು ಟ್ರೋಲ್ ಮಾಡುತ್ತಿದ್ದಾರೆ ಎನ್ನಲಾಗಿದೆ.

  View this post on Instagram

  A post shared by Deepika Singh Goyal (@deepikasingh150)