69ನೇ ಭುವನ ಸುಂದರಿ ಕಿರೀಟ ಗಿಟ್ಟಿಸಿಕೊಂಡ ಮೆಕ್ಸಿಕೋದ ಆಂಡ್ರಿಯಾ ಮೆಜಾ

•   Mon, May 17 2021 01:48:47 PM



• ಫ್ಲೋರಿಡಾ, ಮೇ.17 (DaijiworldNews/HR): 2021ನೇ ಸಾಲಿನ ಮಿಸ್ ಯೂನಿವರ್ಸ್ ಕಿರೀಟ ಮೆಕ್ಸಿಕೋದ 26 ವರ್ಷದ ಆಂಡ್ರಿಯಾ ಮೆಜಾ ಪಾಲಾಗಿದ್ದು, ಆಂಡ್ರಿಯಾ ಮೆಜಾ 69ನೇ 'ಭುವನ ಸುಂದರಿ'ಯ ಕಿರೀಟವನ್ನು ಮುಡಿಗೇರಿಸಿಕೊಂಡಿದ್ದಾರೆ.

  

  ಅಮೇರಿಕಾದ ಫ್ಲೋರಿಡಾದಲ್ಲಿ ನಡೆದ ಮಿಸ್ ಯೂನಿವರ್ಸ್ ಸ್ಪರ್ಧೆಯ ಕೊನೆಯ ಸುತ್ತಿನಲ್ಲಿ ಆಂಡ್ರಿಯಾ ಭುವನ ಸುಂದರಿ ಕಿರೀಟ ಗೆದ್ದಿದ್ದಾರೆ.

  ಇನ್ನು ಬ್ರೆಜಿಲ್ ನ ಜೂಲಿಯ ಗಾಮಾ ಮೊದಲ ರನ್ನರ್ ಅಪ್ ಹಾಗೂ ಪೆರುವಿನ ಜಾನಿಕ್ ಮಾಸೆಟಾ ಎರಡನೇ ರನ್ನರ್ ಆಪ್ ಮಿಂಚಿದ್ದಾರೆ.

  ಭುವನ ಸುಂದರಿ ಸ್ಪರ್ಧೆಯಲ್ಲಿದ್ದ ವಿಶ್ವದಾದ್ಯಂತ 70 ಸ್ಪರ್ಧಿಗಳು ಭಾಗವಹಿಸಿದ್ದು, ಭಾರತವನ್ನು ಪ್ರತಿನಿಧಿಸಿದ್ದ ಆಡ್ಲೈನ್ ಕ್ವಾಡ್ರೋಸ್ ಕ್ಯಾಸ್ಟೆಲಿನೊ ಮೂರನೇ ರನ್ನರ್ ಅಪ್ ಆಗಿದ್ದಾರೆ.

  ಆಂಡ್ರಿಯಾ ಮೆಜಾ ಮೆಕ್ಸಿಕೋದ ಚಿಹುವಾಹುವ ನಗರದಲ್ಲಿ ಆಗಸ್ಟ್ 13, 1994 ರಂದು ಜನಸಿದ್ದು, ಆಲ್ಮಾ ಕ್ಯಾರ್‌ಮೋನಾ ಮತ್ತು ಸ್ಯಾನ್‌ಟಿಯಾಗೋ ಮೆಜಾ ದಂಪತಿಯ ಮಗಳು ಆಂಡ್ರಿಯಾ ಮೆಜಾ. ಇಬ್ಬರು ತಂಗಿಯರನ್ನು ಹೊಂದಿದ್ದು, ಸಾಫ್ಟ್‌ವೇರ್ ಎಂಜಿನಿಯರ್ ಕೂಡ ಆಗಿದ್ದಾರೆ.

  The new Miss Universe is Mexico!!!! #MISSUNIVERSE pic.twitter.com/Mmb6l7tK8I

  — Miss Universe (@MissUniverse) May 17, 2021