'ಅನಾರೋಗ್ಯದಿಂದ ಬಳಲುತ್ತಿರುವ ನಿಮ್ಮ ಮಗುವಿನ ಜವಾಬ್ದಾರಿ ನನ್ನದು' - ನಟ ಸೋನು ಸೂದ್

•   Sat, Apr 24 2021 04:05:12 PM



• ಮುಂಬೈ, ಏ.24 (DaijiworldNews/HR): ಅನಾರೋಗ್ಯದಿಂದ ಬಳಲುತ್ತಿರುವ ಮಗುವೊಂದರ ಜವಾಬ್ದಾರಿಯನ್ನು ಬಾಲಿವುಡ್ ನಟ ಸೋನು ಸೂದ್ ಅವರು ಹೊತ್ತಿದ್ದು, ನಿಮ್ಮ ಮಗುವಿನ ಜವಾಬ್ದಾರಿ ನನ್ನದು ಎಂದು ಹೇಳಿದ್ದಾರೆ.

  

  ತೆಲಂಗಾಣದ ಕರೀಂನಗರದಲ್ಲಿ ಗಂಡು ಮಗುವೊಂದು ಜನಿಸಿದ್ದು, ಹೊಟ್ಟೆಯ ಇನ್ಫೆಕ್ಷನ್‍ನಿಂದಾಗಿ ಮಗು ಬಳಲುತ್ತಿದೆ. ಐಸಿಯುನಲ್ಲಿ ಮಗುವನ್ನು ಇರಿಸಲಾಗಿದ್ದು, ಮಗುವಿನ ಪೋಷಕರು ಆರೈಕೆಗೆ ಹಣವಿಲ್ಲದೇ ಪರದಾಡುತ್ತಿದ್ದಾರೆ. ಈ ವೇಳೆ ಅವರಿಗೆ ನೆನಪಿಗೆ ಬಂದಿರುವುದು ನಟ ಸೋನು ಸೂದ್. ನಟನಿಂದ ಸಹಾಯದ ನಿರೀಕ್ಷೆಯಲ್ಲಿ ಮಗುವಿನ ತಂದೆ ಮಹೇಶ್ ಫೋಟೊ ತೆಗೆದು ಸೋನು ಸೂದ್‍ಗೆ ಟ್ವೀಟ್ ಮಾಡಿದ್ದು, ಆ ಟ್ವೀಟ್‍ಗೆ ಸ್ಪಂದಿಸಿರುವ ಸೋನ್ ಸೂದ್ ಮಗುವಿನ ಸಂಪೂರ್ಣ ಜವಬ್ದಾರಿ ನನ್ನದೆಂದು ಹೇಳಿದ್ದಾರೆ.

  ಇನ್ನು ದೇಶವೇ ವೈದ್ಯಕೀಯ ತುರ್ತು ಪರಿಸ್ಥಿತಿಯಿಂದ ಬಳಲುತ್ತಿರುವ ಈ ಹೊತ್ತಿನಲ್ಲಿ ಸೋನು ಸೂದ್ ಮಗುವಿನ ಜವಾಬ್ದಾರಿ ಹೊತ್ತಿರುವುದಕ್ಕೆ ಮತ್ತೊಮ್ಮೆ ಟ್ವಿಟಿಗರು ಶ್ಲಾಘನೆ ವ್ಯಕ್ತಪಡಿಸಿದ್ದಾರೆ.

  ಕೊರೊನಾ ಸೋಂಕಿಗೆ ತುತ್ತಾಗಿದ್ದ ನಟ ಸೋನ್ ಸೂದ್ ಈಗ ಸೋಂಕಿನಿಂದ ಮುಕ್ತವಾಗಿದೆ.

  Will be done.
  Your baby is our responsibility. @IlaajIndia
  Dr Vijay Anand. @SoodFoundation https://t.co/c3coEHMK6k

  — sonu sood (@SonuSood) April 23, 2021