ಬರೋಬ್ಬರಿ 26 ಸಾವಿರ ರೂ. ಮೌಲ್ಯದ ಮಾಸ್ಕ್‌ ಧರಿಸಿದ ಕರೀನಾ ಕಪೂರ್ ಖಾನ್‌

•   Wed, Apr 07 2021 04:52:46 PM



• ಮುಂಬೈ, ಎ.07 (DaijiworldNews/MB) : ದೇಶದಲ್ಲಿ ಈಗ ಮತ್ತೆ ಕೊರೊನಾ ಸೋಂಕು ಏರಿಕೆಯಾಗುತ್ತಿದೆ. ಈ ನಿಟ್ಟಿನಲ್ಲಿ ಜನರಿಗೆ ಮಾಸ್ಕ್‌ ಧರಿಸುವ ಅಗತ್ಯದ ಬಗ್ಗೆ ತಾನು ಮಾಸ್ಕ್‌ ಧರಿಸಿರುವ ಫೋಟೋವನ್ನು ಇನ್ಸ್‌ಸ್ಟಾಗ್ರಾಂನಲ್ಲಿ ಪೋಸ್ಟ್‌ ಮಾಡುವ ಮೂಲಕ ತಿಳಿಸಿದ್ದಾರೆ ಬಾಲಿವುಡ್ ನಟಿ ಕರೀನಾ ಕಪೂರ್ ಖಾನ್. ಆದರೆ ಈ ಮಾಸ್ಕ್‌ನ ಬೆಲೆ ಬರೋಬ್ಬರಿ ಕಾಲು ಲಕ್ಷ ರೂಪಾಯಿಯಾಗಿದೆ ಎಂದು ವರದಿಯಾಗಿದೆ.

  

  ಕೊರೊನಾ ಸೋಂಕು ಹರಡುವುದನ್ನು ತಡೆಯಲು ಅದೇ ರೀತಿಯಲ್ಲಿ ಮಾಸ್ಕ್‌ ಧರಿಸಬೇಕು ಎಂದು ಅಭಿಮಾನಿಗಳನ್ನು ಕೋರಿರುವ ಕರೀನಾ, 26 ಸಾವಿರ ರೂಪಾಯಿಯ ಮಾಸ್ಕ್​ ಧರಿಸಿರುವ ಫೋಟೋ ಪೋಸ್ಟ್‌ ಮಾಡಿದ್ದಾರೆ.

  ನಾನು ಮಾಸ್ಕ್‌ ಧರಿಸಿರುವುದು ಪ್ರಚಾರಕ್ಕೆ ಅಲ್ಲ. ಸುಮ್ನೆ ನಿಮ್ಮ ಮಾಸ್ಕ್‌ ಧರಿಸಿ ಎಂದು ಹೇಳಿದ್ದಾರೆ. ಇದಕ್ಕೆ ಹಲವು ಮಂದಿ ಕಾಮೆಂಟ್‌ ಮಾಡಿ ಮಾಸ್ಕ್‌ 26 ಸಾವಿರ ರೂಪಾಯಿಯದ್ದು ಎಂದು ಹೇಳಿದ್ದಾರೆ. ಇನ್ನು ಈ ಮಾಸ್ಕ್‌ ನೋಡು ಸಿಂಪಲ್‌ ಆಗಿ ಕಂಡರೂ ಇದರ ಬೆಲೆ ಮಾತ್ರ ಅಧಿಕವಾಗಿದೆ.

  ಕರೀನಾ ಮಾತ್ರವಲ್ಲದೇ ದೀಪಿಕಾ ಪಡುಕೋಣೆ, ರಣಬೀರ್ ಕಪೂರ್‌ ಮೊದಲಾದವರು ದುಬಾರಿ ಬೆಲೆಯ ಮಾಸ್ಕ್ ಬಳಸುತ್ತಿದ್ದಾರೆ. ಈ ಮಾಸ್ಕ್‌ನ್ನು ಮರುಬಳಕೆ ಮಾಡಬಹುದಾಗಿದ್ದು ಇದನ್ನು ಇಡಲು ರೇಷ್ಮೆಯ ಬ್ಯಾಗ್‌ ಕೂಡಾ ಇದೆ ಎಂದು ವರದಿಯಾಗಿದೆ. ಕರೀನಾ ಈ ದುಬಾರಿ ಮಾಸ್ಕ್‌ ಧರಿಸಿ ಫೋಟೋ ಪೋಸ್ಟ್‌ ಮಾಡಿದ ಬಳಿಕ ಈ ದುಬಾರಿ ಮಾಸ್ಕ್‌ ಕೂಡಾ ಸಂಪೂರ್ಣ ಸೋಲ್ಡ್​ ಔಟ್​ ಆಗಿದೆಯಂತೆ.

  View this post on Instagram

  A post shared by Kareena Kapoor Khan (@kareenakapoorkhan)