ಮತ್ತಷ್ಟು ಯಶಸ್ಸು ನಿನ್ನದಾಗಲಿ ಎಂದು ರಶ್ಮಿಕಾಗೆ ಹುಟ್ಟುಹಬ್ಬದ ಶುಭಾಶಯ ಕೋರಿದ ರಕ್ಷಿತ್

•   Mon, Apr 05 2021 03:30:46 PM



• ಬೆಂಗಳೂರು, ಏ.05 (DaijiworldNews/HR): ನಿನ್ನ ಈ ಸಾಧನೆಗೆ ಖುಷಿಯಾಗುತ್ತಿದ್ದು, ಇನ್ನು ಹೆಚ್ಚಿನ ಯಶಸ್ಸು ನಿನ್ನದಾಗಲಿ ಎಂದು ಸ್ಯಾಂಡಲ್‌ವುಡ್ ನಟ ರಕ್ಷಿತ್ ಶೆಟ್ಟಿ ಅವರು ನಟಿ ರಶ್ಮಿಕಾ ಮಂದಣ್ಣ ಅವರಿಗೆ ಹುಟ್ಟುಹಬ್ಬದ ಶುಭಾಶಯ ಕೋರಿದ್ದಾರೆ.

  

  ಈ ಕುರಿತು ತಮ್ಮ ಟ್ವಿಟರ್‌ನಲ್ಲಿ ಶುಭಾಶಯ ತಿಳಿಸಿರುವ ರಕ್ಷಿತ್, "ಕಿರಿಕ್ ಪಾರ್ಟಿ ಸಿನಿಮಾ ವೇಳೆಯ ರಿಹರ್ಸಲ್‍ನ ಒಂದು ವಿಡಿಯೋ ತುಣುಕು ಹಂಚಿಕೊಂಡಿದ್ದು, ಚಿತ್ರರಂಗದಲ್ಲಿ ರಿಯಲ್ ಯೋಧರಂತೆ ನಿನ್ನ ಕನಸುಗಳನ್ನು ಬೆನ್ನು ಹತ್ತಿದ್ದಿಯಾ, ನಿನ್ನ ಈ ಸಾಧನೆಗೆ ಖುಷಿಯಾಗುತ್ತಿದೆ. ಇನ್ನು ಹೆಚ್ಚಿನ ಯಶಸ್ಸು ನಿನ್ನದಾಗಲಿ" ಎಂದು ಹಾರೈಸಿದ್ದಾರೆ.

  ಇನ್ನು ರಕ್ಷಿತ್ ಶೆಟ್ಟಿ ಹಾಗೂ ರಶ್ಮಿಕಾ ಮಂದಣ್ಣ ಕಿರಿಕ್ ಪಾರ್ಟಿ ಸಿನಿಮಾದಲ್ಲಿ ಒಟ್ಟಾಗಿ ನಟಿಸಿದ್ದು, ಆ ಬಳಿಕ ಈ ಜೋಡಿ ಪರಸ್ಪರ ಪ್ರೀತಿಸಿ ನಿಶ್ಚಿತಾರ್ಥ ಕೂಡ ಮಾಡಿಕೊಂಡಿದ್ದರು. ಆದರೆ, ಕಾರಣಾಂತರಗಳಿಂದ ಮದುವೆ ನಡೆಯಲಿಲ್ಲ.

  Sharing this beautiful memory of yours from the @KirikParty audition. You have travelled so far since then, chasing you'r dreams like a real worrier. Proud of you girl and Happy Birthday to you. May you see more success 😀🤗 @iamRashmika pic.twitter.com/6M1rBCQnee

  — Rakshit Shetty (@rakshitshetty) April 5, 2021