Entertainment
ನಟಿ ರಶ್ಮಿಕಾ ಮಂದಣ್ಣರಿಂದ ಗದ್ದೆ ಉಳುಮೆ - ವಿಡಿಯೋ ವೈರಲ್
- Thu, Mar 18 2021 04:04:10 PM
-
ಬೆಂಗಳೂರು, ಮಾ.18 (DaijiworldNews/HR): ನಟಿ ರಶ್ಮಿಕಾ ಮಂದಣ್ಣ ಗದ್ದೆಯಲ್ಲಿ ಉಳುಮೆ ಮಾಡಿ, ಹೊಲದಲ್ಲಿ ಯಂತ್ರದ ಸಹಾಯದಿಂದ ಮಣ್ಣನ್ನು ಹದಗೊಳಿಸುತ್ತಿರುವ ವಿಡಿಯೋವನ್ನು ತಮ್ಮ ಇನ್‍ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದು, ಈ ವಿಡಿಯೋ ಸಖತ್ ವೈರಲ್ ಆಗುತ್ತಿದೆ.
ಕೊಡಗಿನ ಬೆಡಗಿ ರಶ್ಮಿಕಾ ಇದೀಗ ರೈತ ಮಹಿಳೆಯ ಗೆಟಪ್‍ನಲ್ಲಿ ಕಾಣಿಸಿಕೊಂಡಿದ್ದಾರೆ. ಆದರೆ ಇದು ಅವರು ತಮ್ಮ ಹೊಲದಲ್ಲಿ ಉಳಿಮೆ ಮಾಡಿದ್ದಲ್ಲ. ಬದಲಾಗಿ ಸುಲ್ತಾನ್ ಸಿನಿಮಾದ ಒಂದು ದೃಶ್ಯ ಎನ್ನಲಾಗಿದೆ.
ಕಾಲಿವುಡ್‍ನ 'ಸುಲ್ತಾನ್' ಸಿನಿಮಾದಲ್ಲಿ ರಶ್ಮಿಕಾ ನಾಯಕಿಯಾಗಿ ಅಭಿನಯಿಸುತ್ತಿದ್ದು, ಈ ಚಿತ್ರದ ಶೂಟಿಂಗ್ ಭರ್ಜರಿಯಾಗೆ ನಡೆಯುತ್ತಿದೆ. ಚಿತ್ರದಲ್ಲಿಯ ಒಂದು ಸೀನ್‍ಗಾಗಿ ರಶ್ಮಿಕಾ ರೈತ ಮಹಿಳೆಯಾಗಿ ಕಾಣಿಸಿಕೊಂಡಿದ್ದಾರೆ.
ರೈತ ಮಹಿಳೆಯ ವೇಷಭೂಷಣ ಧರಿಸಿದ ರಶ್ಮಿಕಾ, ಗದ್ದೆಗೆ ಇಳಿದು ಭೂಮಿ ಉಳುಮೆ ಮಾಡಿದ ದೃಶ್ಯದ ವಿಡಿಯೋವನ್ನು ತಮ್ಮ ಇನ್‍ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿರುವ ಅವರು, ಈ ದೃಶ್ಯ ಚಿತ್ರೀಕರಣದ ವೇಳೆ ತಮಗಾದ ಸಂತಸ ಹೇಳಿಕೊಂಡಿದ್ದಾರೆ ಎನ್ನಲಾಗಿದೆ.
ಚಾನಲ್ ಫಾಲೋ ಮಾಡಿ
