Entertainment
ಸಿನಿಮಾ ಬಿಡುಗಡೆಗೆ ತನ್ನ ಅಸಿಸ್ಟ್ಂಟ್ ಕುಟುಂಬವನ್ನು ಆಹ್ವಾನಿಸಿ ನೆಟ್ಟಿಗರ ಮನಗೆದ್ದ ಜಾಹ್ನವಿ ಕಪೂರ್
- Tue, Mar 09 2021 05:14:40 PM
-
ಮುಂಬೈ, ಮಾ.09 (DaijiworldNews/HR): ಬಾಲಿವುಡ್ ನಟಿ ಜಾಹ್ನವಿ ಕಪೂರ್ ತನ್ನ ಸಹಾಯಕ ಮತ್ತು ಅವರ ಕುಟುಂಬವನ್ನು ಮಾರ್ಚ್ 11ರಂದು ಬಿಡುಗಡೆಯಾಗಲಿರುವ ರೂಹಿ ಸಿನಿಮಾದ ಸ್ಕ್ರೀನಿಂಗ್‌ ಪ್ರದರ್ಶನಕ್ಕೆ ಆಹ್ವಾನಿಸಿ ಅವರ ಮಗುವನ್ನು ಹಿಡಿದುಕೊಂಡಿರುವ ವಿಡಿಯೋ ಇದೀಗ ಸಖತ್ ಸುದ್ದಿ ಮಾಡುತ್ತಿದೆ.
ಜಾಹ್ನವಿ ಕಪೂರ್ ಅವರಿಗೆ ಮಕ್ಕಳ ಮೇಲೆ ಇರುವ ಪ್ರೀತಿ ಸೋಮವಾರ ರಾತ್ರಿ ಮುಂಬೈನಲ್ಲಿ ತನ್ನ ರೂಹಿ ಸಿನಿಮಾದ ಸ್ಕ್ರೀನಿಂಗ್‌ ಪ್ರದರ್ಶನಕ್ಕೆ ಬಂದಿದ್ದ ತನ್ನ ಅಸಿಸ್ಟ್ಂಟ್ ಮತ್ತು ಅವರ ಕುಟುಂಬವನ್ನು ಉಪಚರಿಸಿ ಮಗುವನ್ನು ಮುದ್ದಾಡಿದ ರೀತಿಯಲ್ಲಿ ವ್ಯಕ್ತವಾಗುತ್ತದೆ.
ಜಾಹ್ನವಿ ಕಪೂರ್ ಹಾಗೂ ಅವರೊಂದಿಗಿದ್ದ ಇತರರು ಮಗುವನ್ನು ಮುದ್ದಾಡಿ ಬಳಿಕ ಪೋಟೋ ಕ್ಲಿಕ್ಕಿಸಿಕೊಂಡಿರುವುದು ಇದೀಗ ವೈರಲ್ ಆಗಿದೆ.
ಇನ್ನು ಜಾಹ್ನವಿ ಕಪೂರ್ ಅವರ ಅಸಿಸ್ಟ್ಂಟ್ ಮಗುವನ್ನು ಜಾಹ್ನವಿ ಕೈಗೆ ಕೊಟ್ಟು, ಬಳಿಕ ತನ್ನ ಹೆಂಡತಿ ಮತ್ತು ಇತರ ಇಬ್ಬರು ಮಕ್ಕಳು ಜಾಹ್ನವಿಯೊಂದಿಗೆ ಫೋಟೊ ತೆಗೆಸಿಕೊಂಡಿದ್ದಾರೆ.
ಚಾನಲ್ ಫಾಲೋ ಮಾಡಿ
