ಜೂ. ಚಿರು ಹಸ್ತದಿಂದ ಲಾಂಚ್‌ ಆಗಲಿದೆ ರಾಜಮಾರ್ತಾಂಡ ಸಿನಿಮಾದ ಟ್ರೈಲರ್‌

•   Thu, Feb 18 2021 05:53:52 PM



• ಬೆಂಗಳೂರು, ಫೆ.18 (DaijiworldNews/PY): ದಿ. ನಟ ಚಿರಂಜಿವಿ ಸರ್ಜಾ ಅಭಿನಯದ ರಾಜಮಾರ್ತಾಂಡ ಸಿನಿಮಾದ ಟ್ರೈಲರ್‌‌‌‌ ಫೆ.19ರಂದು ಬಿಡುಗಡೆಯಾಗಲಿದ್ದು, ಅವರ ಪುತ್ರ ಜೂ.ಚಿರು ಸಿನಿಮಾದ ಟ್ರೈಲರ್‌ ಅನ್ನು ಬಿಡುಗಡೆಗೊಳಿಸಲಿದ್ದಾನೆ.

  

  ಚಿರು ಸಹೋದರ ಧ್ರುವ ಸರ್ಜಾ ಅಭಿನಯದ ಪೊಗರು ಸಿನಿಮಾ ಇದೇ ಶುಕ್ರವಾದಂದು ರಾಜ್ಯಾದ್ಯಂತ ಬಿಡುಗಡೆಯಾಗಲಿದ್ದು, ಈ ವೇಳೆಯಲ್ಲೇ ನಟ ಚಿರಂಜೀವಿ ಸರ್ಜಾ ಅಭಿನಯ ರಾಜಮಾರ್ತಾಂಡ ಸಿನಿಮಾದ ಟ್ರೈಲರ್‌ ಕೂಡಾ ಬಿಡುಗಡೆಯಾಗುತ್ತಿದ್ದು, ಚಿರು ಪುತ್ರ ಜೂ. ಚಿರು ಚಿತ್ರದ ಟ್ರೈಲರ್‌ ಲಾಂಚ್‌ ಮಾಡಲಿದ್ದಾನೆ ಎಂದು ಚಿತ್ರತಂಡ ಹೇಳಿದೆ.

  ಧ್ರುವ ಸರ್ಜಾ ಅವರು ರಾಜಮಾರ್ತಾಂಡ ಸಿನಿಮಾಕ್ಕೆ ಕಂಠದಾನ ಮಾಡಿದ್ದು, ಸಿನಿಮಾವನ್ನು ನಿರ್ದೇಶಕ ರಾಮ್‌ ನಾರಾಯಣ್‌‌ ನಿರ್ದೇಶಿಸಿದ್ದಾರೆ. ಅರ್ಜುನ್‌‌‌ ಜನ್ಯ ಅವರು ಸಂಗೀತಾ ಸಂಯೋಜಿಸಿದ್ದಾರೆ.

  ಫೆ.19ರ ಬೆಳಗ್ಗೆ 7 ಗಂಟೆಗೆ ಟ್ರೈಲರ್‌‌ ಬಿಡುಗಡೆ ಆಗಲಿದೆ. ಚಿತ್ರದ ಟೀಸರ್‌ 2018ರಲ್ಲಿ ಬಿಡುಗಡೆಯಾಗಿತ್ತು. ಚಿತ್ರವು ಶೀಘ್ರದಲ್ಲೇ ತೆರೆ ಮೇಲೆ ಬರಲಿದೆ.