ನಿರುದ್ಯೋಗಿಗಳಿಗೆ 100 ಇ-ರಿಕ್ಷಾಗಳನ್ನು ಕೊಟ್ಟ ಬಾಲಿವುಡ್ ನಟ ಸೋನು ಸೂದ್

•   Mon, Feb 15 2021 05:13:03 PM



• ಮುಂಬೈ, ಫೆ.15 (DaijiworldNews/HR): ಕೊರೊನಾ ಸಂಧರ್ಭದಲ್ಲಿ ಅನೇಕರಿಗೆ ಸಹಾಯ ಮಾಡಿ ಮನೆ ಮಾತಾಗಿದ್ದ ಬಾಲಿವುಡ್ ನಟ ಸೋನು ಸೂದ್ ಇದೀಗ ಮತ್ತೊಮ್ಮೆ ಕಷ್ಟದಲ್ಲಿದ್ದವರಿಗೆ ಸಹಾಯ ಮಾಡಿ ಮಾನವೀಯ ಕಾರ್ಯ ಮಾಡಿದ್ದಾರೆ ಎನ್ನಲಾಗಿದೆ.

  

  ನಟ ಸೋನು ಸೂದ್ ಅವರು ನಿರುದ್ಯೋಗಿಗಳು ಹೊಸ ಬದುಕು ಆರಂಭಿಸಬೇಕು ಎಂದು 100 ಇ-ರಿಕ್ಷಾಗಳನ್ನು ಖರೀದಿಸಿದ್ದು, ಅವುಗಳನ್ನು ಸ್ವಾವಲಂಬಿಯಾಗಿ ಬದುಕಲು ಉದ್ಯೋಗ ಇಲ್ಲದವರಿಗೆ ನೀಡಿದ್ದಾರೆ.

  ಈ ಕುರಿತು ಸೋನು ಸೂದ್ ಅವರು ತಮ್ಮ ಇನ್‍ಸ್ಟಾದಲ್ಲಿ ವೀಡಿಯೋವೊಂದನ್ನು ಶೇರ್ ಮಾಡಿಕೊಂಡಿದ್ದು, ಅದರಲ್ಲಿ್ ಇ-ರಿಕ್ಷಾ ಪಡೆದ ಜನರು ಸಂತೋಷ ವ್ಯಕ್ತಪಡಿಸಿರುವುದು ಕಾಣಿಸುತ್ತದೆ ಮತ್ತು "ಇದು ನನ್ನ ಪ್ರಯಾಣವನ್ನು ವಿಶೇಷವಾಗಿಸಿದೆ" ಎಂದು ಸೋನು ಬರೆದುಕೊಂಡಿದ್ದಾರೆ.

  ಇನ್ನು ಇ-ರಿಕ್ಷಾ ಪಡೆದುಕೊಂಡವರು ಮಾತನಾಡಿ, "ಅನೇಕ ದಿನಗಳಿಂದ ಕೆಲಸಗಳಿಲ್ಲದೆ ಕಷ್ಟಪಡುತ್ತಿದ್ದೆವು, ಆದರೆ ಇದೀಗ ಸೋನು ಸೂದ್ ಅವರು ನಮಗೆಲ್ಲ ಇ-ರಿಕ್ಷಾ ನೀಡಿದ್ದಾರೆ. ಇದು ನಮಗೆ ಹೊಸ ಬದುಕು ಕಟ್ಟಿಕೊಳ್ಳಲು ಸಹಾಯವಾಗಿದೆ" ಎಂದು ಹೇಳಿದ್ದಾರೆ.

  View this post on Instagram

  A post shared by Sonu Sood (@sonu_sood)