ತೆರೆ ಮೇಲೆ ಬರಲು ಸಿದ್ದವಾಗುತ್ತಿದೆ 'ಸೈನೈಡ್‌ ಮಲ್ಲಿಕಾ' ಸಿನಿಮಾ

•   Tue, Feb 09 2021 06:12:14 PM



• ಬೆಂಗಳೂರು, ಫೆ. 09 (DaijiworldNews/HR): ಸೈನೈಡ್‌ ನೀಡಿ ಕೊಲೆ ಮಾಡುತ್ತಿದ್ದ ಮೋಹನ್‌ ಮತ್ತು ಮಲ್ಲಿಕಾ ಅವರ ಕಥಾನಕವೊಂದು ತೆರೆಯ ಮೇಲೆ ಬರುತ್ತಿದ್ದು, ಸಿನಿಮಾದ ಹೆಸರು 'ಸೈನೈಡ್‌ ಮಲ್ಲಿಕಾ'.

  

  ಕಥೆ, ಚಿತ್ರಕಥೆ ಸಂಭಾಷಣೆ ಮತ್ತು ನಿರ್ದೇಶನವನ್ನು ಗುರು ಅವರು ಮಾಡಿದ್ದು, ಇದರಲ್ಲಿ ಮೋಹನ ಪಾತ್ರಧಾರಿಯೂ ಇವರೇ ಆಗಿದ್ದಾರೆ ಎನ್ನಲಾಗಿದೆ.

  ಇನ್ನು ದೇವಸ್ಥಾನಕ್ಕೆ ಬರುತ್ತಿದ್ದ ಮಹಿಳೆಯರನ್ನು ಗುರಿಯಾಗಿಸಿ ಸೈನೈಡ್‌ ಕೊಟ್ಟು ಸಾಯಸಿ ಆಭರಣ ದೋಚುತ್ತಿದ್ದವಳು ಮಲ್ಲಿಕಾ ಹಾಗೂ ಅವಿವಾಹಿತ ಮಹಿಳೆಯರನ್ನು ದೈಹಿಕವಾಗಿ ಬಳಸಿಕೊಂಡು ಸೈನೈಡ್‌ ಕೊಟ್ಟು ಕೊಲೆ ಮಾಡುತ್ತಿದ್ದವನು ಮೋಹನ. ಅವರಿಬ್ಬರ ಬದುಕಿನ ಮಾಹಿತಿ ಕಲೆ ಹಾಕಿರುವ ಗುರು ಅವರು ಚಿತ್ರ ನಿರ್ಮಿಸಿದ್ದಾರೆ.

  ತಾರಾಗಣದಲ್ಲಿ ಸಂಜನಾ ಪ್ರಕಾಶ್‌, ಶಂಕರಲಿಂಗೇಗೌಡ, ಮಂಜುಳ, ಸೌಮ್ಯಾ, ಸ್ವಾತಿ, ಭಾಸ್ಕರ್, ಸರಳ, ನಾಗರತ್ನ, ಅನಿತಾ ರಂಗಾಯಣ ಇದ್ದಾರೆ ಎನ್ನಲಾಗಿದೆ.

  ಸೈನೈಡ್‌ ಮಲ್ಲಿಕಾ-ಮೀಟ್ಸ್‌ ಸೈನೈಡ್‌ ಮೋಹನ್‌' ಎನ್ನುವುದು ಈ ಸಿನಿಮಾದ ಟ್ಯಾಗ್‌ಲೈನ್‌ ಆಗಿದ್ದು, ಈ ಇಬ್ಬರೂ ಅಪರಾಧ ಎಸಗಿದ ಸ್ಥಳಗಳಲ್ಲೆಲ್ಲಾ ಚಿತ್ರೀಕರಣ ನಡೆದಿದೆ ಎಂದು ತಿಳಿದು ಬಂದಿದೆ.