ರಾಜ್‌ ಬಿ. ಶೆಟ್ಟಿ ನಿರ್ದೇಶನದ 'ಗರುಡಗಮನ ವೃಷಭ ವಾಹನ' ಜು.4ರಂದು ಬಿಡುಗಡೆ

•   Fri, Feb 05 2021 04:33:34 PM



• ಮಂಗಳೂರು, ಫೆ.05 (DaijiworldNews/HR): ರಾಜ್‌ ಬಿ. ಶೆಟ್ಟಿ ನಿರ್ದೇಶನದಲ್ಲಿ ಮೂಡಿಬರುತ್ತಿರುವ 'ಗರುಡಗಮನ ವೃಷಭ ವಾಹನ’ ಜುಲೈ 4ರಂದು ಬಿಡುಗಡೆಯಾಗಲಿದೆ.

  

  ಈ ಸಿನಿಮಾ ಮಂಗಳೂರಿನ ಭೂಗತಲೋಕ, ರೌಡಿಸಂ ವಿಷಯ ಸಂಬಂಧಿಸಿದ ಕಥಾವಸ್ತುವನ್ನು ಈ ಚಿತ್ರದಲ್ಲಿ ತೋರಿಸಲಾಗಿದೆ ಎಂದು ತಿಳಿದು ಬಂದಿದೆ.

  ಇನ್ನು ಈ ಚಿತ್ರ ಮೈಸೂರಿನಲ್ಲಿ ಸೆಟ್ಟೇರಿದ್ದು, ಮಂಗಳೂರು ಭಾಗದ ಭೂಗತ ಲೋಕದ ವಿಷಯ ಬಲ್ಲವರಿಗೆ ಅಥವಾ ಸುದ್ದಿಗಳನ್ನು ಕೇಳುತ್ತಿದ್ದವರಿಗೆ ಈ ಸಿನಿಮಾ ಹೆಚ್ಚು ಆಪ್ತವಾಗಲಿದೆ ಎಂದು ಚಿತ್ರತಂಡ ಹೇಳಿದೆ.

  ಇದರಲ್ಲಿ "ರಾಜ್‌ ಹಾಗೂ ರಿಷಬ್‌ ಷೆಟ್ಟಿ ಪ್ರಧಾನ ಪಾತ್ರದಲ್ಲಿ ನಟಿಸುತ್ತಿದ್ದು, ಶೀರ್ಷಿಕೆಯೇ ಹೇಳುವಂತೆ ಗರುಡ ಗಮನ ವೃಷಭ ವಾಹನ ಎಂದರೆ ವಿಷ್ಣು ಹಾಗೂ ಶಿವನ ಪಾತ್ರಗಳ ಸಂಗಮವಾಗಿದ್ದು, ಇಲ್ಲಿ ಭೂಗತ ಲೋಕಕ್ಕೆ ಪ್ರವೇಶಿಸಿದ ರೌಡಿಗಳಿಬ್ಬರಲ್ಲಿ ಒಬ್ಬ ವಿಷ್ಣುವಿನ ಗುಣ ಹಾಗೂ ಇನ್ನೊಬ್ಬ ಶಿವನ ಲಯಕಾರಕ ಗುಣಗಳನ್ನು ಹೊಂದಿರುವವನು ಹೀಗೆ ಇವರಿಬ್ಬರ ಕಥೆಯೇ ಗರುಡಗಮನ ವೃಷಭ ವಾಹನ" ಎಂದು ಚಿತ್ರತಂಡ ತಿಳಿಸಿದೆ.