ನತಾಶಾ ದಲಾಲ್‌ನೊಂದಿಗೆ ಸಪ್ತಪದಿ ತುಳಿದ ಬಾಲಿವುಡ್ ನಟ ವರುಣ್ ಧವನ್‌

•   Mon, Jan 25 2021 04:25:28 PM



• ಮುಂಬೈ,ಜ.25 (DaijiworldNews/HR): ಬಾಲಿವುಡ್ ನಟ ವರುಣ್ ಧವನ್ ಅವರು ಫ್ಯಾಶನ್ ಡಿಸೈನರ್ ನತಾಶಾ ದಲಾಲ್ ಜೊತೆ ಜನವರಿ 24ರಂದು ಅಲಿಬಾಗ್‌ನ ಐಷಾರಾಮಿ ರೆಸಾರ್ಟ್ ದಿ ಮ್ಯಾನ್ಷನ್ ಹೌಸ್‌ನಲ್ಲಿ ದಾಂಪತ್ಯ ಜೀವನಕ್ಕೆ ಕಾಲಿರಿಸಿದ್ದಾರೆ.

  

  ನಟ ವರುಣ್ ಧವನ್ ತಮ್ಮ ಇನ್‌ಸ್ಟಾಗ್ರಾಮ್‌ನಲ್ಲಿ ಮದುವೆ ಫೊಟೊವನ್ನು ಹಂಚಿಕೊಂಡಿದ್ದು, "ಲೈಫ್ ಲಾಂಗ್ ಲವ್ ಇದೀಗ ಅಧಿಕೃತವಾಯಿತು," ಎಂದು ಬರೆದುಕೊಂಡಿದ್ದಾರೆ.

  ಇನ್ನು ಮೇ 2020 ರಲ್ಲಿ ಧವನ್, ದಲಾಲ್ ಅವರೊಂದಿಗೆ ಮದುವೆಯಾಗಲು ನಿಶ್ಚಯಿಸಿದ್ದರು ಆದರೆ, ಕೊರೊನಾದಿಂದಾಗಿ ಮದುವೆಯನ್ನು 2021 ಕ್ಕೆ ಮುಂದೂಡಲಾಗಿತ್ತು.

  ಆಪ್ತ ಉದ್ಯಮದ ಸ್ನೇಹಿತರಾದ ಕರಣ್ ಜೋಹರ್, ಶಶಾಂಕ್ ಖೈತಾನ್ ಮತ್ತು ಫ್ಯಾಷನ್ ಡಿಸೈನರ್ ಮನೀಶ್ ಮಲ್ಹೋತ್ರಾ ಸೇರಿದಂತೆ ಸುಮಾರು 50 ಜನರು ಈ ಮದುವೆಯಲ್ಲಿ ಪಾಲ್ಗೊಂಡಿದ್ದರು ಎನ್ನಲಾಗಿದೆ.