ಫೆಬ್ರವರಿಯಲ್ಲಿ ಬಿಡುಗಡೆಯಾಗಲಿದೆ ಸ್ಯಾಂಡಲ್‌ವುಡ್‌ನ 'ತಲಾಕ್ ತಲಾಕ್ ತಲಾಕ್' ಸಿನಿಮಾ

•   Fri, Jan 15 2021 04:34:46 PM



• ಬೆಂಗಳೂರು, ಜ.15 (DaijiworldNews/HR): ಹಿರಿಯ ನಿರ್ದೇಶಕ ವೈದ್ಯನಾಥ ನಿರ್ದೇಶಿಸಿರುವ ರೇಡಿಯೊ ಜಾಕಿ ನೇತ್ರಾ ಪ್ರಮುಖ ಪಾತ್ರದಲ್ಲಿ ಅಭಿನಯಿಸಿರುವ ‘ತಲಾಕ್ ತಲಾಕ್ ತಲಾಕ್’ ಸಿನಿಮಾ ಬಿಡುಗಡೆಗೆ ಸಿದ್ಧಗೊಂಡಿದದು, ಈಗಾಗಲೇ ಈ ಸಿನಿಮಾ ಹಲವು ಅಂತರರಾಷ್ಟ್ರೀಯ ಚಲನಚಿತ್ರೋತ್ಸವಗಳಲ್ಲಿ ಪ್ರದರ್ಶನಗೊಂಡು ಗೌರವ ಸಂಪಾದಿಸಿಕೊಂಡಿದೆ ಎನ್ನಲಾಗಿದೆ.

  

  ಈ ಸಿನಿಮಾ ಈಗಾಗಲೇ ಯು.ಕೆ, ಆಸ್ಟ್ರೇಲಿಯಾ, ಚೆನ್ನೈ ಚಲನಚಿತ್ರೋತ್ಸವಗಳಲ್ಲಿ ಪ್ರದರ್ಶನಗೊಂಡು ಮೆಚ್ಚುಗೆಗಳಿಸಿದ್ದು, ಮುಂದಿನ ತಿಂಗಳು ರಾಜ್ಯದಲ್ಲಿ ಬಿಡುಗಡೆ ಮಾಡಲು ಚಿತ್ರತಂಡ ಸಿದ್ದತೆ ಮಾಡಿಕೊಳ್ಳುತ್ತಿದೆ.

  ವೈದ್ಯನಾಥ ಈ ಚಿತ್ರವನ್ನು ನಿರ್ದೇಶಿಸುತ್ತಿದ್ದು, ಅವರ ಪತ್ನಿ ಎಸ್.ಎಸ್. ಸುಭಾಷಿಣಿ ಕೂಡ ಈ ಚಿತ್ರಕ್ಕೆ ಜಂಟಿ ನಿರ್ಮಾಪಕಿಯಾಗಿದ್ದಾರೆ. ಅಷ್ಟೇ ಅಲ್ಲದೆ ಈ ದಂಪತಿಯ ಅಮೇರಿಕಾದಲ್ಲಿ ನೆಲಸಿರುವ ಇಬ್ಬರು ಅವಳಿ ಮಕ್ಕಳು ಮೊದಲ ಬಾರಿಗೆ ಈ ಚಿತ್ರದಲ್ಲಿ ನಟಿಸಿದ್ದಾರೆ.

  ತ್ರಿವಳಿ ತಲಾಕ್‌ ಬಗ್ಗೆ ಜಾರಿಗೆ ಬಂದಿರುವ ನೂತನ ಕಾಯ್ದೆ ಆಧರಿಸಿ, ನೂರ್ ಜಹೀರ್ ಅವರು ಬರೆದ ಪುಸ್ತಕವನ್ನು ಅಬ್ದುಲ್ ರೆಹಮಾನ್ ಪಾಶಾ ಕನ್ನಡಕ್ಕೆ ಅನುವಾದಿದ್ದು, ಈ ಪುಸ್ತಕ ಆಧರಿಸಿ ವೈದ್ಯನಾಥ ಅವರು ಚಿತ್ರಕಥೆಯನ್ನು ಹೆಣೆದಿದ್ದಾರೆ ಎನ್ನಲಾಗಿದೆ.

  ತಾರಾಗಣದಲ್ಲಿ ಶಾಮಂತ್ ವೈಧ್ಯ, ಸುಚೇತನ ಸ್ವರೂಪ್ ವೈಧ್ಯನಾಥ, ರವಿ ಭಟ್, ಸುನೇತ್ರ ನಾಗರಾಜ, ಶ್ರೀನಿವಾಸಮೂರ್ತಿ, ಶಿವಮೊಗ್ಗ ವೈದ್ಯನಾಥ, ಕೆ.ವಿ. ಮಂಜಯ್ಯ, ಹರೀಶ್ ಕುಟ್ಟಿ, ವಿನಾಯಕ, ವಿಜಯಲಕ್ಷ್ಮಿ,ಅರುಣ್ ಕುಮಾರ್, ವೀಣಾ ಸುಂದರ್, ತೇಜಸ್ವಿನಿ, ವಿದ್ಯಾ ಶ್ರೀನಿವಾಸ್, ಪದ್ಮಾ ಜೋಯಿಸ್, ಲಕ್ಷ್ಮಿ, ಪ್ರವೀಣ್, ಸೌಜನ್ಯ ಶೆಟ್ಟಿ, ಪಲ್ಲವಿ ಇದ್ದಾರೆ.