Entertainment
ಲಿಂಗ ಪರಿವರ್ತನೆ ಮಾಡಿಸಿಕೊಂಡ ಬಾಲಿವುಡ್‌ ಫ್ಯಾಷನ್‌ ಡಿಸೈನರ್‌ ಸ್ವಪ್ನಿಲ್ ಶಿಂಧೆ - ಇನ್ಮುಂದೆ ಸೈಶಾ ಶಿಂಧೆ
- Thu, Jan 07 2021 03:19:18 PM
-
ಮುಂಬೈ, ಜ. 07 (DaijiworldNews/MB) : ಹಲವು ವರ್ಷಗಳಿಂದ ಬಾಲಿವುಡ್‌ ಸಿನಿಮಾ ಮತ್ತು ಸೆಲೆಬ್ರಿಟಿಗಳಿಗೆ ಫ್ಯಾಷನ್‌ ಡಿಸೈನರ್‌ ಆಗಿ ಕಾರ್ಯನಿರ್ವಹಿಸುತ್ತಿರುವ ಸ್ವಪ್ನಿಲ್ ಶಿಂಧೆ ಲಿಂಗ ಪರಿವರ್ತನೆ ಮಾಡಿಸಿಕೊಂಡು ಹೆಣ್ಣಾಗಿದ್ದಾರೆ. ಹಾಗೆಯೇ ಅವರ ಹೆಸರನ್ನು ಕೂಡಾ ಬದಲಾಯಿಸಿಕೊಂಡಿದ್ದು ತಮ್ಮ ಬದಲಾದ ಹೆಸರು ಸೈಶಾ ಶಿಂಧೆ ಎಂದು ತಿಳಿಸಿದ್ದಾರೆ.
ಇಷ್ಟು ದಿನ ಗಂಡಾಗಿದ್ದ ಅವರು ಈಗ ಲಿಂಗ ಪರಿವರ್ತನೆ ಮಾಡಿಕೊಂಡು ಹೆಣ್ಣಾಗಿದ್ದು ಈ ವಿಚಾರವನ್ನು ಅವರು ಬಹಿರಂಗ ಪಡಿಸಿದ್ದಾರೆ. ತಮ್ಮ ಇನ್‌ಸ್ಟಾಗ್ರಾಂನಲ್ಲಿ ಈ ಬಗ್ಗೆ ಬರೆದುಕೊಂಡಿರುವ ಅವರು, ''ಇಷ್ಟು ದಿನ ಸ್ವಪ್ನಿಲ್ ಶಿಂದೆ ಆಗಿದ್ದ ನಾನು ಇನ್ಮುಂದೆ ಸೈಶಾ ಶಿಂಧೆ'' ಎಂದು ಹೇಳಿದ್ದಾರೆ. ''ನಾನು ಬೇರೆಯವರಿಗಿಂತ ಭಿನ್ನವಾಗಿದ್ದೇನೆ ಎಂದು ಶಾಲೆ ಮತ್ತು ಕಾಲೇಜಿನಲ್ಲಿ ಹುಡುಗರು ಹಿಂಸೆ ನೀಡುತ್ತಿದ್ದರು. ನಾನು ನಾನಾಗಿ ಇರದೆ ಉಸಿರುಕಟ್ಟಿ ನಾಟಕೀಯವಾಗಿ ಜೀವಿಸುತ್ತಿದ್ದೆ. ನಾನು ಮೊದಲು ಗೇ ಆಗಿರಬಹುದು ಅಂದುಕೊಂಡೆ, ಆದರೆ ಬಳಿಕ ತಿಳಿಯಿತು ನಾನು ಲಿಂಗ ಪರಿವರ್ತಿತ ಮಹಿಳೆ'' ಎಂದು ಸೈಶಾ ಶಿಂಧೆ ಬರೆದುಕೊಂಡಿದ್ದಾರೆ.
ಹಾಗೆಯೇ ಈಗ ತಮ್ಮ ಇನ್‌ಸ್ಟಾ ಪ್ರೊಫೈಲ್ ಚಿತ್ರವನ್ನು ಅವರು ಬದಲಾಯಿಸಿದ್ದಾರೆ. ''ಪ್ರತಿ ದಿನವೂ ಹೊಸ ಸವಾಲು ಆದರೆ ನಾನು ಅದರ ವಿರುದ್ದ ಹೋರಾಡುತ್ತಾ ಪ್ರತಿ ಸೆಕೆಂಡ್‌ನ್ನು ಪ್ರೀತಿಸುತ್ತೇನೆ'' ಎಂದು ಹೇಳಿದ್ದಾರೆ.
ಚಾನಲ್ ಫಾಲೋ ಮಾಡಿ
