ಜ.8 ರಿಂದ 15ರವರೆಗೆ 26ನೇ ಕೋಲ್ಕತ್ತ ಅಂತರರಾಷ್ಟ್ರೀಯ ಚಲನಚಿತ್ರೋತ್ಸವ

•   Sun, Jan 03 2021 04:25:31 PM



• ಕೋಲ್ಕತ್ತ, ಜ. 03 (DaijiworldNews/MB) : ಜ.8 ರಿಂದ 15ರವರೆಗೆ 26ನೇ ಕೋಲ್ಕತ್ತ ಅಂತರರಾಷ್ಟ್ರೀಯ ಚಲನಚಿತ್ರೋತ್ಸವ ನಡೆಯಲಿದೆ.

  

  ಈ ಬಗ್ಗೆ ಸುದ್ದಿಗೋಷ್ಠಿಯಲ್ಲಿ ಮಾಹಿತಿ ನೀಡಿರುವ ಪಶ್ಚಿಮ ಬಂಗಾಳದ ಸಚಿವ ಅರೂಪ್‌ ಬಿಸ್ವಾಸ್‌, ''26ನೇ ಕೋಲ್ಕತ್ತ ಅಂತರರಾಷ್ಟ್ರೀಯ ಚಲನಚಿತ್ರೋತ್ಸವ ಜ.8 ರಿಂದ 15ರವರೆಗೆ ನಡೆಯಲಿದ್ದು ಉದ್ಘಾಟನಾ ಕಾರ್ಯಕ್ರಮದಲ್ಲಿ ಸೌಮಿತ್ರ ಚಟರ್ಜಿ ಅಭಿನಯದ ಅಪುರ್‌ ಸಂಸಾರ್‌ ಸಿನಿಮಾ ಪ್ರದರ್ಶಿಸಲಾಗುತ್ತದೆ. ಏಳು ದಿನಗಳ ಕಾಲ ಈ ಚಲನಚಿತ್ರೋತ್ಸವ ನಡೆದಯಲಿದ್ದು, ಈ ಮೂಲಕ ಸತ್ಯಜೀತ್‌ ರೇ ಮತ್ತು ಸೌಮಿತ್ರ ಚಟರ್ಜಿ ಅವರನ್ನು ಸ್ಮರಿಸಲಾಗುವುದು'' ಎಂದು ತಿಳಿಸಿದ್ದಾರೆ.

  ಸಾಂಸ್ಕೃತಿಕ ವ್ಯವಹಾರಗಳ ರಾಜ್ಯ ಸಚಿವ ಇಂದ್ರನಿಲ್ ಸೇನ್ ಮಾತನಾಡಿ, ''45 ದೇಶಗಳಿಂದ 1,170 ಸಿನಿಮಾಗಳು ಬಂದಿದ್ದು ಆಯ್ಕೆಯಾದ 131 ಸಿನಿಮಾಗಳು ಚಲನಚಿತ್ರೋತ್ಸವದಲ್ಲಿ ಇರಲಿದೆ'' ಎಂದು ತಿಳಿಸಿದ್ದಾರೆ.

  ಉದ್ಘಾಟನಾ ಕಾರ್ಯಕ್ರಮದಲ್ಲಿ ಪ್ರದರ್ಶಿಸಲಾಗುವ ಅಪುರ್‌ ಸಂಸಾರ್‌ ಸಿನಿಮಾವನ್ನು ಸತ್ಯಜೀತ್‌ ರೇ ಅವರು ನಿರ್ದೇಶಿಸಿದ್ದು ಸೌಮಿತ್ರ ಚಟರ್ಜಿ ಅವರು ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.