ಬಾಲಿವುಡ್ ಫೆಸ್ಟಿವಲ್‌ನಲ್ಲಿ ನಟ ಸೋನು ಸೂದ್‌ಗೆ ಹ್ಯುಮ್ಯಾನಿಟೇರಿಯನ್‌ 2020 ಪ್ರಶಸ್ತಿ

•   Wed, Dec 30 2020 04:20:03 PM



• ಮುಂಬೈ, ಡಿ.30 (DaijiworldNews/HR): ಬಾಲಿವುಡ್ ಫೆಸ್ಟಿವಲ್‌ನಲ್ಲಿ ನಿಜಜೀವನದ ಹೀರೊಗೆ ಹ್ಯುಮ್ಯಾನಿಟೇರಿಯನ್‌ 2020 ಪ್ರಶಸ್ತಿಯನ್ನು ನೀಡಿ ಗೌರವಿಸಲಾಗುತ್ತಿದ್ದು, ಈ ಬಾರಿ ನಟ ಸೋನು ಸೂದ್‌ ಅವರಿಗೆ ಈ ಪ್ರಶಸ್ತಿಯನ್ನು ಪ್ರದಾನ ಮಾಡಲಾಗಿದೆ.

  

  ಕೊರೊನಾ ಸಮಯದಲ್ಲಿ ಉದ್ಯೋಗ, ಕೂಲಿ, ಓದು ಹೀಗೆ ಹಲವು ಕಾರಣಗಳಿಂದ ತಮ್ಮ ಹುಟ್ಟೂರಿನಿಂದ ದೂರ ಉಳಿದಿದ್ದ ಜನರಿಗೆ ಸಹಾಯ ಮಾಡಿ ಅಂತಹವರ ಪಾಲಿಗೆ ನಿಜವಾದ ಹೀರೊನಂತೆ ಮುಂದೆ ಬಂದಿದ್ದ ನಟ ಸೋನು ಸೂದ್‌ ಆರ್ಥಿಕವಾಗಿ ಹಿಂದುಳಿದವರಿಗೆ ಸುರಕ್ಷಿತವಾಗಿ ಊರುಗಳಿಗೆ ಮರಳಲು ಬಸ್ಸು, ವಿಮಾನದ ವ್ಯವಸ್ಥೆ ಮಾಡಿದ್ದು, ಇವರ ಈ ಕಾರ್ಯಕ್ಕೆ ರಾಜಕಾರಣಿಗಳು, ಸಿನಿಮಾರಂಗದವರು ಸೇರಿದಂತೆ ಪ್ರಧಾನಿ ಮೋದಿ ಕೂಡ ಸೋನು ಮಾಡಿದ ಕೆಲಸಕ್ಕೆ ಶ್ಲಾಘನೆ ಮಾಡಿದ್ದರು.

  ಪ್ರತಿಷ್ಠಿತ ಸ್ಕ್ಯಾಂಡೀವಿಯನ್‌ ಬಾಲಿವುಡ್ ಫೆಸ್ಟಿವಲ್‌ನಲ್ಲಿ ನಿಜಜೀವನದ ಈ ನಾಯಕನಿಗೆ ಹ್ಯುಮ್ಯಾನಿಟೇರಿಯನ್‌ 202 ಪ್ರಶಸ್ತಿಯನ್ನು ನೀಡಿ ಗೌರವಿಸಲಾಗುತ್ತದೆ. ಈ ಪ್ರಶಸ್ತಿ ಪ್ರದಾನ ಕಾರ್ಯಕ್ರಮ ಇಂದು ವರ್ಚುವಲ್ ಆಗಿ ನಡೆಯಲಿದೆ.