ತೆರೆಗೆ ಬರಲಿದೆ ಶ್ರೀಲೀಲಾ–ಧನ್ವೀರ್‌ ಅಭಿನಯದ 'ಬೈ ಟೂ ಲವ್' ಸಿನಿಮಾ

•   Sat, Dec 26 2020 03:57:40 PM



• ಬೆಂಗಳೂರು, ಡಿ.26 (DaijiworldNews/HR): ಸ್ಯಾಂಡಲ್‌ವುಡ್‌ನ ಕಿಸ್‌ ಮತ್ತು ಭರಾಟೆ ಸಿನಿಮಾ ಖ್ಯಾತಿಯ ನಟಿ ಶ್ರೀಲೀಲಾ ಹಾಗೂ ಧನ್ವೀರ್ ಅಭಿನಯದ ‘ಬೈ ಟೂ ಲವ್’ ಚಿತ್ರದ ಮುಹೂರ್ತ ಬೆಂಗಳೂರಿನ ಶ್ರೀ ಬಂಡಿಮಹಾಂಕಾಳಮ್ಮ ದೇವಸ್ಥಾನದಲ್ಲಿ ಇಂದು ನೆರವೇರಿದೆ.

  

  ಬೈ ಟೂ ಲವ್ ಸಿನಿಮಾಗೆ ಹರಿ ಸಂತೋಷ್ ಆ್ಯಕ್ಷನ್ ಕಟ್‌ ಹೇಳಿದ್ದು, ಸಾಧುಕೋಕಿಲ, ಅಚ್ಯುತಕುಮಾರ್, ಶಿವರಾಜ್ ಕೆ.ಆರ್. ಪೇಟೆ ಮುಂತಾದವರು ತಾರಾಬಳಗಲ್ಲಿದ್ದಾರೆ.

  ಈ ಸಿನಿಮಾವನ್ನು ಹರಿ ಸಂತೋಷ್ ನಿರ್ದೇಶಿಸಿದ್ದು, ಮೊದಲ ಸನ್ನಿವೇಶಕ್ಕೆ ಕಾಶ್ವಿ ವೆಂಕಟ್ ಆರಂಭ ಫಲಕ ತೋರಿಸಿ, ಸಿದ್ದು ವೆಂಕಟ್ ಕ್ಯಾಮೆರಾ ಚಾಲನೆ ಮಾಡಿದರು.

  ಇನ್ನು ಬೈ ಟೂ ಲವ್ ಸಿನಿಮಾಗೆ ನಿರ್ದೇಶಕರೇ ಕಥೆ, ಚಿತ್ರಕಥೆ ಬರೆದಿದ್ದು, ಅಜನೀಶ್ ಲೋಕನಾಥ್ ಸಂಗೀತ ನಿರ್ದೇಶನ ಹಾಗೂ ಮಹೇಂದ್ರ ಸಿಂಹ ಅವರ ಛಾಯಾಗ್ರಹಣವಿದ್ದು, ಜನವರಿ 4 ರಿಂದ ಬೆಂಗಳೂರಿನಲ್ಲಿ ಚಿತ್ರೀಕರಣ ಆರಂಭವಾಗಲಿದೆ.