ಸ್ಯಾಂಡಲ್‌ವುಡ್‌ನಲ್ಲೂ ತೆರೆಕಾಣಲಿದೆ ಡ್ಯಾನ್ಸ್‌ ಆಧಾರಿತ ಸಿನಿಮಾ - ನಾಯಕನಾಗಿ ಸುಶಾಂತ್ ಪೂಜಾರಿ

•   Wed, Dec 23 2020 04:49:55 PM



• ಬೆಂಗಳೂರು, ಡಿ.23 (DaijiworldNews/MB) : ಸ್ಯಾಂಡಲ್‌ವುಡ್‌ನಲ್ಲೂ ಡ್ಯಾನ್ಸ್‌ ಆಧಾರಿತ ಸಿನಿಮಾ ತೆರೆಕಾಣಲಿದ್ದು ಈ ಸಿನಿಮಾದಲ್ಲಿ ಎಬಿಸಿಡಿ, ಸ್ಟ್ರೀಟ್ ಡಾನ್ಸರ್‌ ಸೇರಿದಂತೆ ಹಲವು ಚಿತ್ರಗಳಲ್ಲಿ ನಟಿಸಿರುವ ಬಾಲಿವುಡ್ ನಟ ಸುಶಾಂತ್ ಪೂಜಾರಿ ನಾಯಕರಾಗಿ ಕಾಣಿಸಿಕೊಳ್ಳಲಿದ್ದಾರೆ.

  

  ಈಗಾಗಲೇ ಬಾಲಿವುಡ್‌ನಲ್ಲಿ ಹಲವು ಡಾನ್ಸ್ ಆಧಾರಿತ ಚಿತ್ರಗಳು ತೆರೆ ಕಂಡು ಡ್ಯಾನ್ಸ್‌‌ ಪ್ರಿಯರನ್ನು ತನ್ನತ್ತ ಸೆಳೆದಿದೆ. ಈಗ ಕನ್ನಡಲ್ಲಿಯೂ ಈ ಪ್ರಯತ್ನಕ್ಕೆ ಕೈ ಹಾಕಲಾಗಿದೆ. ಆದರೆ ಪ್ರಸ್ತುತ ಈ ಸಿನಿಮಾದ ಸಿದ್ದತೆಯಲ್ಲಿ ಚಿತ್ರ ತಂಡ ಬ್ಯುಸಿಯಾಗಿದ್ದು ಸಿನಿಮಾದ ಶೀರ್ಷಿಕೆಯನ್ನು ಇನ್ನಷ್ಟೇ ಬಿಡುಗಡೆ ಮಾಡಬೇಕಾಗಿದೆ.

  ಎ. ಎಸ್‌. ಪ್ರೊಡಕ್ಷನ್ ಬ್ಯಾನರ್‌ನಲ್ಲಿ ಈ ಸಿನಿಮಾವು ನಿರ್ಮಾಣಗೊಳ್ಳುತ್ತಿದ್ದು ಕಿಶೋರ್‌ ಕುಮಾರ್ ಮತ್ತು ಸುಜಯ್‌ ಎಸ್‌. ಕಾಮತ್ ನಿರ್ದೇಶನದಲ್ಲಿ ಸಿನಿಮಾ ಮೂಡಿಬರಲಿದೆ. ಕಿರಣ್‌ ಶೆಟ್ಟಿ, ಆಶಿಕ ಸುವರ್ಣ, ವಿನೋದ್ ಕುಮಾರ್ ಹಾಗೂ ಶಿವರಾಜ್ ಆರ್‌. ಮೊಗವೀರ ಸಿನಿಮಾಕ್ಕೆ ಬಂಡವಾಳ ಹೂಡಲಿದ್ದಾರೆ.