ಡಿ. 21 ರಂದು ಹೊಸ ಸುದ್ದಿಯನ್ನು ನೀಡಲಿದೆಯಾ ಕೆಜಿಎಫ್‌ ಚಾಪ್ಟರ್‌–2 ಚಿತ್ರತಂಡ?

•   Sun, Dec 20 2020 04:59:26 PM



• ಬೆಂಗಳೂರು, ಡಿ.20 (DaijiworldNews/MB) : ಕೆಜಿಎಫ್‌ ಚಾಪ್ಟರ್‌–2 ಚಿತ್ರದ ಕ್ಲೈಮಾಕ್ಸ್‌ ಚಿತ್ರೀಕರಣ ಶನಿವಾರ ಹೈದರಾಬಾದ್‌ನಲ್ಲಿ ಸಂಪೂರ್ಣವಾಗಿದ್ದು ಸೋಮವಾರ ಡಿ. 21 ರಂದು ಕೆಜಿಎಫ್‌ ಚಿತ್ರತಂಡ ಹೊಸ ಸುದ್ದಿಯನ್ನು ನೀಡಲಿದೆಯಂತೆ.

  

  ಶನಿವಾರ ಚಿತ್ರೀಕರಣ ಪೂರ್ಣಗೊಂಡ ಬಳಿಕ ಚಿತ್ರತಂಡ ಪೋಟೋವೊಂದನ್ನು ಟ್ವೀಟ್‌ ಮಾಡಿದ್ದು, ಈ ಫೋಟೋದಲ್ಲಿ ಅಧೀರ ಪಾತ್ರಧಾರಿ ಸಂಜಯದತ್‌, ನಿರ್ದೇಶಕ ಪ್ರಶಾಂತ್‌ ನೀಲ್‌ ಸೇರಿದಂತೆ ತಂಡದ ತಂತ್ರಜ್ಞರು, ಸಿಬ್ಬಂದಿಗಳು ಇದ್ದಾರೆ.

  ಇನ್ನು ಜಿಎಫ್‌ ಚಾಪ್ಟರ್‌ –2 ಬಿಡುಗಡೆಯ ನಿರೀಕ್ಷೆಯಲ್ಲಿರುವ ಅಭಿಮಾನಿಗಳಿಗೆ ನಾವು ಡಿ. 21ರಂದು ಹೊಸ ಸುದ್ದಿ ನೀಡುತ್ತೇವೆ. ನಾಳೆ ಬೆಳಿಗ್ಗೆ 10.08ಕ್ಕೆ ಈ ವಿಷಯ ತಿಳಿಯಲಿದೆ. ಈವರೆಗೆ ನಮ್ಮನ್ನು ಬೆಂಬಲಿಸಿದ್ದಕ್ಕೆ ಧನ್ಯವಾದ ಎಂದು ಚಿತ್ರ ತಂಡ ಹೇಳಿರುವುದಾಗಿ ವರದಿಯಾಗಿದೆ.

  ಇನ್ನು ಈ ಚಿತ್ರದ ಟೀಸರ್ ಚಿತ್ರದ ನಾಯಕ ನಟ ಯಶ್‌ ಅವರ ಜನ್ಮದಿನವಾದ ಜನವರಿ 8ರಂದು ಬಿಡುಗಡೆಯಾಗುವ ನಿರೀಕ್ಷೆಯಿದ್ದು ನಾಳೆ ಈ ಚಿತ್ರದ ಬಿಡುಗಡೆ ದಿನಾಂಕವನ್ನು ಚಿತ್ರ ತಂಡ ತಿಳಿಸುತ್ತಾ ಎಂಬ ನಿರೀಕ್ಷೆಯಲ್ಲಿ ಸಿನಿ ಪ್ರೇಕ್ಷಕರು ಇದ್ದಾರೆ.

  ಈ ಸಿನಿಮಾದಲ್ಲಿ ರಮೀಕಾ ಸೇನ್, ಶ್ರೀನಿಧಿ ಶೆಟ್ಟಿ, ಪ್ರಶಾಂತ್ ರಾಜ್, ಅನಂತ್‌ನಾಗ್, ವಸಿಷ್ಠ ಎನ್ ಸಿಂಹ, ರವೀನಾ ಟಂಡನ್ ಪಾತ್ರಕ್ಕೆ ಜೀವತುಂಬಿದ್ದಾರೆ.

  Nothing short of a crazy, exhausting and fulfilling shoot🎥 The best team hands down!!!!@duttsanjay sir a true warrior in real life ⚔ @TheNameIsYash a treat to work with as always🔥
  An end to the climax shoot👏Cant wait for the world to see #KGFChapter2 only on the big screen🙏 pic.twitter.com/7EZSAnWehY

  — Prashanth Neel (@prashanth_neel) December 20, 2020