'ಫೆಬ್ರವರಿ 14' ಸಿನಿಮಾದಲ್ಲಿ ಪ್ರಮುಖ ಪಾತ್ರದಲ್ಲಿ ಮಿಂಚಲಿದ್ದಾರೆ ನಟಿ ನೀಮಾ ರೇ

•   Thu, Dec 10 2020 04:47:23 PM



• ಮಂಗಳೂರು, ಡಿ.10 (DaijiworldNews/HR): ತುಳು ಮತ್ತು ಕನ್ನಡ ಚಲನಚಿತ್ರಗಳಲ್ಲಿ ನಟಿಸಿ ಮೆಚ್ಚುಗೆ ಪಡೆದುಕೊಂಡಿದ್ದ ನಟಿ ನೀಮಾ ರೇ ಅವರು 'ಫೆಬ್ರವರಿ 14' ಎಂಬ ಮತ್ತೊಂದು ಕನ್ನಡ ಸಿನಿಮಾದಲ್ಲಿ ಪ್ರಮುಖ ಪಾತ್ರದಲ್ಲಿ ಮಿಂಚಲಿದ್ದಾರೆ.

   

  

  

  

  

  

  ಪ್ರದೀಪ್ ಕುಮಾರ್ ನಿರ್ದೇಶನದ ' ಫೆಬ್ರವರಿ 14' ಸಿನಿಮಾ ಪೂರ್ವ ನಿರ್ಮಾಣ ಹಂತದಲ್ಲಿದ್ದು, ಇದು ನೀಮಾ ರೇ ಅವರು ನಟಿಸುತ್ತಿರುವ ಆರನೇ ಸಿನಿಮಾವಾಗಿದೆ.

  ಈ ಕುರಿತು ದೈಜಿವಲ್ಡ್ ಜೊತೆ ಮಾತನಾಡಿದ ನಟಿ ನೀಮಾ, "ಈ ಸಿನಿಮಾದಲ್ಲಿ ಕಾಲೇಜು ವಿದ್ಯಾರ್ಥಿಯಾಗಿ ಮುಖ್ಯ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದೇನೆ" ಎಂದು ಹೇಳಿದ್ದಾರೆ.

  ನೀಮಾ ಅವರಿಗೆ 'ಪಿಂಗಾರ' ಸಿನಿಮಾದ ಯಶಸ್ಸಿನ ನಂತರ, ' ಫೆಬ್ರವರಿ 14 'ಚಿತ್ರದಲ್ಲಿ ಅವಕಾಶ ಸಿಕ್ಕಿದೆ. ಅವರು 2015ರಲ್ಲಿ ಬಿಡುಗಡೆಯಾದ ಕನ್ನಡ ಚಿತ್ರ 'ಆರಂಭ', 2016 ರಲ್ಲಿ ಬಿಡುಗಡೆಯಾದ ತುಳು ಚಿತ್ರ 'ದೊಂಬರಾಟ' ದಲ್ಲಿ ಮುಖ್ಯ ಪಾತ್ರದಲ್ಲಿ ನಟಿಸಿದ್ದಾರೆ ಮತ್ತು 2018 ರಲ್ಲಿ ಬಿಡುಗಡೆಯಾದ 'ದಗಲ್‌ಬಾಜಿಲು' ಚಿತ್ರದಲ್ಲಿ ನಾಯಕಿಯಾಗಿ ನಟಿಸಿದ್ದಾರೆ.

  ಪ್ರೀತಮ್ ಆರ್ ಶೆಟ್ಟಿ ನಿರ್ದೇಶನದ ತುಳು / ಕನ್ನಡ ಚಲನಚಿತ್ರ 'ಪಿಂಗಾರ'ಕ್ಕೆ ಬೆಂಗಳೂರು ಅಂತರರಾಷ್ಟ್ರೀಯ ಚಲನಚಿತ್ರೋತ್ಸವದಲ್ಲಿ ಅತ್ಯುತ್ತಮ ಸಿನೆಮಾ ಪ್ರಶಸ್ತಿ ಪಡೆದಿದೆ.

  ಇನ್ನು ರಂಜಿತ್ ಸುವರ್ಣ ನಿರ್ದೇಶನದ 'ದೊಂಬರಾಟ' ಮತ್ತು ಪ್ರಶಾಂತ್ ನಿರ್ದೇಶನದ 'ದಗಲ್‌ಬಾಜಿಲು' ಸಿನಿಮಾಗಳು ನೀಮಾ ರೇ ಅವರರನ್ನು ಜಯಪ್ರಿಯಗೊಳ್ಳುವಂತೆ ಮಾಡಿದೆ.