'ಶುಗರ್ ಫ್ಯಾಕ್ಟರಿ'ಗೆ ನಾಯಕಿಯಾಗಿ ಎಂಟ್ರಿಕೊಡಲಿರುವ ಕರಾವಳಿ ಬೆಡಗಿ ಅದ್ವಿತಿ ಶೆಟ್ಟಿ

•   Fri, Dec 04 2020 04:14:17 PM



•  

  ಬೆಂಗಳೂರು, ಡಿ. 04 (DaijiworldNews/HR): ಸ್ಯಾಂಡಲ್‌ವುಡ್‌ ನಟಿ ಅಮೂಲ್ಯ ‌ಸೋದರ ದೀಪಕ್ ಅರಸ್ ನಿರ್ದೇಶಿಸುತ್ತಿರುವ, ಡಾರ್ಲಿಂಗ್ ಕೃಷ್ಣ ನಾಯಕನಾಗಿ ಅಭಿನಯಿಸುತ್ತಿರುವ ‘ಶುಗರ್ ಫ್ಯಾಕ್ಟರಿ’ ಸಿನಿಮಾಗೆ ಎರಡನೇ ನಾಯಕಿಯಾಗಿ ಕರಾವಳಿಯ ಇನ್ನೊಬ್ಬ ಬೆಡಗಿ ಅದ್ವಿತಿ ಶೆಟ್ಟಿ ಎಂಟ್ರಿ ಕೊಟ್ಟಿದ್ದಾರೆ.

  

  ಶುಗರ್ ಫ್ಯಾಕ್ಟರಿ ಸಿನಿಮಾದಲ್ಲಿ ಮೂವರು ನಾಯಕಿಯರಿದ್ದು, ಮೊದಲ ನಾಯಕಿ ಮಂಗಳೂರಿನ ಚೆಲುವೆ ಸೋನಲ್ ಮೊಂತೆರೊ, ಎರಡನೇ ನಾಯಕಿಯಾಗಿ ಅದ್ವಿತಿ ಶೆಟ್ಟಿ ಎಂಟ್ರಿ ಕೊಟ್ಟಿದ್ದು, ಇನ್ನು ಮೂರನೇ ನಾಯಕಿ ಯಾರೆನ್ನುವುದನ್ನು ಚಿತ್ರತಂಡ ತಿಳಿಸಬೇಕಷ್ಟೆ.

  "ಜನವರಿಯಿಂದ ಶುಗರ್ ಫ್ಯಾಕ್ಟರಿ ಸಿನಿಮಾ ಶೂಟಿಂಗ್‌ನಲ್ಲಿ ಭಾಗವಹಿಸಲಿದ್ದೇನೆ, ಇದೊಂದು ರೊಮ್ಯಾಂಟಿಕ್‌ ಕಥೆಯಾಗಿದ್ದು, ಪ್ರೇಕ್ಷಕರೆಲ್ಲರಿಗೂ ತುಂಬಾ ಸಂತೋಷವನ್ನು ಕೊಡಲಿದೆ. ಜೊತೆಗೆ ಡಾರ್ಲಿಂಗ್ ಕೃಷ್ಣ ಅವರೊಂದಿಗೆ ನಾಯಕಿಯಗಿ ನಟಿಸುತ್ತಿರುವುದು ತುಂಬಾ ಖುಷಿ ಕೊಟ್ಟಿದೆ" ಎಂದು ಅದ್ವಿತಿ ಶೆಟ್ಟಿ ಹೇಳಿದ್ದಾರೆ.

  ಇನ್ನ ನಿರ್ದೇಶಕ ದೀಪಕ್ ಅರಸ್‌ಗೆ ಶುಗರ್ ಫ್ಯಾಕ್ಟರಿ ಎರಡನೇ ಸಿನಿವಾಗಿದ್ದು, ಅವರೇ ಕಥೆ ಮತ್ತು ಚಿತ್ರಕಥೆಯನ್ನೂ ಹೆಣೆದಿದ್ದಾರೆ.