ಅತಿಥಿಯಾಗಿ ತೆಲುಗು ಬಿಗ್‍ಬಾಸ್ ವೇದಿಕೆ ಏರಿದ ಅಭಿನಯ ಚಕ್ರವರ್ತಿ ಕಿಚ್ಚ

•   Mon, Nov 30 2020 03:50:56 PM



• ಹೈದ್ರಾಬಾದ್, ನ. 30 (DaijiworldNews/HR): ತೆಲುಗು ಬಿಗ್‍ಬಾಸ್ ಸೀಸನ್ 4ಕ್ಕೆ ಖ್ಯಾತ ನಟ ನಾಗಾರ್ಜುನ್ ಅಕ್ಕಿನೇನಿ ನಿರೂಪಕರಾಗಿದ್ದು, ಇಂದಿನ ವಾರದ ಕಾರ್ಯಕ್ರಮದಲ್ಲಿ ಕನ್ನಡದ ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಅತಿಥಿಯಾಗಿ ವೇದಿಕೆಯ ಮೇಲೆ ಕಾಣಿಸಿಕೊಂಡಿದ್ದಾರೆ.

  

  ಸುದೀಪ್ ಅವರನ್ನು ತೆಲುಗು ಬಿಗ್‍ಬಾಸ್ ವೇದಿಕೆಯ ಮೇಲೆ ಅಭಿಮಾನಿಗಳು ಶಾಕ್ ಆಗಿದ್ದು, ಜೊತೆಗೆ ಬಿಗ್ ಬಾಸ್ ಮನೆಯಲ್ಲಿರುವ ಸ್ಪರ್ಧಿಗಳು ಕೂಡ ಕಿಚ್ಚನನ್ನು ವೇದಿಕೆ್ ಮೇಲೇ ನೋಡಿ ಅಚ್ಚರಿಗೊಂಡಿದ್ದಾರೆ. ಸದ್ಯ ಸುದೀಪ್ ಅವರು ತೆಲುಗು ಬಿಗ್‍ಬಾಸ್ ವೇದಿಕೆಯಲ್ಲಿರುವ ವೀಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ.

  ಇನ್ನು ಸುದೀಪ್ ಅವರು 15 ನಿಮಿಷಗಳ ಕಾಲ ಬಿಗ್‍ಬಾಸ್ ವೇದಿಕೆಯಲ್ಲಿ ಕಾಣಿಸಿಕೊಂಡಿದ್ದು, ತೆಲುಗು ಬಿಗ್ ಬಾಸ್ ವೇದಿಕೆ ಮೇಲೆ ಕಾಣಿಸಿಕೊಂಡಿರುವ ಪ್ರೋಮೋ ಸೋಷಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿದ್ದಂತೆ ಅಭಿಮಾನಿಗಳಿಂದ ಅಭಿನಯ ಚಕ್ರವರ್ತಿಗೆ ಕಮೆಂಟ್‌ಗಳ ಸುರಿಮಳೆ ಹರಿದುಬರುತ್ತಿದೆ.

  ಈ ಕುರಿತು ಸುದೀಪ್ ಅವರು ತನ್ನ ಇನ್‍ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿದ್ದು, ತೆಲುಗು ಬಿಗ್ ಬಾಸ್ 4 ರೀಯಾಲಿಟಿ ಶೋಗೆ ಅತಿಥಿಯಾಗಿ ಹೋಗಿದ್ದೆ, ಎಂದಿಗೂ ಆಕರ್ಷಕರಾಗಿರುವ ನಾಗಾರ್ಜುನ್ ಅವರೊಂದಿಗೆ ವೇದಿಕೆ ಹಂಚಿಕೊಂಡಿರುವುದು ತುಂಬಾ ಸಂತೋಷವನ್ನು ತಂದು ಕೊಟ್ಟಿದೆ. ಮನೆಯ ಒಳಗೆ ಇರುವ ಸ್ಪರ್ಧಿಗಳೊಂದಿಗೆ ಮಾತನಾಡಿದೆ ಎಂದು ಬರೆದುಕೊಂಡಿದ್ದಾರೆ.