ನಿರ್ಭಯಾ ಹತ್ಯೆ ಆಧಾರಿತ ವೆಬ್ ಸರಣಿಗೆ ಅಂತರಾಷ್ಟ್ರೀಯ ಎಮ್ಮಿ ಅವಾರ್ಡ್

•   Tue, Nov 24 2020 04:45:32 PM



• ಬೆಂಗಳೂರು, ನ.24 (DaijiworldNews/HR): ನಿರ್ಭಯಾ ಹತ್ಯೆ ಆಧಾರಿತ ವೆಬ್ ಸರಣಿ "ಡೆಲ್ಲಿ ಕ್ರೈಂ" ಅಂತರಾಷ್ಟ್ರೀಯ ಎಮ್ಮಿ ಅವಾರ್ಡ್ 2020ರ ಅತ್ಯುತ್ತಮ ಡ್ರಾಮಾ ಸೀರೀಸ್​ ಪ್ರಶಸ್ತಿಯನ್ನು ಪಡೆದುಕೊಂಡಿದೆ.

  

  ಈ "ಡೆಲ್ಲಿ ಕ್ರೈಂ" ಸರಣಿಯು 2012ರಲ್ಲಿ ದೆಹಲಿಯಲ್ಲಿ ನಡೆದ ನಿರ್ಭಯಾ ಅತ್ಯಾಚಾರ ಹಾಗೂ ಹತ್ಯೆ ಘಟನೆ ಆಧಾರಿತವಾಗಿದ್ದು, ರಿಚಿ ಮೆಹ್ತಾ ನಿರ್ದೇಶನದ, ಶೆಫಾಲಿ ಷಾ, ರಸಿಕಾ ದುಗಲ್, ಆದಿಲ್ ಹುಸೇನ್, ರಾಜೇಶ್ ತೈಲಾಂಗ್, ವಿನೋದ್ ಶೆರಾವತ್, ಡೆನ್ಜಿಲ್ ಸ್ಮಿತ್, ಗೋಪಾಲ್ ದತ್, ಯಶಸ್ವಿನಿ ದಯಾಮಾ ಮತ್ತು ಜಯ ಭಟ್ಟಾಚಾರ್ಯ ಮೊದಲಾದವರ ಅಭಿನಯದ ಒಂದು ಕಾಲ್ಪನಿಕ ಕ್ರೈಂ ಡ್ರಾಮಾ ಇದಾಗಿದೆ.

  ಇನ್ನು ಈ ಸರಣಿಗೆ ಪ್ರಶಸ್ತಿ ಬಂದಿರುವ ಕುರಿತು ನಿರ್ದೇಶಕ ಹಾಗೂ ನಟರು ಸಂತಸ ವ್ಯಕ್ತಪಡಿಸಿದ್ದು, ನಿರ್ದೇಶಕ ರಿಚಿ ಈ ಪ್ರಶಸ್ತಿಯನ್ನು ಸ್ವೀಕರಿಸಿವಾಗ ಸಂತ್ರಸ್ತೆ ಮತ್ತು ಅವಳ ತಾಯಿಗೆ ಗೌರವ ಸಲ್ಲಿಸಿದ್ದಾರೆ.

  ಈ "ಡೆಲ್ಲಿ ಕ್ರೈಂ" ಸರಣಿಯು 2019 ರಲ್ಲಿ ನೆಟ್‌ಫ್ಲಿಕ್ಸ್‌ನಲ್ಲಿ ಬಿಡುಗಡೆಯಾಗಿತ್ತು.