ನಟ ಕಮಲ್‌ ಹಾಸನ್‌ ಅಭಿನಯದ 'ವಿಕ್ರಮ್‌' ಚಿತ್ರದ ಟೀಸರ್‌ ಬಿಡುಗಡೆ

•   Sun, Nov 08 2020 04:03:07 PM



• ಬೆಂಗಳೂರು, ನ. 08 (DaijiworldNews/HR): ನಟ ಕಮಲ್‌ ಹಾಸನ್‌ ಅಭಿನಯದ 'ವಿಕ್ರಮ್‌' ಸಿನಿಮಾದ ಟೀಸರ್ ಇಂದು ಬಿಡುಗಡೆಯಾಗಿದೆ.

  

  ವಿಕ್ರಮ್‌ ಸಿನಿಮಾವು ಸಸ್ಪೆನ್ಸ್‌, ಥ್ರಿಲ್ಲರ್‌ ಕತೆಯನ್ನು ಹೊಂದಿದ್ದು ಟೀಸರೇ ತುಂಬಾ ಕುತೂಹಲ ಮೂಡಿಸುತ್ತಿದೆ.

  ಇನ್ನು ವಿಕ್ರಮ್‌ ಟೀಸದಲ್ಲಿ ಹಳೇ ಕಾಲದ ಬಂಗಲೆಯೊಂದರ ಒಳಗಿರುವ ಕಮಲ್‌ ಹಾಸನ್‌ ಮನೆಯ ಕಪಾಟು, ಕಿಟಕಿ ಸಂದಿ, ಮೇಜಿನ ಅಡಿ ಭಾಗ ಶಸ್ತ್ರಾಸ್ತ್ರಗಳನ್ನು ಅಡಗಿಸಿಡುತ್ತಾರೆ. ಒಂದಿಷ್ಟು ಪೊಲೀಸರು, ಗಣ್ಯರನ್ನು ಊಟಕ್ಕಾಗಿ ಕರೆದು ಅಣಿಗೊಳಿಸುತ್ತಾರೆ. ಊಟ ನಡೆಯುತ್ತಿದ್ದಂತೆಯೇ ಟೇಬಲ್‌ ಅಡಿಯಿಂದ ಎರಡು ಕೊಡಲಿಯನ್ನು ಕಮಲ್‌ ಹಾಸನ್‌ ತೆಗೆಯುತ್ತಾರೆ. ಅಲ್ಲಿಗೆ ದೃಶ್ಯ ಕಟ್‌ ಆಗುತ್ತದೆ.

  ಈ ಸಿನಿಮಾವನ್ನು ರಾಜ್ ಕಮಲ್ ಫಿಲ್ಮ್ಸ್ ಇಂಟರ್‌ ನ್ಯಾಷನಲ್‌ ಸಂಸ್ಥೆ ಈ ಚಿತ್ರ ನಿರ್ಮಿಸುತ್ತಿದ್ದು, ಲೋಕೇಶ್ ಕನಗರಾಜ್ ಚಿತ್ರದ ನಿರ್ದೇಶಕರಾಗಿದ್ದಾರೆ ಮತ್ತು ಅನಿರುದ್ಧ್‌ ಅವರ ಸಂಗೀತವಿದೆ.