ಮಂಸೋರೆ ನಿರ್ದೇಶನದ ಆಕ್ಟ್-1978 ಸಿನಿಮಾ ನ. 20 ರಂದು ಮಲ್ಟಿಪೆಕ್ಸ್‌ನಲ್ಲಿ ಬಿಡುಗಡೆ

•   Sat, Nov 07 2020 03:26:26 PM



• ಬೆಂಗಳೂರು, ನ. 07 (DaijiworldNews/HR): ಹರಿವು ಮತ್ತು ನಾತಿಚರಾಮಿಯಂಥಹ ಅದ್ಭುತ ಸಿನಿಮಾಗಳನ್ನು ನೀಡಿದ ಮಂಸೋರೆ ನಿರ್ದೇಶನದ ಆಕ್ಟ್-1978 ಚಿತ್ರ ನವಂಬರ್ 20 ರಂದು ಮಲ್ಟಿಪೆಕ್ಸ್ ನಲ್ಲಿ ಬಿಡುಗಡೆಯಾಗಲಿದೆ.

  

  ನಾತಿಚರಾಮಿ ಸಿನಿಮಾ ಮೂಲಕ ಸದ್ದು ಮಾಡಿದ್ದ ಮಂಸೋರೆ ಅವರ ಆಕ್ಟ್-1978 ಸಿನಿಮಾ ಇದೀಗ ನವಂಬರ್ 20 ರಂದು ಮಲ್ಟಿಪೆಕ್ಸ್ ನಲ್ಲಿ ಬಿಡುಗಡೆಯಾಗಲಿದ್ದು, ಇತ್ತೀಚೆಗೆ ರಿಲೀಸ್‌ ಆಗಿದ್ದ ಥೀಮ್‌ ಸಾಂಗ್‌ ಕೂಡ ಜನಮೆಚ್ಚುಗೆ ಗಳಿಸಿತ್ತು.

  ಮಂಸೋರೆ 'ACT-1978' ಸಿನಿಮಾದ ಟ್ರೇಲರ್‌ ಪುನೀತ್‌ ರಾಜ್‌ಕುಮಾರ್‌ ಅವರ 'ಪಿಆರ್‌ಕೆ ಆಡಿಯೋ' ಯೂಟ್ಯೂಬ್‌ ಚಾನೆಲ್‌ ಮೂಲಕ ಬಿಡುಗಡೆಯಾಗಿತ್ತು.

  ಇನ್ನು ಈ ಸಿನಿಮಾದಲ್ಲಿ ಬಸುರಿ ಹೆಂಗಸು ಪಾತ್ರದಲ್ಲಿ ಯಜ್ಞ ಶೆಟ್ಟಿ ಕಾಣಿಸಿಕೊಂಡಿದ್ದು ಅವರು ಹೊಟ್ಟೆಗೆ ಬಾಂಬ್‌ ಕಟ್ಟಿಕೊಂಡು ಸರ್ಕಾರಿ ಕಚೇರಿಗೆ ನುಗ್ಗುವ ದೃಶ್ಯ ಈ ಟ್ರೇಲರ್‌ನಲ್ಲಿ ಹೈಲೈಟ್‌ ಆಗಿದೆ. ಯಜ್ಞಾ ಶೆಟ್ಟಿ ಜೊತೆಗೆ ಕನ್ನಡ ಚಿತ್ರರಂಗದ ಪ್ರತಿಭಾವಂತ ನಟರು ಈ ಸಿನಿಮಾದಲ್ಲಿ ನಟಿಸಿದ್ದಾರೆ. ರಾಷ್ಟ್ರ ಪ್ರಶಸ್ತಿ ಪುರಸ್ಕೃತ ನಟ 'ಸಂಚಾರಿ' ವಿಜಯ್‌, ಅಚ್ಯುತ್‌ ಕುಮಾರ್‌, ಕೃಷ್ಣ ಹೆಬ್ಬಾಳೆ, ಅವಿನಾಶ್‌, ಶ್ರುತಿ, ದತ್ತಣ್ಣ, ಪ್ರಮೋದ್‌ ಶೆಟ್ಟಿ, ಬಿ. ಸುರೇಶ, ಶೋಭರಾಜ್‌, ರಾಘು ಶಿವಮೊಗ್ಗ ಮುಂತಾದವರು ಈ ಸಿನಿಮಾಕ್ಕಾಗಿ ಬಣ್ಣಹಚ್ಚಿದ್ದು ದೇವರಾಜ್‌ ಆರ್‌. ನಿರ್ಮಾಣ ಮಾಡಿದ್ದಾರೆ.