ಗಾಯಕಿ ಸಂಗೀತಾರನ್ನು ಮದುವೆಯಾಗುತ್ತಾರಾ ಶೈನ್ ಶೆಟ್ಟಿ ?

•   Sun, Sep 27 2020 05:24:23 PM



• ಬೆಂಗಳೂರು, ಸೆ. 27 (DaijiworldNews/HR): ಬಿಗ್​ ಬಾಸ್​ ವಿನ್ನರ್​ ಶೈನ್​ ಶೆಟ್ಟಿ ಮೊನ್ನೆಯಷ್ಟೆ ಸಾಮಾಜಿಕ ಜಾಲತಾಣದಲ್ಲಿ ಕಾಫಿ ಶಾಪ್ ಒಂದರಲ್ಲಿ ಹುಡುಗಿಯೊಬ್ಬಳ ಕೈ ಹಿಡಿದಿದ್ದ ವಿಡಿಯೋ ಶೇರ್ ಮಾಡಿಕೊಂಡಿದ್ದರು. ಅಲ್ಲದೇ ಆದಷ್ಟು ಬೇಗ ಸಿಹಿ ಸುದ್ದಿ ಹೇಳುವುದಾಗಿಯೂ ಶೈನ್ ಹೇಳಿಕೊಂಡಿದ್ದು, ಅಭಿಮಾನಿಗಳಲ್ಲಿ ವಿಡಿಯೋದಲ್ಲಿ ಇರುವವರು ಮದುವೆಯಾಗಲಿರುವ ಹುಡುಗಿಯಾ ಎಂಬ ಅನುಮಾನ ಮೂಡಿಸಿತು.

  

  
  

  
  

  ಮುಖ ತೋರಿಸದ ಚೆಲುವೆ ಯಾರು ಎಂಬ ಬಗ್ಗೆ ಅನೇಕರು ಗೆಸ್ ಮಾಡಿದ್ದು, ಸದ್ಯ ಅದಕ್ಕೆಲ್ಲಾ ಈಗ ತೆರೆಬಿದ್ದಿದೆ. ಅವರ ಕೈ ಹಿಡಿದಿರುವ ಚೆಲುವೆ ಸಂಗೀತಾ ರಾಜೀವ್​.

  ಹೌದು ಇದು ಖಚಿತವಾಗಲೂ ಕಾರಣ ಸಂಗೀತಾ ರಾಜೀವನ್​ ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿರುವ ಚಿತ್ರ. ಶೈನ್​ ಶೆಟ್ಟಿ ಕೈ ಹಿಡಿದಿರುವ ಹುಡುಗಿ ತೊಟ್ಟಿರುವ ಆಭರಣ​, ಸಂಗೀತಾ ಕೈಯಲ್ಲಿದೆ. ಅಲ್ಲದೇ ಕಾಫಿ ಶಾಪ್​ ಕೂಡ ಅದೇ ಆಗಿರುವುದು. ಶೈನ್​ ಕೈ ಹಿಡಿದಿರುವ ಆ ಹುಡುಗಿ ಸಂಗೀತಾ ಎಂಬುದು ಇದೀಗ ಖಚಿತವಾಗಿದೆ.

  ಇನ್ನು ಸಂಗೀತಾ ರಾಜೀವ್​ ಇವರು ಬಹುಭಾಷಾ ಗಾಯಕಿ. ಪಾಪ್​ ಹಾಡುಗಾರ್ತಿ ಕೂಡ ಹೌದು. ಸರಿಗಮಪ ಸೀಸನ್​ 12, 13,14 ಮತ್ತು 15ರಲ್ಲಿ ತೀರ್ಪುಗಾರ್ತಿಯಾಗಿ ಕೂಡ ಇವರು ಭಾಗಿಯಾಗಿದ್ದರು. ಸಂಯೋಜಕಿಯಾಗಿಯು ಗುರುತಿಸಿಕೊಂಡಿರುವ ಸಂಗೀತಾ ಹಿಂದಿಯಲ್ಲಿ ಪಾಪ್​ ಐಕಾನ್​ ಆಗಿಯೂ ಮಿಂಚಿದ್ದಾರೆ. 2019ರ ದಿ ಬೆಸ್ಟ್​ ಇಂಟರ್​ನ್ಯಾಷನಲ್​ ಪಾಪ್​ ಸಾಂಗ್​ ಆಫ್​​ ದ ಇಯರ್​ ಹಾಗೂ ಜಾಗತಿಕ ವಿಮಾ ಮ್ಯೂಸಿಕ್​ ಪ್ರಶಸ್ತಿ ಕೂಡ ಸಂಗೀತಾಗೆ ಲಭಿಸಿದೆ.

  ಈ ಬಗ್ಗೆ ಈಗಾಗಲೇ ರಿವೀಲ್​ ಮಾಡಿರುವ ಸಂಗೀತಾ ನಾಳೆ(ಇವತ್ತು) ಮತ್ತೊಂದು ಸರ್ಪ್ರೈಸ್​ ಇದೆ ಎಂದು ಹೇಳಿದ್ದು, ಏನದು ಎಂಬ ಕುತೂಹಲ ಎಲ್ಲರಲ್ಲೂ ಮೂಡಿದೆ.