ಕನ್ನಡ ಸಿನಿಮಾಗಳಲ್ಲಿ ಮಿಂಚಲು ಸಜ್ಜಾದ ಕರಾವಳಿಯ ಉದಯೋನ್ಮುಖ ಪ್ರತಿಭೆ ನಿಕಿತಾ ದೇವಾಡಿಗ

•   Wed, Sep 23 2020 04:54:29 PM



• ಮಂಗಳೂರು, ಸೆ. 23 (DaijiworldNews/MB) : ಕರಾವಳಿಯು ಉದಯೋನ್ಮುಖ ಪ್ರತಿಭೆಗಳಿಗೆ ಹೆಸರುವಾಸಿಯಾಗಿದೆ. ಈ ಉದಯೋನ್ಮುಖ ಪ್ರತಿಭೆಗಳಲ್ಲಿ ಓರ್ವರಾದ ಉಡುಪಿಯ ನಿಕಿತಾ ದೇವಾಡಿಗ ಅವರು ರಾಂಗ್‌ ಡೇಟ್‌ ಸಿನಿಮಾ ಮೂಲಕ ಕನ್ನಡ ಚಿತ್ರರಂಗಕ್ಕೆ ಕಾಲಿಡುತ್ತಿದ್ದಾರೆ.

  

  

  

  ನಿಕಿತಾ ದೇವಾಡಿಗ ಅವರು ಸುಧಾಕರ್ ದೇವಾಡಿಗ ಹಾಗೂ ಯೋಗಿತಾ ದೇವಾಡಿಗ ದಂಪತಿಯ ಪುತ್ರಿಯಾಗಿದ್ದು ಮುಕ್ಕಾದ ಶ್ರೀನಿವಾಸ್ ಯೂನಿವರ್ಸಿಟಿ ಕಾಲೇಜ್ ಆಫ್ ಎಂಜಿನಿಯರಿಂಗ್‌ನಲ್ಲಿ ಎಂಜಿನಿಯರಿಂಗ್ ಮುಗಿಸಿದ್ದಾರೆ. ಇದೀಗ ಕರಾವಳಿಯ ಇವರು ಕನ್ನಡ ಸಿನಿಮಾಗಳಲ್ಲಿ ಮಿಂಚಲು ಸಜ್ಜಾಗಿದ್ದಾರೆ.

  ಕನ್ನಡ ಸಿನಿಮಾ 'ರಾಂಗ್ ಡೇಟ್' ಸಚಿನ್ ಎಸ್ ಕೋಟ್ಯಾನ್‌ ನಿರ್ದೇಶನದ ಸೈಕಲಾಜಿಕಲ್ ಥ್ರಿಲ್ಲರ್ ಸಿನಿಮಾವಾಗಿದೆ. ಇದರ ಟೀಸರ್ ಸೆಪ್ಟೆಂಬರ್ 18 ರಂದು ಬಿಡುಗಡೆಯಾಗಿದ್ದು ಪ್ರೇಕ್ಷಕರಿಂದ ಉತ್ತಮ ಪ್ರತಿಕ್ರಿಯೆ ಪಡೆದಿದೆ.

  ಸುಗಮ್ ಮತ್ತು ನಿಶಾ ಯಶ್ ರಾಮ್ ಜೊತೆಗೆ ಈ ಸಿನಿಮಾದಲ್ಲಿ ನಿಕಿತಾ ಮುಖ್ಯ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಇನ್ನು, ಚಿತ್ರದ ಬಿಡುಗಡೆಯ ದಿನಾಂಕವನ್ನು ಇನ್ನೂ ಘೋಷಿಸಿಲ್ಲ.

  ನಿಕಿತಾ ಅವರು ಗಣಿ ದೇವ್ ಕಾರ್ಕಳ ನಿರ್ದೇಶನದ ಕನ್ನಡ ಚಿತ್ರ 'ಜಿಷ್ಣು'ವಿನಲ್ಲೂ ನಿಖಿತಾ ನಟಿಸಿದ್ದಾರೆ.

  ಚಲನಚಿತ್ರ ರಂಗಕ್ಕೆ ಕಾಲಿಡುವ ಮುನ್ನ ಮಾಡೆಲಿಂಗ್‌ ಮಾಡುತ್ತಿದ್ದ ನಿಕಿತಾ ಹಲವಾರು ಫ್ಯಾಶನ್ ಶೋಗಳಲ್ಲಿ ಭಾಗಿಯಾಗಿದ್ದಾರೆ.

  ರಾಂಗ್ ಡೇಟ್ ಮತ್ತು ಜಿಷ್ಣು ಎಂಬ ಎರಡು ಕನ್ನಡ ಸಿನಿಮಾಗಳಲ್ಲಿ ನಿಖಿತಾ ನಟಿಸುತ್ತಿದ್ದು ಕರಾವಳಿಯ ಪ್ರತಿಭೆಯ ಈ ಚಿತ್ರದ ಬಿಡುಗಡೆಗೆ ಪ್ರೇಕ್ಷಕರು ಕಾಯುತ್ತಿದ್ದಾರೆ.