ಉಪ್ಪಿ ಹುಟ್ಟು ಹಬ್ಬದ ದಿನದಂದೇ 'ಕಬ್ಜ' ಸಿನಿಮಾದ ಪೋಸ್ಟರ್ ಬಿಡುಗಡೆ

•   Fri, Sep 18 2020 04:57:15 PM



• ಬೆಂಗಳೂರು, ಸೆ.18 (DaijiworldNews/HR): ರಿಯಲ್ ಸ್ಟಾರ್ ಉಪೇಂದ್ರ ಅವರ ಹುಟ್ಟುಹಬ್ಬದ ಪ್ರಯುಕ್ತ ಇಂದು ಬಹು ನಿರೀಕ್ಷಿತ ಕಬ್ಜ ಚಿತ್ರದ ಪೋಸ್ಟರನ್ನು ನಿರ್ದೇಶಕ ರಾಮ್ ಗೋಪಾಲ್ ವರ್ಮಾ ಬಿಡುಗಡೆ ಮಾಡಿದ್ದಾರೆ. ಕಬ್ಜ ಸಿನಿಮಾ ಅಂಡರ್ ವರ್ಲ್ಡ್ ಡಾನ್ ಗೆ ಸಂಬಂಧಿಸಿದ ಕಥೆಯಾಗಿದೆ.

  

  ಉಪೇಂದ್ರ ಅವರು ಪೋಸ್ಟರ್ ನಲ್ಲಿ ಧೂಮಪಾನ ಮಾಡುತ್ತಿರುವುದನ್ನು ತೋರಿಸುತ್ತದೆ. ವಿಂಟೇಜ್ ರೈಲುಗಳು, ಕಾರು, ಟ್ರಕ್‌ಗಳಂತಹ ಹಿನ್ನೆಲೆ ವಸ್ತುಗಳು ಚಿತ್ರದ ರೆಟ್ರೊ ಭಾವನೆಯನ್ನು ಹೆಚ್ಚಿಸುತ್ತವೆ.1947ರಲ್ಲಿ ಬಳಸಿದ್ದ ಆಯುಧಗಳ ರೀತಿಯ ಭಾವನೆ ಪೋಸ್ಟರ್ ನಲ್ಲಿರುವ ಆಯುಧ ಕೊಡುತ್ತದೆ ಎನ್ನುತ್ತಾರೆ ನಿರ್ದೇಶಕ ಆರ್ ಚಂದ್ರು.

  ಈ ಸಿನಿಮಾ ಎಂಟಿಬಿ ನಾಗರಾಜ್ ಅವರ ಶ್ರೀ ಸಿದ್ದೇಶ್ವರ ಎಂಟರ್ಟೈನ್ ಮೆಂಟ್ಸ್ ಬ್ಯಾನರ್ ನಲ್ಲಿ ಕನ್ನಡ, ತಮಿಳು ಮತ್ತು ತೆಲುಗಿನಲ್ಲಿ ತಯಾರಾಗುತ್ತಿದೆ. ಮಲಯಾಳಂ, ಹಿಂದಿ, ಮರಾಠಿ ಮತ್ತು ಬಂಗಾಳಿ ಭಾಷೆಗಳಿಗೆ ಸಹ ಚಿತ್ರ ಡಬ್ ಆಗಲಿದೆ. ಈ ತಿಂಗಳ ಕೊನೆಗೆ ಅಥವಾ ಮುಂದಿನ ತಿಂಗಳ ಆರಂಭದಲ್ಲಿ ಚಿತ್ರದ ಶೂಟಿಂಗ್ ಪ್ರಾರಂಭವಾಗಲಿದೆ.

  ಐ ಲವ್ ಯು ಸಿನಿಮಾದ ಬಳಿಕ ಆರ್ ಚಂದ್ರು ಮತ್ತು ಉಪೇಂದ್ರ ಕಾಂಬಿನೇಷನ್ ನಲ್ಲಿ ಬರುತ್ತಿರುವ ಎರಡನೇ ಚಿತ್ರ ಇದಾಗಿದ್ದು, ರವಿ ಬಸ್ರೂರು ಸಂಗೀತ, ಅರ್ಜುನ್ ಶೆಟ್ಟಿ ಛಾಯಾಗ್ರಹಣವಿದೆ.

  ಬಹುಭಾಷಾ ಸಿನಿಮಾ "ಕಬ್ಜ" ಥೀಮ್ ಪೋಸ್ಟರ್ ಬಿಡುಗಡೆ ಮಾಡಿದ ಖ್ಯಾತ ನಿರ್ದೇಶಕರಾದ ರಾಮ್ ಗೋಪಾಲ್ ವರ್ಮಾರವರಿಗೆ ಧನ್ಯವಾದಗಳು..
  Thank you RGV sir for Launching KABZA movie Theme poster
  Video link: https://t.co/gCsASaOBq2@RGVzoomin#Kabza #kabzamovie #Panindiamoviekabza #Upendra #superstarupendra #uppi pic.twitter.com/ce7Zhzd3DQ

  — Upendra (@nimmaupendra) September 17, 2020