ಆದಿಪುರುಷ ಸಿನಿಮಾಗೆ ಲಂಕೇಶನಾಗಿ ಎಂಟ್ರಿ ಕೊಟ್ಟ ಸೈಫ್ ಅಲಿಖಾನ್

•   Thu, Sep 03 2020 05:06:29 PM



• ಹೈದರಾಬಾದ್ , ಸೆ. 3(DaijiworldNews/HR): ಟಾಲಿವುಡ್ ಸ್ಟಾರ್ ಪ್ರಭಾಸ್ ಅಭಿನಯದ ಬಹು ನಿರೀಕ್ಷಿತ ಆದಿಪುರುಷ ಸಿನಿಮಾದ ಕುರಿತು ಅಪ್‍ಡೇಟ್‍ಗಳ ಮೇಲೆ ಅಪ್‍ಡೇಟ್ ನೀಡುವ ಮೂಲಕ ಅಭಿಮಾನಿಗಳಲ್ಲಿ ಕ್ಯೂರಿಯಾಸಿಟಿ ಹುಟ್ಟಿಸಲಾಗುತ್ತಿದ್ದು, ಇದೀಗ ಲಂಕೇಶನಾಗಿ ನಟ ಸೈಫ್ ಅಲಿಖಾನ್ ಚಿತ್ರತಂಡಕ್ಕೆ ಎಂಟ್ರಿ ನೀಡಿದ್ದಾರೆ.

  

  ಆದಿಪುರುಷನ ಫಸ್ಟ್ ಲುಕ್ ಪೋಸ್ಟರ್ ಬಿಡುಗಡೆ ಮಾಡುವ ಮೂಲಕ ಇತ್ತಿಚೆಗಷ್ಟೆ ಸಿನಿಮಾ ಕುರಿತು ಮಾಹಿತಿ ನೀಡಲಾಗಿತ್ತು. ಆಗಿನಿಂದ ಅಭಿಮಾನಿಗಳಲ್ಲಿ ಕಲುತೂಹಲ ಹೆಚ್ಚಿದ್ದು, ಯಾವ ರೀತಿಯ ಸಿನಿಮಾ ಇರಬಹುದು ಎಂದು ತಲೆ ಕೆಡಿಸಿಕೊಂಡಿದ್ದರು. ಇದೀಗ ಬಿಡುಗಡೆಯಾಗಿರುವ ಹೊಸ ಪೋಸ್ಟರ್ ಇನ್ನೂ ಕುತೂಹಲ ಮೂಡಿಸಿದೆ.

  ಒಂದೇ ಪೋಸ್ಟ್‍ನ ‘ಎ’ ಅಕ್ಷರದಲ್ಲಿ ರುದ್ರ ತಾಂಡವವಾಡುತ್ತಿರುವ ಆದಿಪುರುಷ ಶಿವ, ಗಧೆ ಹಿಡಿದ ಹನುಮಂತ, ಬಿಲ್ಲು ಹಿಡಿದ ರಾಮ, ಕೆಳಗೆ ಹತ್ತು ತಲೆಗಳ ರಾವಣನ ಚಿತ್ರವಿತ್ತು. ಹೀಗಾಗಿ ಅಭಿಮಾನಿಗಳಲ್ಲಿ ಇದು ಯಾವ ರೀತಿಯ ಸಿನಿಮಾ ಎಂಬ ಪ್ರಶ್ನೆಯನ್ನು ಹುಟ್ಟುಹಾಕಿತ್ತು. ಇನ್ನೂ ವಿಶೇಷ ಎಂಬಂತೆ ಕನ್ನಡ. ತೆಲುಗು, ಹಿಂದಿ, ತಮಿಳು, ಮಲಯಾಳಂ ಒಟ್ಟು 5 ಭಾಷೆಗಳಲ್ಲಿ ಸಿನಿಮಾ ತಯಾರಾಗಲಿದೆ ಎಂಬ ಮಾಹಿತಿ ಲಭ್ಯವಾಗಿರುವುದು ಅಷ್ಟೆ ಅಲ್ಲದೆ 3ಡಿ ಸಿನಿಮಾ ಇದಾಗಿರಲಿದೆ.

  ಈ ಬಗ್ಗೆ ಬುಧವಾರ ಟ್ವೀಟ್ ಮಾಡಿದ್ದ ಪ್ರಭಾಸ್ , 7 ಸಾವಿರ ವರ್ಷಗಳ ಹಿಂದೆ ವಿಶ್ವದ ಅತ್ಯಂತ ಬುದ್ಧಿವಂತ ರಾಕ್ಷಸ ಅಸ್ತಿತ್ವದಲ್ಲಿದ್ದ. ನಾಳೆ ಬೆಳಗ್ಗೆ 7.11 ಬಿಡುಗಡೆಯಾಗಲಿದೆ ಎಂದು ಪ್ರಭಾಸ್ ಫೋಟೋ ಹಾಕಿದ್ದರು. ಅದರಂತೆ ಇಂದು ಬೆಳಗ್ಗೆ ಮತ್ತೊಂದು ಲುಕ್ ರಿವೀಲ್ ಮಾಡಿದ್ದು, ಇದರಲ್ಲಿ ಸಹ ‘ಎ’ ಚಿತ್ರದಲ್ಲಿಯೇ ಎಲ್ಲವನ್ನೂ ಹಾಕಲಾಗಿದೆ. ಅಲ್ಲದೆ ಚಿತ್ರದಲ್ಲಿ ಸೈಫ್ ಅಲಿ ಖಾನ್ ಲಂಕೇಶ್ ಅವತಾರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎಂದು ಬರೆಯಲಾಗಿದೆ.

  7000 years ago existed the world's most intelligent demon! #Adipurush 🔥#Prabhas #SaifAliKhan @omraut @itsBhushanKumar @vfxwaala @rajeshnair06 @TSeries @RETROPHILES1 pic.twitter.com/szCmYjt6KJ

  — Prabhas (@PrabhasRaju) September 3, 2020