'ಕನಸು ಮಾರಾಟಕ್ಕಿದೆ' ಸಿನಿಮಾದ ಟೀಸರ್‌‌ಗೆ ವ್ಯಾಪಕ ಮೆಚ್ಚುಗೆ

•   Fri, Aug 28 2020 06:07:20 PM



• ಬೆಂಗಳೂರು, ಆ 28(DaijiworldNews/HR): ಕನ್ನಡ ಚಿತ್ರರಂಗದ ಜನಪ್ರಿಯ ನಿರ್ದೇಶಕ ಜೋಗಿ ಪ್ರೇಮ್ ಅವರು 'ಕನಸು ಮಾರಾಟಕ್ಕಿದೆ' ಚಿತ್ರದ ಟೀಸರ್ ಬಿಡುಗಡೆ ಮಾಡಿದ್ದು, ಬೋಧಿ ಮೀಡಿಯಾ ಚಾನೆಲ್‌ನಲ್ಲಿ ಬಿಡುಗಡೆಯಾದ ಟೀಸರ್ ಬಿಡುಗಡೆಯಾದ ಮೂರು ಗಂಟೆಗಳಲ್ಲಿ 16,000 ಜನರು ವೀಕ್ಷಿಸಿ, ಟೀಸರ್ ಬಗ್ಗೆ ಒಳ್ಳೆಯ ಅಭಿಪ್ರಾಯಗಳನ್ನು ವ್ಯಕ್ತಪಡಿಸಿದ್ದಾರೆ.

  

  
  

  ಸಂಪೂರ್ಣವಾಗಿ ಹೊಸ ಮುಖಗಳನ್ನು ಹೊಂದಿರುವ ಸಿನಿಮಾ ಇದಾಗಿದ್ದು, ನಿರೀಕ್ಷೆಯಂತೆ ಹೊಸತನವನ್ನು ಪ್ರದರ್ಶಿಸಿ ಬಿಡುಗಡೆಯಾದ ಟೀಸರ್ ಪ್ರೇಕ್ಷಕರ ನಿರೀಕ್ಷೆಯನ್ನು ಹೆಚ್ಚಿಸಿದೆ.

  ಕಥೆಯನ್ನು ನವೀನ್ ಜಿ ಪೂಜಾರಿ ಬರೆದಿದ್ದು,ನಿರ್ದೇಶನ ಸ್ಮಿತೇಶ್ ಎಸ್ ಬರ್ಯಾ, ಕಾಮಿಡಿ ಕಿಲಾಡಿ ಸೀಸನ್ ಖ್ಯಾತಿಯ ಅನೀಶ್ ಪೂಜರಿ ವೆನೂರ್ ಅವರು ಸಹಾಯಕ ನಿರ್ದೇಶಕರಾಗಿರುವುದರ ಜೊತೆಗೆ ಚಿತ್ರಕಥೆ ಮತ್ತು ಸಂಭಾಷಣೆ ಬರೆದಿದ್ದಾರೆ ಮತ್ತು ಮಾನಸ ಹೊಳ್ಳ ಹಾಡು ಹಾಡಿದ್ದಾರೆ.

  ಪ್ರಜ್ನೇಶ್ ಶೆಟ್ಟಿ, ಸ್ವಸ್ತಿಕ ಪೂಜಾರಿ, ನವ್ಯಾ ಪೂಜಾರಿ, ಕೆ.ಎಸ್.ಶ್ರೀಧರ್, ಚಿದಂಬರ, ಧೀರಜ್, ರುದ್ರೇಶ್ ಶೆಣೈ, ಮೋಹನ್ ಶೆಣೈ, ಸೂರ್ಯ ಕುಂದಾಪುರ ಮತ್ತು ದೀಕ್ಷಿತ್ ಪೂಜಾರಿ ಮುಖ್ಯ ತಾರಾಗಣದಲ್ಲಿದ್ದಾರೆ.

  ರೋಮ್ಯಾನ್ಸ್, ಸಸ್ಪೆನ್ಸ್ ಮತ್ತು ಥ್ರಿಲ್ಲರ್ ತುಂಬಿದ ಟೀಸರ್ ಅನ್ನು ನೋಡಿದ ನಂತರ ಚಿತ್ರದ ವಿಷಯ ತಿಳಿಯಲು ಚಲನಚಿತ್ರ ಪ್ರೇಕ್ಷಕರಿಗೆ ಕುತೂಹಲ ಮೂಡಿಸಿದ್ದು, ಟೀಸರ್ ಗಾಗಿ ಸಾಮಾಜಿಕ ಜಾಲತಾಣಗಳಲ್ಲಿ ಅದ್ಭುತ ಪ್ರತಿಕ್ರಿಯೆ ಕಂಡುಬಂದಿದೆ.

  ಸಿನಿಮಾದ ಬಗ್ಗೆ ತಮ್ಮ ಅಭಿಪ್ರಾಯವನ್ನು ಹಂಚಿಕೊಂಡ ನಿರ್ದೇಶಕ ಸ್ಮಿತೇಶ್ ಎಸ್ ಬರಿಯಾ ಅವರು ಶೀಘ್ರದಲ್ಲೇ ಚಿತ್ರ ಬಿಡುಗಡೆಯಾಗಲಿದೆ, ಸಿನಿಮಾದ ಕಥೆಯ ಸಾರವನ್ನು ಕೇಳಿದಾಗ, ಇನ್ನೂ ಕಥೆಯ ರಹಸ್ಯವನ್ನು ಬಹಿರಂಗಪಡಿಸಿಲ್ಲ ಎಂದು ತಿಳಿಸಿದ್ದಾರೆ.