ಕೆಜಿಎಫ್‌ ಸಿನಿಮಾಕ್ಕೆ ಪ್ರಕಾಶ್‌ ರಾಜ್‌ ಎಂಟ್ರಿ - ಕುತೂಹಲ ಹೆಚ್ಚಿಸಿದ ಚಾಪ್ಟರ್ 2

•   Wed, Aug 26 2020 05:20:51 PM



• ಬೆಂಗಳೂರು, ಆ. 26 (DaijiworldNews/MB) : ಕೊರೊನಾ ಲಾಕ್‌ಡೌನ್‌ ಕಾರಣದಿಂದ ಹಲವಾರು ಸಿನಿಮಾ, ಧಾರಾವಾಗಿಗಳ ಚಿತ್ರೀಕರಣ ನಿಂತು ಹೋಗಿದ್ದವು. ಇದೀಗ ಮತ್ತೆ ಸಿನಿಮಾಗಳ ಶೂಟಿಂಗ್‌ ಆರಂಭವಾಗಿದ್ದು ಏತನ್ಮಧ್ಯೆ ಕೆಜಿಎಫ್‌ ಚಾಪ್ಟರ್‌ ಸಿನಿಮಾದಲ್ಲಿ ಪ್ರಕಾಶ್‌ ರಾಜ್ ಅವರು ಕೂಡಾ ಎಂಟ್ರಿ ನೀಡಿದ್ದಾರೆ. ಈ ಮೂಲಕ ಕೆಜಿಎಫ್‌ ಚಾಪ್ಟರ್ 2 ಸಿನಿಮಾದ ಮೇಲಿನ ಕುತೂಹಲ ಮತ್ತಷ್ಟು ಹೆಚ್ಚಿದೆ.

  

  ಕೆಜಿಎಫ್‌ ಚಾಪ್ಟರ್ 2 ಸಿನಿಮಾದಲ್ಲಿ ಹಿರಿಯ ನಟ ಅನಂತ್‌ ನಾಗ್‌ ಅವರು ನಟಿಸುವುದಿಲ್ಲ ಎಂದು ಈ ಹಿಂದೆಯೇ ಹೇಳಲಾಗುತ್ತಿದ್ದು ಈ ನಡುವೆ ಅನಂತ್‌ ನಾಗ್‌ ಅವರು ಕೆಜಿಎಫ್‌ನಲ್ಲಿ ನಿಭಾಯಿಸಿದ್ದ ಪಾತ್ರವನ್ನು ಪ್ರಕಾಶ್‌ ರಾಜ್ ಅವರು 'ಕೆಜಿಎಫ್‌ ಚಾಪ್ಟರ್‌ 2' ಸಿನಿಮಾದಲ್ಲಿ ನಿರ್ವಹಿಸಲಿದ್ದಾರೆ ಎಂಬಂತೆ ಸೂಚಿಸುವ ಫೋಟೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿದೆ. ಈ ಫೋಟೋವನ್ನು ಸ್ವತಃ ಪ್ರಕಾಶ್‌ ರೈ ಅವರೇ ಟ್ವೀಟ್‌ ಮಾಡಿದ್ದು ''ಸ್ಟಾರ್‍ಟ್‌ ಕ್ಯಾಮೆರಾ ಆಕ್ಷನ್‌, ವಾಪಾಸ್‌ ಕೆಲಸಕ್ಕೆ'' ಎಂದು ಬರೆದುಕೊಂಡಿದ್ದಾರೆ.

  ಆದರೆ ಪ್ರಕಾಶ್‌ ರಾಜ್ ಅವರು ಅಧಿಕೃತವಾಗಿ ಎಲ್ಲಿಯೂ ಕೂಡಾ ತಾನು ಕೆಜಿಎಫ್‌ ಚಾಪ್ಟರ್ 2 ಸಿನಿಮಾದ ಶೂಟಿಂಗ್‌ನಲ್ಲಿ ಇರುವುದಾಗಿ ಹೇಳಿಕೊಂಡಿರಲಿಲ್ಲ. ಸಿನಿಮಾ ತಂಡವೂ ಕೂಡಾ ಈ ಬಗ್ಗೆ ಯಾವುದೇ ಮಾಹಿತಿಯನ್ನು ನೀಡಿರಲಿಲ್ಲ.

  'ಕೆಜಿಎಫ್‌ ಚಾಪ್ಟರ್‌ 2' ಸಿನಿಮಾದಲ್ಲಿ ಅನಂತ್‌ ನಾಗ್‌ ಜಾಗದಲ್ಲಿ ಪ್ರಕಾಶ್‌ ರಾಜ್ ಕಾಣಿಸಿಕೊಳ್ಳಲಿದ್ದಾರಾ ಎಂದು ಸುದ್ದಿಯಾಗುತ್ತಿದ್ದಂತೆ ಈ ಬಗ್ಗೆ ಅಧಿಕೃತವಾಗಿ ಸ್ಪಷ್ಟನೆ ನೀಡಿರುವ ಸಿನಿಮಾದ ನಿರ್ದೇಶಕ ಪ್ರಶಾಂತ್ ನೀಲ್ ಅವರು, ''ಪ್ರಕಾಶ್‌ ರಾಜ್‌ ಅವರಿಗೆ ಸ್ವಾಗತ, ಅಂತಿಮವಾಗಿ ನಾವು 'ಕೆಜಿಎಫ್‌ ಚಾಪ್ಟರ್‌ 2' ಸಿನಿಮಾದ ಚಿತ್ರೀಕರಣ ಆರಂಭ ಮಾಡಿದ್ದೇವೆ. ಸಿನಿಮಾದ ಬಗ್ಗೆ ನಿಮಗೆಲ್ಲರಿಗೂ ಇರುವ ಪ್ರೀತಿ ಮತ್ತು ಉತ್ಸಾಹಕ್ಕಾಗಿ ಧನ್ಯವಾದಗಳು'' ಎಂದು ಹೇಳಿದ್ದಾರೆ. ಇದೀಗ ಕೆಜಿಎಫ್‌ ಸಿನಿಮಾದ ಮೇಲಿನ ಕುತೂಹಲ ಮತ್ತಷ್ಟು ಹೆಚ್ಚಾಗಿದೆ.

  ಏತನ್ಮಧ್ಯೆ ಈ ತಿಂಗಳ ಆರಂಭದಲ್ಲಿ ಈ ಸಿನಿಮಾದಲ್ಲಿ ಅಧೀರಾ ಪಾತ್ರ ನಿರ್ವಹಿಸುವ ಬಾಲಿವುಡ್ ನಟ ಸಂಜಯ್ ದತ್ ಅವರಿಗೆ ಶ್ವಾಸಕೋಶದ ಕ್ಯಾನ್ಸರ್ ಇರುವುದು ದೃಢಪಟ್ಟಿದ್ದು ಚಿಕಿತ್ಸೆ ಪಡೆದು ಶೂಟಿಂಗ್‌ಗೆ ಹಾಜರಾಗಲಿದ್ದಾರೆ ಎಂದು ಹೇಳಲಾಗಿದೆ.

  Start Camera..Action... BACK TO WORK.. pic.twitter.com/LzFFhJrsjG

  — Prakash Raj (@prakashraaj) August 26, 2020

  Welcome on board @prakashraaj sir.
  We resume shoot finally for #KGFCHAPTER2
  Thank you everyone for all the love and excitement towards the movie.
  Wish us all the luck🙏 pic.twitter.com/AmPS9PDh2o

  — Prashanth Neel (@prashanth_neel) August 26, 2020