ತುಳು ಸೇರಿ ನಾಲ್ಕು ಭಾಷೆಯಲ್ಲಿ ಮೂಡಿಬಂದ ಸ್ವಾಮಿ ವಿವೇಕಾನಂದ ಆಲ್ಬಂ ಗೀತೆ

•   Mon, Aug 17 2020 05:14:55 PM



• ಮಂಗಳೂರು,ಆ.17 (DaijiworldNews/HR):ಸ್ವಾಮಿ ವಿವೇಕಾನಂದರ ನುಡಿಗಳನ್ನೇ ದಾರಿ ದೀಪವಾಗಿಸಿ, ಅವರು ಬದುಕಿದ ದಾರಿಯನ್ನೇ ಅನುಸರಿಸಿ, ಅವರನ್ನು ಬದುಕಿನ ದಿವ್ಯ ಚೇತನವನ್ನಾಗಿಸಿ ಆರಾಧಿಸಿಕೊಂಡು ಬಂದಂತಹ ಯುವಕರ ತಂಡ ಜೈ ಜೈ ಸ್ವಾಮಿ ವಿವೇಕಾನಂದ ಎಂಬ ಆಲ್ಬಂ ಗೀತೆಯನ್ನು ಹೊರತಂದಿದ್ದಾರೆ.

  

   

  

  ಈ ಆಲ್ಬಂ ಗೀತೆಯ ವಿಶೇಷತೆ ಏನೆಂದರೆ ಇದು ಕನ್ನಡ, ಇಂಗ್ಲೀಷ್, ಹಿಂದಿ ಹಾಗೂ ತುಳು ಸೇರಿ ನಾಲ್ಕು ಭಾಷೆಗಳಲ್ಲಿ ತಯಾರಾಗಿದೆ.

  ನಿರ್ದೇಶಕ ಜಯಪ್ರಕಾಶ್ ಅವರ ಕನಸಿನ ಕೂಸು ಜೈ ಜೈ ಸ್ವಾಮಿ ವಿವೇಕಾನಂದ. ಇದಕ್ಕಾಗಿ ಅವರು ಎರಡು ವರ್ಷಗಳಿಂದ ತನ್ನನ್ನು ತಾನು ತೊಡಗಿಸಿಕೊಂಡು ಈ ವಿಡಿಯೋವನ್ನು ಆಗಸ್ಟ್ 15 ರಂದು ಬಿಡುಗಡೆ ಮಾಡಿದ್ದಾರೆ.

  ಇದರ ಮೂಲ ಇಂಗ್ಲೀಷ್ ಸಾಹಿತ್ಯವನ್ನು ಜಯಪ್ರಕಾಶ್ ಬರೆದು, ನಿರ್ದೇಶನ ಮಾಡಿದ್ದಾರೆ. ಹಿಂದಿಯ ಸಾಹಿತ್ಯ ಮೆಲ್ವಿನ್ ಅಂತೋನಿ ಡಿಸೋಜಾ ಅವರದ್ದಾದರೆ ತುಳು ಹಾಗೂ ಕನ್ನಡ ಸಾಹಿತ್ಯ ವಿಜೇಶ್ ಮಂಗಳಾದೇವಿ ಬರೆದಿದ್ದಾರೆ.

  ಗಾಯಾಕಿ ಐರಾ ಉಡುಪಿ ಅವರ ಕಂಠದಲ್ಲಿ ನಾಲ್ಕು ಭಾಷೆಯ ಹಾಡುಗಳು ಮೂಡಿಬಂದಿದ್ದು, ಸುರೇಶ್ ಬಾಬು ಸಂಗೀತ, ಸುಹಾಸ್ ಸಂಕಲನ ಹಾಗೂ ದೇರಳಕಟ್ಟೆ ಸುರೇಶ್ ಅವರ ಛಾಯಾಗ್ರಹಣದೊಂದಿಗೆ ಈ ಗೀತೆ ಮೂಡಿಬಂದಿದೆ.

  ವಿಡಿಯೋ ಬಿಡುಗಡೆ ಸಂಧರ್ಭದಲ್ಲಿ ನಿರ್ದೇಶಕ ಜಯಪ್ರಕಾಶ್ ಸಿ ಎಸ್, ಸಂಗೀತ ನಿರ್ದೇಶಕ ಸಂದೇಶ್ ಬಾಬು, ಗೀತರಚನೆಕಾರ ವಿಜೇಶ್ ದೇವಡಿಗಾ ಮಂಗಳದೇವಿ, ಕ್ಯಾಮರಾಮನ್ ದೇರಳಕಟ್ಟೆ ಸುರೇಶ್, ತಂಡದ ಸದಸ್ಯರಾದ ನಿರ್ದೇಶಕ ಶಿವಪ್ರಸಾದ್, ಮನೀಶ್ ಕುಲಾಲ್ ಮತ್ತು ರವಿಶಂಕರ್ ಉಪಸ್ಥಿತರಿದ್ದರು.