'ಸಡಕ್ 2' ಸಿನಿಮಾದ ಮೇಲೆ ನೆಪೊಟಿಸಂ ಪಟ್ಟು-ಯೂಟ್ಯೂಬ್ ನಲ್ಲಿ ಅತಿ ಹೆಚ್ಚು ಡಿಸ್ಲೈಕ್

•   Fri, Aug 14 2020 06:02:35 PM



• ಮುಂಬೈ, ಆ 14 (DaijiworldNews/HR): ಸದ್ಯ ಬಾಲಿವುಡ್ ನಲ್ಲಿ ನೆಪೊಟಿಸಂನ ಸದ್ದು ಜೋರಾಗಿ ಕೇಳಿಬರುತ್ತಿದ್ದು, ಅದರ ಪರಿಣಾಮವಾಗಿ ಇತ್ತೀಚೆಗೆ ಬಿಡುಗಡೆಯಾದ ಕೆಲವು ಸಿನಿಮಗಳ ಮೇಲೆ ಪರಿಣಾಮ ಬೀರುತ್ತಿದೆ.

  

  ನೆಪೊಟಿಸಂ ವಿವಾದ ತೀವ್ರ ಪೆಟ್ಟುಬಿದ್ದ ಸಿನಿಮಾಗಳ ಸಾಲಿನಲ್ಲಿ ಜಾಹ್ನವಿ ಕಪೂರ್ ಅಭಿನಯದ ಗುಂಜನ್ ಸಕ್ಸೆನಾ ಸಿನೆಮಾ ಮೊದಲಿದ್ದರೆ, ಇದೀಗ ಆಲಿಯಾ ಭಟ್ , ಸಂಜಯ್ ದತ್, ಆದಿತ್ಯ ರಾಯ್ ಕಪೂರ್ ಅಭಿನಯದ ಸಡಕ್ -2 ಕೂಡ ಸೇರಿಕೊಂಡಿದೆ.

  ಈ ಚಿತ್ರದ ಟ್ರೈಲರ್ ಗುರುವಾರ ಬಿಡುಗಡೆಯಾಗಿತ್ತು, ಯೂಟ್ಯೂಬ್ ನಲ್ಲಿ 54 ಲಕ್ಷ ಮಂದಿ ಅದನ್ನು ಡಿಸ್ ಲೈಕ್ ಮಾಡಿದ್ದಾರೆ. ಇನ್ನು ವಿಶ್ವದಲ್ಲಿ ಅತಿ ಹೆಚ್ಚು ಲೈಕ್ ಮತ್ತು ಡಿಸ್ ಲೈಕ್ ಮಾಡಿರುವ ವಿಡಿಯೊಗಳ ಪೈಕಿ ಸಡಕ್ -2 ಟ್ರೈಲರ್ ಕೂಡ ಒಂದಾಗಿದೆ.

  ಬಾಲಿವುಡ್ ನಟ ಸುಶಾಂತ್ ಸಿಂಗ್ ರಜಪೂತ್ ಸಾವಿನ ನಂತರ ನೆಪೊಟಿಸಂ ಜೋರಾಗಿ ಕೇಳಿಬರುತ್ತಿದ್ದು, ಬಾಲಿವುಡ್ ನಲ್ಲಿ ಸ್ಟಾರ್ ಗಳ ಮಕ್ಕಳಿಗೆ ಹೆಚ್ಚು ಅವಕಾಶ ನೀಡಲಾಗುತ್ತಿದ್ದೂ, ಸಿನಿಮಾ ಹಿನ್ನೆಲೆ ಇಲ್ಲದವರಿಗೆ ಅವಕಾಶ ನಿರಾಕರಿಸಲಾಗುತ್ತಿದೆ ಎಂಬ ಆರೋಪಗಳು ಕೇಳಿಬರುತ್ತಿವೆ.

  ಸಡಕ್ -2 ಸಿನಿಮಾ ಮಹೇಶ್ ಭಟ್ ಅವರ 1991ನೇ ಸಾಲಿನ ಸಡಕ್ ಚಿತ್ರದ ಮುಂದುವರಿದ ಸರಣಿಯಾಗಿದೆ. ಈ ಚಿತ್ರ ಇದೇ ತಿಂಗಳ 28ಕ್ಕೆ ಡಿಸ್ನಿ, ಹಾಟ್ ಸ್ಟಾರ್ ನಲ್ಲಿ ಬಿಡುಗಡೆಯಾಗಲಿದೆ.