ಕುಖ್ಯಾತ ರೌಡಿ ವಿಕಾಸ್‌ ದುಬೆ ಎನ್‌ಕೌಂಟರ್‌ ಆಧರಿತ ಹೊಸ ಪೊಲಿಟಿಕಲ್‌ ವೆಬ್ ಸಿರೀಸ್ !

•   Mon, Aug 10 2020 04:32:39 PM



• ಮುಂಬೈ, ಆ 10(DaijiworldNews/HR): ಸಿನಿಮಾದ ರೀತಿಯಲ್ಲೇ ವೆಬ್‌ ಸಿರೀಸ್‌ಗಳು ಮಿಂಚುತ್ತಿದ್ದು, ಇದೀಗ ಬಾಲಿವುಡ್‌ನ ಖ್ಯಾತ ನಿರ್ದೇಶಕ ಹನ್ಸಲ್‌ ಮೆಹ್ತಾ ಅವರು ಹೊಸದೊಂದು ವೆಬ್‌ ಸಿರೀಸ್‌ ಮಾಡುವ ಬಗ್ಗೆ ಮಾಹಿತಿ ಹಂಚಿಕೊಂಡಿದ್ದಾರೆ.

  

  ಕುಖ್ಯಾತ ರೌಡಿ ವಿಕಾಸ್‌ ದುಬೆ ಎನ್‌ಕೌಂಟರ್‌ ಸುತ್ತ ಅನೇಕ ಅನುಮಾನದ ಪ್ರಶ್ನೆಗಳು ಮೂಡಿದ್ದು, ಆ ಘಟನೆ ಆಧರಿಸಿ ವೆಬ್‌ ಸಿರೀಸ್‌ ಮಾಡಲು ಈಗ ಪ್ಲ್ಯಾನ್‌ ಸಿದ್ಧವಾಗಿದ್ದು, ಖ್ಯಾತ ನಿರ್ದೇಶಕ ಹನ್ಸಲ್‌ ಮೆಹ್ತಾ ಅವರು ಇದಕ್ಕೆ ಆ್ಯಕ್ಷನ್‌-ಕಟ್ ಹೇಳಲಿದ್ದಾರೆ.

  ಅಭಿಷೇಕ್‌ ಬಚ್ಚನ್‌, ನಿತ್ಯಾ ಮೆನನ್‌, ಸೈಫ್‌ ಅಲಿ ಖಾನ್‌, ರಾಧಿಕಾ ಆಪ್ಟೆ ಮುಂತಾದವರೆಲ್ಲ ವೆಬ್‌ ಸರಣಿಯಲ್ಲಿ ನಟಿಸುತ್ತಿದ್ದಾರೆ.

  ಸಾಮಾನ್ಯವಾಗಿ ವೆಬ್‌ ಸರಣಿಗಳಲ್ಲಿ ಕ್ರೈಂ ಕಥೆಗಳೇ ಹೆಚ್ಚಾಗಿದ್ದು, ಇಂಥದ್ದೇ ಒಂದು ಕ್ರೈಂ ಕಥೆ ಇಟ್ಟುಕೊಂಡು ಬಾಲಿವುಡ್‌ನ ಖ್ಯಾತ ನಿರ್ದೇಶಕ ಹನ್ಸಲ್‌ ಮೆಹ್ತಾ ಅವರು ಹೊಸದೊಂದು ವೆಬ್‌ ಸಿರೀಸ್‌ ಮಾಡುವ ಬಗ್ಗೆ ಮಾಹಿತಿ ಹಂಚಿಕೊಂಡಿದ್ದಾರೆ.

  ಇದು ಕುಖ್ಯಾತ ರೌಡಿ ವಿಕಾಸ್‌ ದುಬೆ ಜೀವನಾಧಾರಿತ ಕಥೆಯಾಗಿದ್ದು, ವಿಕಾಸ್‌ ದುಬೆಯ ಕರಾಳ ಮುಖ ಮತ್ತು ಆತನ ಎನ್‌ಕೌಂಟರ್‌ ಘಟನೆಗಳನ್ನು ಆಧರಿಸಿದ ಒಂದು ಪೊಲಿಟಿಕಲ್‌ ವೆಬ್‌ ಸರಣಿ ಇದಾಗಿದೆ.

  ಭೂಗತ ಲೋಕದಲ್ಲಿದ್ದ ವಿಕಾಸ್‌ ದುಬೆ ಮೇಲೆ 60ಕ್ಕೂ ಹೆಚ್ಚು ಪ್ರಕರಣಗಳು ದಾಖಲಾಗಿದ್ದು ಆತನನ್ನು ಮಧ್ಯಪ್ರದೇಶದಲ್ಲಿ ಜುಲೈ 9ರಂದು ಬಂಧಿಸಲಾಯಿತು. ಬಳಿಕ ಆತನನ್ನು ಕರೆದುಕೊಂಡು ಹೋಗುತ್ತಿದ್ದ ಪೊಲೀಸ್‌ ವಾಹನ ಅಪಘಾತಕ್ಕೀಡಾದ ಸಂದರ್ಭದಲ್ಲಿ ವಿಕಾಸ್‌ ದುಬೆ ತಪ್ಪಿಸಿಕೊಳ್ಳಲು ಪ್ರಯತ್ನಿಸಿದ್ದು, ಆಗ ನಡೆದ ಎನ್‌ಕೌಟರ್‌ಗೆ ಆತ ಬಲಿಯಾಗಿದ್ದಾನೆ.