ಅತ್ತೆ ಸೊಸೆಯ ಭರ್ಜರಿ ಡ್ಯಾನ್ಸ್- ವಿಡಿಯೋ ವೈರಲ್

•   Thu, Aug 06 2020 07:23:06 PM



• ಮಂಬೈ, ಆ. 06(DaijiworldNews/HR): ಬಾಲಿವುಡ್ ನಟಿ, ಶಿಲ್ಪಾ ಶೆಟ್ಟಿ ಅತ್ತೆಯ ಜೊತೆ ಡ್ಯಾನ್ಸ್ ಮಾಡಿರುವ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗುತ್ತಿದೆ.

  

  ಅತ್ತೆಯ ಹುಟ್ಟುಹಬ್ಬದ ವಿಶೇಷವಾಗಿ ಶಿಲ್ಪಾ ಶೆಟ್ಟಿ ಪಂಜಾಬಿ ಹಾಡು ‘ಸೌದಾ ಖರಾ ಖರಾ’ ಸಖತ್ ಹೆಜ್ಜೆ ಹಾಕಿದ್ದಾರೆ. ಸೊಸೆ ಡ್ಯಾನ್ಸ್ ಮಾಡುವ ವೇಳೆ ಪಕ್ಕದಲ್ಲಿಯೇ ನಿಂತಿದ್ದ ಅತ್ತೆ ಹೆಜ್ಜೆ ಹಾಕುವ ಮೂಲಕ ಬರ್ತ್ ಡೇ ಆಚರಿಸಿಕೊಂಡಿದ್ದಾರೆ.

  ಈ ವಿಡಿಯೋ ಇದುವರೆಗೂ 10 ಲಕ್ಷಕ್ಕೂ ಅಧಿಕ ವ್ಯೂವ್ ಪಡೆದುಕೊಂಡಿದ್ದು, ನೆಟ್ಟಿಗರು ಅತ್ತೆ-ಸೊಸೆ ನಡುವಿನ ಬಾಂಧವ್ಯಕ್ಕೆ ಮೆಚ್ಚುಗೆ ಸೂಚಿಸಿದ್ದಾರೆ.

  ಇನ್‍ಸ್ಟಾಗ್ರಾಂನಲ್ಲಿ ಡ್ಯಾನ್ಸ್ ವಿಡಿಯೋ ಪೋಸ್ಟ್ ಮಾಡಿಕೊಂಡಿರುವ ಶಿಲ್ಪಾ ಶೆಟ್ಟಿ, ಅಮೇಜಿಂಗ್ ಅತ್ತೆಗೆ ಹುಟ್ಟುಹಬ್ಬದ ಶುಭಾಶಯಗಳು. ನೀವು ನಮ್ಮ ಕುಟುಂಬದ ಅಲ್ಟಿಮೇಟ್ ರಾಕ್ ಸ್ಟಾರ್. ನಿಮ್ಮನ್ನು ಅತ್ತೆಗೆ ಪಡೆದ ನಾನು ಅದೃಷ್ಟವಂತೆ. ನಿಮ್ಮ ಆಶೀರ್ವಾದ ಸದಾ ನಮ್ಮ ಮೇಲಿರಲಿ. ಒಬ್ಬ ಸೊಸೆಗೆ ಅತ್ತೆಯ ರೂಪದಲ್ಲಿ ಒಳ್ಳೆಯ ಡ್ಯಾನ್ಸ್ ಪಾಟರ್ನರ್ ಮತ್ತು ಸ್ನೇಹಿತೆ ಆಗಿದ್ದೀರಿ ಎಂದು ಬರೆದುಕೊಂಡಿದ್ದಾರೆ.