ಸುಶಾಂತ್ ಮಲಗುತ್ತಿದ್ದರೆ, ರಿಯಾ ಅವರ ಕುಟುಂಬದವರು ಪಾರ್ಟಿ ಮಾಡುತ್ತಿದ್ದರು-ಬಾಡಿಗಾರ್ಡ್ ಆರೋಪ

•   Sat, Aug 01 2020 05:25:08 PM



• ಮುಂಬೈ, ಆ 01 (DaijiworldNews/HR): ಸುಶಾಂತ್ ಸಿಂಗ್ ರಜಪೂತ್ ಆತ್ಮಹತ್ಯೆ ಪ್ರಕರಣದ ತನಿಖೆ ಜೋರಾಗಿ ನಡೆಯುತ್ತಿದೆ. ಈ ಪ್ರಕರಣದಲ್ಲಿ ಬಾಲಿವುಡ್ ನ ಸಾಕಷ್ಟು ಮಂದಿಯನ್ನು ವಿಚಾರಣೆ ಮಾಡಲಾಗಿದೆ. ಸುಶಾಂತ್ ಸಿಂಗ್ ಪ್ರೇಯಸಿ ರಿಯಾ ಚಕ್ರವರ್ತಿ ವಿರುದ್ಧ ಸುಶಾಂತ್ ಸಿಂಗ್ ತಂದೆ ದೂರು ದಾಖಲಿಸಿದ ಬಳಿಕ ಪ್ರಕರಣ ಮತ್ತಷ್ಟು ಬೆಳವಣಿಗೆ ಪಡೆದುಕೊಂಡಿದೆ.

  

  ಇದೀಗ ಈಗ ಸುಶಾಂತ್ ಸಿಂಗ್ ಬಾಡಿ ಗಾರ್ಡ್ ರಿಯಾ ವಿರುದ್ಧ ಅನುಮಾನ ವ್ಯಕ್ತಪಡಿಸಿದ್ದಾರೆ. ಸುಶಾಂತ್ ತಂದೆ ಕೆಕೆ ಸಿಂಗ್, ರಿಯಾ ವಿರುದ್ಧ ಮಾಡಿರುವ ಆರೋಪ ಸರಿಯಾಗೆ ಇದೆ ಎಂದು ಹೇಳಿದ್ದಾರೆ. ಸುಶಾಂತ್ ಆತ್ಮಹತ್ಯೆ ಹಿಂದೆ ರಿಯಾ ಕೈವಾಡವಿದೆ ಎಂದು ಬಾಡಿಗಾರ್ಡ್ ಹೇಳಿದ್ದಾರೆ.

  ಈ ಕುರಿತು ಮಾತನಾಡಿರುವ ಅವರು, 'ಸುಶಾಂತ್​ ಯಾವಾಗಲೂ ಮಲಗಿರುತ್ತಿದ್ದರೆ, ರಿಯಾ ಅವರ ಕುಟುಂಬದವರು ಪಾರ್ಟಿ ಮಾಡುತ್ತಿದ್ದರು. ರಿಯಾ ಬಂದ ನಂತರ ಸುಶಾಂತ್​ ಅವರಲ್ಲಿ ಸಾಕಷ್ಟು ಬದಲಾವಣೆ ಆಯಿತು. ಅಷ್ಟೇ ಅಲ್ಲ, ನನ್ನೊಬ್ಬನನ್ನು ಬಿಟ್ಟು ಸುಶಾಂತ್​ ಮನೆಯ ಎಲ್ಲಾ ಕೆಲಸದವರನ್ನು ರಿಯಾ ಬದಲಾಯಿಸಿದರು. ಸುಶಾಂತ್​ ಆತ್ಮಹತ್ಯೆ ಮಾಡಿಕೊಳ್ಳುವಂತಹ ವ್ಯಕ್ತಿಯೇ ಅಲ್ಲ. ನನಗಂತೂ ಅವರ ಸಾವಿನ ಹಿಂದೆ ರಿಯಾ ಕೈವಾಡ ಇದೆ ಎಂದನಿಸುತ್ತಿದೆ. ಈ ಕುರಿತು ಸೂಕ್ತ ತನಿಖೆ ಆಗಬೇಕು' ಎಂದು ಆಗ್ರಹಿಸಿದ್ದಾರೆ.