ಸಂಜಯ್ ದತ್ ಜನ್ಮದಿನಕ್ಕೆ ಕೆಜಿಎಫ್​ ಚಾಪ್ಟರ್ 2 ಚಿತ್ರತಂಡದಿಂದ ಭರ್ಜರಿ ಗಿಪ್ಟ್

•   Wed, Jul 29 2020 05:01:06 PM



• ಮುಂಬೈ, ಜು. 29 (DaijiworldNews/HR): ಬಾಲಿವುಡ್ ನ ಖ್ಯಾತ ನಟ ಸಂಜಯ್​ ದತ್ ಅವರ ೬೧ನೇ ಜನ್ಮದಿನಕ್ಕೆ ಇಂದು ಚಿತ್ರತಂಡ ಕೆಜಿಎಫ್​ 2 ಹೊಸ ಪೋಸ್ಟರ್​ ರಿಲೀಸ್​ ಮಾಡಿ ಭರ್ಜರಿ ಉಡುಗೊರೆಯನ್ನು ನೀಡಿದೆ. ಚಿತ್ರತಂಡ ಇದರಲ್ಲಿ ಅಧೀರನ ಪಾತ್ರ ಹೇಗಿರಲಿದೆ ಎನ್ನುವ ಚಿಕ್ಕ ಹಿಂಟ್​ ನೀಡಿದೆ. ಅಷ್ಟೇ ಅಲ್ಲ ಸಿನಿಮಾದ ಮೇಲಿನ ಕೆಜಿಎಫ್ 2 ಸಿನಿಮಾದ ನಿರೀಕ್ಷೆ ಕೂಡ ಹೆಚ್ಚಾಗಿದೆ.

  
  

   

  ಅಧೀರ ಪೋಸ್ಟರಿನಲ್ಲಿ ಖಡ್ಗವನ್ನು ಹಣೆಗೆ ಒತ್ತಿ ಕೂತಿದ್ದಾನೆ. ಅಷ್ಟೇ ಅಲ್ಲದೆ ಅಧೀರ ಹಾಕಿರುವ ಉಡುಗೆ ಕೂಡ ವಿಶೇವಾಗಿಯೇ ಇದೆ. ಕೆಜಿಎಫ್ 2ನಲ್ಲಿ ಅಧೀರ ಪ್ರಮುಖ ಪಾತ್ರ ವಹಿಸಲಿದ್ದಾನೆ ಎಂದು ಪೋಸ್ಟರ್ ನೋಡಿಯೇ ಗೊತ್ತಾಗುತ್ತದೆ.

  ಕೆಜಿಎಫ್​ ಸಿನಿಮಾ ದಸರಾ ಪ್ರಯುಕ್ತ ಅಕ್ಟೋಬರ್​ ತಿಂಗಳಲ್ಲಿ ತೆರೆಗೆ ಬರುತ್ತಿದೆ. ಸಿನಿಮಾದಲ್ಲಿ ಯಶ್​ಗೆ ಜೊತೆಯಾಗಿ ಶ್ರೀನಿಧಿ ಶೆಟ್ಟಿ ಕಾಣಿಸಿಕೊಂಡಿದ್ದಾರೆ. ಬಾಲಿವುಡ್​ ನಟಿ ರವೀನಾ ಟಂಡನ್​ ಕೂಡ ಕೆಜಿಎಫ್​-2ಗಾಗಿ ಮತ್ತೆ ಸ್ಯಾಂಡಲ್​ವುಡ್​ ಗೆ ಪಾದಾರ್ಪಣೆ ಮಾಡಲಿದ್ದಾರೆ. ಕನ್ನಡ ಸೇರಿ ಐದು ಭಾಷೆಗಳಲ್ಲಿ ಈ ಸಿನಿಮಾ ರಿಲೀಸ್​ ಆಗುತ್ತಿದೆ.

  ಕೆಜಿಎಫ್​ ಹಿಟ್​ ಆದ ನಂತರದಲ್ಲಿ ಸಂಜಯ್​ ದತ್​ ಅಧೀರನ ಪಾತ್ರದಲ್ಲಿ ನಟಿಸಲು ಒಪ್ಪಿಗೆ ಸೂಚಿಸಿದ್ದರು. ಮೈಸೂರಿಗೆ ಆಗಮಿಸಿ ಶೂಟಿಂಗ್​ನಲ್ಲೂ ಪಾಲ್ಗೊಂಡಿದ್ದರು. ಈಗ ಅವರ ಹೊಸ ಲುಕ್​ ರಿವೀಲ್​ ಮಾಡುವ ಮೂಲಕ ಅವರ ಪಾತ್ರ ತುಂಬಾನೇ ತೂಕದ್ದು ಎಂಬುದನ್ನು ನಿರ್ದೇಶಕ ಪ್ರಶಾಂತ್​ ನೀಲ್​ ಸಾಬೀತು ಮಾಡಿದ್ದಾರೆ.