ಪ್ರಭಾಸ್‌ನೊಂದಿಗೆ ನಟಿಸಲು 20 ಕೋಟಿ ಸಂಭಾವನೆ ಪಡೆದ ಬಾಲಿವುಡ್‌ ಚೆಲುವೆ...!

•   Thu, Jul 23 2020 07:12:24 PM



• ಮುಂಬೈ, ಜು 23 (DaijiworldNews/PY): ರಾಧೆ ಶ್ಯಾಮ್‌‌ ಸಿನಿಮಾದಲ್ಲಿ ಟಾಲಿವುಡ್‌‌ ನಟ ಪ್ರಭಾಸ್‌‌ನೊಂದಿಗೆ ಬಾಲಿವುಡ್‌ ಪದ್ಮಾವತಿ ದೀಪಿಕಾ ಪಡುಕೋಣೆ ನಟಿಸುವುದು ಖಚಿತವಾಗಿದೆ. ದೀಪಿಕಾ ಪಡುಕೋಣೆಯವರು ಈ ಸಿನಿಮಾದಲ್ಲಿ ನಟಿಸಲು 20 ಕೋಟಿ ಸಂಭಾವನೆ ಪಡೆದಿದ್ದಾರೆ ಎಂದು ವರದಿಯಾಗಿದೆ.

  

  ರಾಧೆ ಶ್ಯಾಮ್‌ ಸಿನೆಮಾದಲ್ಲಿ ಪೂಜಾ ಹೆಗ್ಡೆ ಕೂಡಾ ಕಾಣಿಸಿಕೊಳ್ಳಲಿದ್ದು, ಈ ಸಿನಿಮಾದಲ್ಲಿ ಪ್ರಭಾಸ್‌ ಅವರಿಗೆ ಇಬ್ಬರು ನಾಯಕಿಯರು ಎನ್ನಲಾಗುತ್ತಿದೆ. ರಾಧೆ ಶ್ಯಾಮ್‌ ಸಿನೆಮಾವು ನಾಗ ಅಶ್ವಿನ್‌ ಅವರ ಸಾರಥ್ಯದಲ್ಲಿ ತಯಾರಾಗುತ್ತಿದೆ. ಇನ್ನು ಈ ಸಿನಿಮಾದ ಚಿತ್ರಕಥೆ ಮಾಹಿತಿಯನ್ನು ಸಿನಿತಂಡ ಬಿಟ್ಟುಕೊಟ್ಟಿಲ್ಲ.

  ಬಾಲಿವುಡ್‌ ಚೆಲುವೆ ದೀಪಿಕಾ ಪಡುಕೋಣೆ ಅವರು, ಒಂದರ ಮೇಲೊಂದು ಹಿಟ್‌‌ ಸಿನಿಮಾಗಳನ್ನು ನೀಡಿದ್ದು, ಇದರೊಂದಿಗೆ ತಮ್ಮ ಸಂಭಾವನೆಯ ಮೊತ್ತವನ್ನು ಕೂಡಾ ಹೆಚ್ಚಿಸುತ್ತಿದ್ದಾರೆ. ಪದ್ಮಾವತಿ ಸೇರಿದಂತೆ ಬಾಜಿರಾವ್‌ ಮಸ್ತಾನಿ, ತಮಾಶಾದಂತಹ ಸೂಪರ್‌ ಹಿಟ್‌‌ ಸಿನಿಮಾಗಳಲ್ಲಿ ಇವರು ನಟಿಸಿದ್ದಾರೆ. ದೀಪಿಕಾರ ಹೊಸ ಸಿನೆಮಾದ ಬಗ್ಗೆ ಅಭಿಮಾನಿಗಳು ಕುತೂಹಲದಿಂದ ಕಾದುಕುಳಿತ್ತಿದ್ದಾರೆ. ಪ್ರಥಮ ಬಾರಿಗೆ ಬಾಲಿವುಡ್‌‌ ಪದ್ಮಾವತಿ ತೆಲುಗು ಅಂಗಳದಲ್ಲಿ ನಟಿಸಲು ಸಜ್ಜಾಗುತ್ತಿದ್ದಾರೆ. ಇದು ದೀಪಿಕಾ ಪಡುಕೋಣೆ ಅವರ 83ನೇ ಸಿನಿಮಾವಾಗಿದ್ದು, ತೆರಕಾಣಲು ಸಿದ್ದವಾಗುತ್ತಿದೆ.