'ನಾನಿನ್ನೂ ಸತ್ತಿಲ್ಲ, ಮುದುಕಿಯೂ ಆಗಿಲ್ಲ' - ವದಂತಿಗಳಿಗೆ ಬ್ರೇಕ್‌ ಹಾಕಿದ ಬಾಲಿವುಡ್ ಹಿರಿಯ ನಟಿ ಮುಮ್ತಾಜ್

•   Sun, May 24 2020 05:34:55 PM



• ನವದೆಹಲಿ, ಮೇ 24 (Daijiworld News/MB) : "ನಾನಿನ್ನೂ ಸತ್ತಿಲ್ಲ, ನೀವು ಹೇಳುವಷ್ಟು ಮುದುಕಿಯೂ ಆಗಿಲ್ಲ" ಎಂದು ಹೇಳಿ ಬಾಲಿವುಡ್‌ನ ಹಿರಿಯ ನಟಿ ಮುಮ್ತಾಜ್ ತನ್ನ ಸಾವಿನ ಬಗ್ಗೆ ಹರಡುತ್ತಿರುವ ವದಂತಿಗಳಿಗೆ ಬ್ರೇಕ್‌ ಹಾಕಿದ್ದಾರೆ.

  

  ಮುಮ್ತಾಜ್‌ ನಿಧನರಾಗಿದ್ದಾರೆ ಎಂಬ ಸುದ್ದಿ ಹರಡುತ್ತಿದ್ದಂತೆ ಈ ಬಗ್ಗೆ ಮುಮ್ತಾಜ್‌ ಸ್ಪಷ್ಟನೆ ನೀಡಿರುವ ವಿಡಿಯೋವೊಂದನ್ನು ಮುಮ್ತಾಜ್‌ ಪುತ್ರಿ ತಾನ್ಯಾ ಮಾಧವಿ ಇನ್‌ಸ್ಟಾಗ್ರಾಂನಲ್ಲಿ ಪೋಸ್ಟ್‌ ಮಾಡಿದ್ದು, "ನನ್ನ ತಾಯಿಯಿಂದ ಅವರ ಅಭಿಮಾನಿಗಳಿಗೆ ಸಂದೇಶ! ತಾಯಿಯ ಸಾವಿನ ಬಗ್ಗೆ ಇನ್ನೊಂದು ವದಂತಿ ಹರಡುತ್ತಿದ್ದು ಅವರು ಚೆನ್ನಾಗಿದ್ದಾರೆ. ತಾಯಿಗೆ ಕ್ಯಾನ್ಸರ್‌ ಇದ್ದ ಸಂದರ್ಭದ ಪೋಟೋವೊಂದನ್ನು ವೈರಲ್‌ ಮಾಡಲಾಗಿದ್ದು ಅದರಲ್ಲಿ ಅವರು ವಯಸ್ಸಾದವರಂತೆ ಕಾಣುತ್ತಾರೆ. ಅವರೀಗ ಆರೋಗ್ಯವಾಗಿದ್ದು ಸಂತೋಷದಿಂದಿದ್ದಾರೆ. ಹಾಗೆಯೇ ಸುಂದರವಾಗಿದ್ದಾರೆ. ಅವರಿಗೆ ಈಗ 73 ವರ್ಷವಾಗಿದೆ" ಎಂದು ಹೇಳಿದ್ದಾರೆ.

  ಇನ್ನು ಈ ವಿಡಿಯೋದಲ್ಲಿ ಮಾತನಾಡಿರುವ ಮುಮ್ತಾಜ್‌, "ಹಾಯ್‌, ನನ್ನೆಲ್ಲ ಅಭಿಮಾನಿಗಳೇ. ಐ ಲವ್‌ ಯೂ. ನೋಡಿ ನಾನು ಇನ್ನೂ ಸತ್ತಿಲ್ಲ, ಜೀವಂತವಾಗಿದ್ದೇನೆ. ಮತ್ತೆ ಜನರೆಲ್ಲಾ ಹೇಳುವಷ್ಟು ಮುದುಕಿಯೂ ಆಗಿಲ್ಲ. ನಿಮ್ಮೆಲ್ಲರ ಆಶೀರ್ವಾದದಿಂದ ಈಗಲೂ ಸುಂದರವಾಗಿ ಕಾಣುತ್ತಿದ್ದೇನೆ" ಎಂದು ಹೇಳಿದ್ದಾರೆ.

  ಮುಮ್ತಾಜ್ 70ರ ದಶಕ ಹಾಗೂ 1960 ರಲ್ಲಿ ಬಾಲಿವುಡ್‌ನ ಬಹುಬೇಡಿಕೆಯ ನಟಿಯಾಗಿ ಗುರುತಿಸಿಕೊಂಡಿದ್ದು ರಾಜೇಶ್‌ ಖನ್ನಾ, ಶಶಿ ಕಪೂರ್‌, ಧರ್ಮೇಂದ್ರ, ಸುನಿಲ್‌ ದತ್‌, ಮನೋಜ್‌ ಕುಮಾರ್‌, ದಿಲೀಪ್‌ ಕುಮಾರ್‌, ಮುಂತಾದ ಖ್ಯಾತ ನಟರೊಂದಿಗೆ ಅಭಿನಯಿಸಿದ್ದಾರೆ.

  View this post on Instagram

  Message from my mother to her fans ! With another death hoax going around she is well and doing great ! Despite images of her being spread across the internet when she was fighting her cancer battle many years ago that claim she looks old ! . She is now healthy and happy and beautiful ! Give her a break she is 73 !

  A post shared by Tanya Madhvani (@tanyamadhvani) on May 22, 2020 at 2:08am PDT