ರಂಜಾನ್ ಗೆ ಬರಲಿದೆ ರಾಬರ್ಟ್ ಪೋಸ್ಟರ್

•   Fri, May 22 2020 03:34:30 PM



• ಬೆಂಗಳೂರು, ಮೇ 22 (Daijiworld News/MSP): ಚಾಲೆಂಜಿಂಗ್​​ ಸ್ಟಾರ್​ ದರ್ಶನ್​ ಅಭಿನಯದ ‘ರಾಬರ್ಟ್‘​ ಚಿತ್ರತಂಡ ರಂಜಾನ್​ ಹಬ್ಬದಂದು ಅಭಿಮಾನಿಗಳಿಗೆ ಸಿಹಿ ಸುದ್ದಿ ನೀಡಲಿದ್ದಾರೆ. ಈ ವಿಚಾರವನ್ನು ಸ್ವತಃ ರಾಬರ್ಟ್​ ನಿರ್ದೇಶಕ ತರುಣ್​ ಸುಧೀರ್​ ಅವರೇ ಟ್ವೀಟ್ ಮಾಡಿ ತಿಳಿಸಿದ್ದಾರೆ.

  

  ಎಲ್ಲವೂ ಅಂದುಕೊಂಡತೆ ಆದರೆ ಏ.9ಕ್ಕೆ ರಾಬರ್ಟ್​ ಚಿತ್ರ ಬಿಡುಗಡೆಯಾಗಬೇಕಿತ್ತು. ಆದರೆ ಕೊರೋನಾ ಲಾಕ್​ಡೌನ್​ನಿಂದಾಗಿ ಚಿತ್ರತಂಡ ಹಾಕಿಕೊಂಡ ಯೋಜನೆ ಬುಡಮೇಲಾಗಿತ್ತು.

  ಆ ಬಳಿಕ ಚಿತ್ರತಂಡದಿಂದ ಸಿನಿಮಾ ಬಗ್ಗೆ ಅಭಿಮಾನಿಗಳಿಗೆ ಯಾವುದೇ ಅಪ್ಡೇಟ್​ ದೊರಕಿರಲಿಲ್ಲ. ಇದೀಗ ಮೇ 24ರಂದು ದೇಶದಾದ್ಯಂತ ರಂಜಾನ್​ ಹಬ್ಬದಲ್ಲಿರುವ ಜನತೆಗೆ ರಾಬರ್ಟ್​ ಚಿತ್ರತಂಡ ಪೋಸ್ಟರ್​​ ಅನ್ನು ಬಿಡುಗಡೆ ಮಾಡಲು ಸಜ್ಜಾಗಿದೆ. ಆ ಮೂಲಕ ರಂಜಾನ್​ಗೆ ಶುಭಾಶಯ ಕೋರಲಿದೆ. ಕಳೆದ ವರ್ಷ ರಂಜಾನ್​ ಹಬ್ಬಕ್ಕೆ ರಾಬರ್ಟ್​​ ಚಿತ್ರತಂಡ ಥೀಮ್​ ಪೋಸ್ಟರ್​ ಬಿಡುಗಡೆ ಮಾಡಿತ್ತು. ಈ ವರ್ಷ ಪೋಸ್ಟರ್​ ಮೂಲಕ ಆಗಮಿಸಲು ರೆಡಿಯಾಗಿದೆ ಎಂದು ನಿರ್ದೇಶಕ ತರುಣ್​ ಸುಧೀರ್​ ಹೇಳಿದ್ದಾರೆ.