ಕೆಜಿಎಫ್‌ 2 ಸಿನಿಮಾದ ಕೆಲಸ ಶುರು ಮಾಡಿದ ಚಿತ್ರತಂಡ

•   Mon, May 18 2020 04:55:53 PM



• ಬೆಂಗಳೂರು, ಮೇ 18 (Daijiworld News/MB) : ಕೊರೊನಾ ಲಾಕ್‌ಡೌನ್‌ ಕಾರಣದಿಂದಾಗಿ ಎಲ್ಲಾ ಸಿನಿಮಾಗಳ ಕೆಲಸಕ್ಕೆ ಶೂಟೀಂಗ್‌ಗೆ ಬ್ರೇಕ್‌ ಬಿದ್ದಿದ್ದು ಚಿತ್ರೀಕರಣ ಹೊರತುಪಡಿಸಿ ತಾಂತ್ರಿಕ ಕಾರ್ಯಕ್ಕೆ ಸರ್ಕಾರ ಗ್ರೀನ್‌ ಸಿಗ್ನಲ್‌ ನೀಡಿದ ಬೆನ್ನಲ್ಲೇ ರಾಕಿಂಗ್ ಸ್ಟಾರ್ ಯಶ್ ಅಭಿನಯದ ಕೆಜಿಎಫ್-2 ಚಿತ್ರದ ಕೆಲಸಗಳನ್ನು ತಂಡ ಆರಂಭಿಸಿದೆ.

  

  ಈ ಕುರಿತು ಸುಳಿವು ನೀಡಿರುವ ಸಿನಿಮಾದ ಕಾರ್ಯಕಾರಿ ನಿರ್ಮಾಪಕ ಕಾರ್ತಿಕ್‌ ಗೌಡ, ಸಂಗೀತ ನಿರ್ದೇಶಕ ರವಿ ಬಸ್ರೂರ್ ಅವರ ಮ್ಯೂಸಿಕ್ ಸ್ಟುಡಿಯೋದಲ್ಲಿನ ಚಿತ್ರವನ್ನು ಹಂಚಿಕೊಂಡಿದ್ದಾರೆ. ಈ ಫೋಟೋದಲ್ಲಿ ಪ್ರಶಾಂತ್ ನೀಲ್, ರವಿ ಬಸ್ರೂರ್ ಹಾಗೂ ಕಾರ್ತಿಕ್ ಗೌಡ ಇದ್ದು ಕೆಜಿಎಫ್ ಚಾಪ್ಟರ್-2 ಮ್ಯೂಸಿಕ್ ಸೆಶನ್ಸ್ ಎಂದು ಬರೆದಿದ್ದಾರೆ.

  ಇನ್ನು ಈ ಟ್ವೀಟ್‌ನ್ನು ಪ್ರಶಾಂತ್ ನೀಲ್, ಹೊಂಬಾಳೆ ಫಿಲಮ್ಸ್, ಯಶ್, ಶ್ರೀನಿಧಿ ಶೆಟ್ಟಿ, ಭುವನ್ ಗೌಡ, ವಿಜಯ್ ಕಿರಗಂದೂರ್, ಸಂಜಯ್ ದತ್ ಹಾಗೂ ರವೀನಾ ಟಂಡನ್ ಅವರಿಗೆ ಟ್ಯಾಗ್‌ ಮಾಡಿದ್ದಾರೆ.

  ಈ ಟ್ವೀಟ್‌ ನೋಡಿದಂತೆ ಯಶ್‌ ಅಭಿಮಾನಿಗಳು ಸಂತೋಷ ವ್ಯಕ್ತಪಡಿಸಿದ್ದು ಕೆಜಿಎಫ್-2 ಸಿನಿಮಾಕ್ಕಾಗಿ ಕಾಯುತ್ತಿದ್ದೇವೆ, ಯಶ್‌ ಅವರನ್ನು ನೋಡಲು ಕಾಯುತ್ತಿದ್ದೇವೆ ಎಂದು ಹೇಳಿದರೆ ಇನ್ನೂ ಕೆಲವರು ಟೀಸರ್‌ ಬಿಡುಗಡೆ ಮಾಡಿ ಎಂದು ಮನವಿ ಮಾಡಿದ್ದಾರೆ.

  ಕೆಜಿಎಫ್‌ - 1 ಸಿನಿಮಾದಿಂದ ಜನಮನಗೆದ್ದ ಈ ಚಿತ್ರ ತಂಡ ಈ ಹಿಂದೆ ಅಕ್ಟೋಬರ್ 23ರಂದು ಸಿನಿಮಾ ಬಿಡುಗಡೆ ಮಾಡಲಾಗುವುದು ಎಂದು ತಿಳಿಸಿತ್ತು. ಈ ನಡುವೆ ಕೊರೊನಾ ಲಾಕ್‌ಡೌನ್‌ ಬೇರೆ ಇರುವ ಕಾರಣದಿಂದಾಗಿ ಸಿನಿಮಾ ಬಿಡುಗಡೆಗೆ ತಡವಾದರೆ ಎಂಬ ಭೀತಿ ಹೊಂದಿರುವ ಕನ್ನಡ ಮಾತ್ರವಲ್ಲದೆ ಇತರೆ ಭಾಷೆಯ ಅಭಿಮಾನಿಗಳು ಅಕ್ಟೋಬರ್ 23ರಂದೇ ಈ ಸಿನಿಮಾವನ್ನು ಬಿಡುಗಡೆ ಮಾಡಿ ಎಂದು ಕೋರಿದ್ದಾರೆ.

  ಈ ಸಿನಿಮಾದ ಚಿತ್ರೀಕರಣ ಕೊನೆಯ ಹಂತದಲ್ಲಿದೆ ಎಂದು ಸಿನಿಮಾ ತಂಡ ಈ ಮೊದಲೇ ತಿಳಿಸಿತ್ತು.

  #KGFChapter2 music sessions.@prashanth_neel @hombalefilms @TheNameIsYash @SrinidhiShetty7 @bhuvangowda84 @VKiragandur @duttsanjay @TandonRaveena pic.twitter.com/9QaaS0Shy3

  — Karthik Gowda (@Karthik1423) May 17, 2020