ಗೋಧಿ ಚೀಲದಲ್ಲಿ ಹಣ - ವೈರಲ್‌ ಫೋಟೋ ಬಗ್ಗೆ ಅಮಿರ್ ಖಾನ್ ಸ್ಪಷ್ಟನೆ

•   Mon, May 04 2020 04:56:47 PM



• ನವದೆಹಲಿ, ಮೇ 04 (Daijiworld News/MB) : ಬಾಲಿವುಡ್‌ ನಟ ಅಮಿರ್ ಖಾನ್ ಹಿಟ್ಟಿನ ಬ್ಯಾಗ್‌ನಲ್ಲಿ ಬಡವರಿಗಾಗಿ 15 ಸಾವಿರ ರೂ. ಇಟ್ಟಿದ್ದಾರೆ ಎಂದು ದೇಶದಾದ್ಯಂತ ಸುದ್ದಿ ಹರಡಿದ ಬೆನ್ನಲ್ಲೇ ಈ ಬಗ್ಗೆ ಅಮಿರ್‌ ಖಾನ್‌ ಟ್ವೀಟ್‌ ಮೂಲಕ ಸ್ಪಷ್ಟನೆ ನೀಡಿದ್ದಾರೆ.

  

   

  ಗೋಧಿ ಚೀಲದಲ್ಲಿ ಹಣ ಇಟ್ಟ ವ್ಯಕ್ತಿ ನಾನಲ್ಲ. ಇದು ಒಂದೋ ಸಂಪೂರ್ಣವಾಗಿ ಸುಳ್ಳು ಸುದ್ದಿ ಅಥವಾ ರಾಬಿನ್‌ ಹುಡ್‌ ತನ್ನ ಬಗ್ಗೆ ರಿವೀಲ್ ಮಾಡಲು ಬಯಸುವುದಿಲ್ಲ. ಸುರಕ್ಷಿತರಾಗಿರಿ ಲವ್‌ ಎಂದು ಬರೆದುಕೊಂಡಿದ್ದಾರೆ.
  
  ದೆಹಲಿಯ ಕೆಲವು ಭಾಗಗಳಲ್ಲಿ ಹಣವಿದ್ದ ಒಂದು ಕೆ.ಜಿ.ಗೋಧಿ ಹಿಟ್ಟಿನ ಬ್ಯಾಗ್ ವಿತರಿಸಲಾಗಿತ್ತು. ಇದರಲ್ಲಿ 500 ರೂ.ನೋಟುಗಳುಳ್ಳ ಒಟ್ಟು 15 ಸಾವಿರ ರೂ. ಇಡಲಾಗಿತ್ತು. ಈ ಬಗ್ಗೆ ಹಲವರು ಇದು ಅಮಿರ್‌ ಖಾನ್‌ ಅವರು ನೀಡಿದ ಹಣ. ಅವರು ನೀಡಿದರೂ ಹೇಳಿಕೊಳ್ಳಲ ಎಂದು ಹೇಳಿ ವಿಡಿಯೋ ಫೋಟೋಗಳನ್ನು ವೈರಲ್‌ ಮಾಡಿದ್ದರು. ಹಲವರು ವಿಡಿಯೋ ಮೂಲಕ ಅಮಿರ್‌ ಖಾನ್‌ ಅವರಿಗೆ ಧನ್ಯವಾದ ಸಲ್ಲಿಸಿದ್ದರು.