'ಯಾರು ನೀನು ಮಾನವ ಕೇಳುತಿಹುದು ಕೊರೊನಾ..!' - ರಿಲೀಸ್‌ ಆಯ್ತು ಯೋಗರಾಜ ಭಟ್ಟರ ಹಾಡು

•   Sat, May 02 2020 06:03:43 PM



• ಬೆಂಗಳೂರು, ಮೇ 02 (Daijiworld News/MB) : ಕೊರೊನಾ ವೈರಸ್‌ ಬಗ್ಗೆ ಹಲವಾರು ಹಾಡುಗಳು ಬಿಡುಗಡೆಯಾಗಿದ್ದು ಶನಿವಾರ ಕೊರೊನಾ ವೈರಸ್‌ ಕುರಿತಾಗಿ ಚಿತ್ರ ನಿರ್ದೇಶಕ ಯೋಗರಾಜ ಭಟ್ಟರು ಬರೆದಿರುವ "ಯಾರು ನೀನು ಮಾನವ ಕೇಳುತಿಹುದು ಕೊರೊನಾ" ಹಾಡು ಬಿಡುಗಡೆಯಾಗಿದೆ.

  

  ತನ್ನ ವಿಚಿತ್ರವಾದ ಸಾಹಿತ್ಯದಿಂದಲ್ಲೇ ಹಾಡು ಬಾಯಲ್ಲೇ ಗುಣುಗುವಂತೆ ಇರುವ ಯೋಗರಾಜ ಭಟ್ಟರು ಸಾಹಿತ್ಯ ಬರೆದಿರುವ ಈ ಹಾಡು ಖ್ಯಾತ ಗಾಯಕ ವಿಜಯ್‌ ಪ್ರಕಾಶ್‌ ಹಾಡಿದ್ದು ಸಂಗೀತ ನಿರ್ದೇಶಕ ಅರ್ಜುನ ಜನ್ಯ ಸಂಯೋಜನೆ ಮಾಡಿದ್ದಾರೆ.

  ಈ ಕೊರೊನಾ ಹಾಡಿನಲ್ಲಿ "ಊರಿಗೂರೇ ಖಾಲಿ ದಾರಿ ತುಂಬಾ ಬೇಲಿ" ಎಂದು ಆರಂಭವಾಗುವ ಈ ಹಾಡಿನುದ್ದಕ್ಕೂ ಕೊರೊನಾ ವಿರುದ್ಧದ ಹೋರಾಟವನ್ನು ದಿಟ್ಟವಾಗಿ ಎದುರಿಸೋಣ ಎಂಬ ಸಂದೇಶವನ್ನು ನೀಡಲಾಗಿದೆ. ಕೊರೊನಾ ಲಾಕ್‌ಡೌನ್‌ ಸಂದರ್ಭದಲ್ಲಿ ಜನರು ಪಡುತ್ತಿರುವ ಕಷ್ಟದ ಕುರಿತಾದ ಮನೋಜ್ಞ ಸಾಹಿತ್ಯವಿದ್ದು ಅರ್ಜುನ್‌ ಜನ್ಯ ಹಾಗೂ ವಿಜಯ್‌ ಪ್ರಕಾಶ್‌ ಅವರ ಇತರ ಹಾಡುಗಳ ನಿರ್ದೇಶನದಂತೆ ಈ ಹಾಡು ಕೂಡಾ ಜನಮನ ಗೆಲ್ಲುವಂತಿದೆ.