ಇರ್ಫಾನ್‌ ಬಳಿಕ ರಿಷಿ ಕಪೂರ್‌ ನಿರ್ಗಮನ - ವೈರಲ್‌ ಆಯ್ತು ಇಬ್ಬರು ಜೊತೆಯಾಗಿ ನಟಿಸಿದ ಸಿನಿಮಾ ದೃಶ್ಯ

•   Thu, Apr 30 2020 05:01:51 PM



• ಮುಂಬೈ, ಎ.30 (Daijiworld News/MB) : ಬಾಲಿವುಡ್‌ನ ಎರಡು ಶ್ರೇಷ್ಠ ನಟರು ಇಹಲೋಕ ತ್ಯಜಿಸಿದ್ದಾರೆ. ಬುಧವಾರ ಬಾಲಿವುಡ್‌, ಹಾಲಿವುಡ್‌ನ ಖ್ಯಾತಿಯ ನಟ ಇರ್ಫಾನ್‌ ಖಾನ್‌ ನಿಧನರಾಗಿದ್ದು ಗುರುವಾರ ಬಾಲಿವುಡ್‌ನ ಹಿರಿಯ ನಟ, ನಿರ್ದೇಶಕ, ನಿರ್ಮಾಪಕ ರಿಷಿ ಕಪೂರ್‌ ಅಸ್ತಂಗತರಾಗಿದ್ದಾರೆ. ಇದೀಗ ಈ ಇಬ್ಬರು ನಟರು ಒಟ್ಟಾಗಿ ನಟಿಸಿರುವ ಸಿನಿಮಾದ ದೃಶ್ಯ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿದೆ.

  

  
  ಈ ಇಬ್ಬರು ನಟರು ಜೊತೆಯಾಗಿ ನಟಿಸಿರುವ 2013ರಲ್ಲಿ ಬಿಡುಗಡೆಯಾದ ಡಿ-ಡೇ ಚಿತ್ರದ ದೃಶ್ಯಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್‌ ಮಾಡಿ ನೆಟ್ಟಿಗರು ಇಬ್ಬರಿಗೂ ಶ್ರದ್ಧಾಂಜಲಿ ಸಲ್ಲಿಸಿದ್ದಾರೆ.

  ಸಾಮಾಜಿಕ ಜಾಲತಾಣದಲ್ಲಿ ಈ ಸಿನಿಮಾದ ಒಂದು ದೃಶ್ಯವಾದ, ರಿಷಿ ಕಪೂರ್ ಮಸೀದಿಗೆ ಬರುವಾಗ ಇರ್ಫಾನ್ ಖಾನ್ ಕುತೂಹಲದಿಂದ ನೋಡಿ ಇದು ಯಾರು ಎಂದು ಕೇಳುತ್ತಿರುವ ದೃಶ್ಯ ಹಾಗೂ ಕಾರಿನಲ್ಲಿ ಜತೆಯಾಗಿ ಪಯಣಿಸುತ್ತಿರುವ ದೃಶ್ಯವನ್ನು ಪೋಸ್ಟ್‌ ಮಾಡಲಾಗಿದ್ದು ಇಬ್ಬರು ಕಾರಿನಲ್ಲಿ ಜತೆಯಾಗಿ ಪಯಣಿಸುತ್ತಿರುವ ದೃಶ್ಯವನ್ನು ಪೋಸ್ಟ್‌ ಮಾಡಿದವರು ನಟರಿಬ್ಬರೂ ಜತೆಯಾಗಿ ಪಯಣ ಮುಗಿಸಿದರು ಎಂದು ಸಂತಾಪ ವ್ಯಕ್ತಪಡಿಸಿದ್ದಾರೆ.

  ಡಿ-ಡೇ ಸಿನಿಮಾವನ್ನು ನಿಖಿಲ್ ಅಡ್ವಾಣಿ ನಿರ್ದೇಶನ ಮಾಡಿದ್ದು ರಿಷಿ ಕಪೂರ್ ಪಾಕಿಸ್ತಾನ ಮೂಲದ ಗ್ಯಾಂಗ್‌ಸ್ಟರ್ ಕಥಾಪಾತ್ರದಲ್ಲಿ ಕಾಣಿಸಿಕೊಂಡಿದ್ದು ಇರ್ಫಾನ್ ಖಾನ್ ಬೇಹುಗಾರಿಕೆ ಮಾಡುವ ಅಧಿಕಾರಿ ವಾಲಿ ಖಾನ್ ಪಾತ್ರಕ್ಕೆ ಜೀವ ತುಂಬಿದ್ದರು.

  #RishiKapoor and #Irrfan in one frame.
  
  RIP legends 💔 pic.twitter.com/tn2bWlWHW5

  — Bollywoodirect (@Bollywoodirect) April 30, 2020

  Somewhere in heaven. #IrrfanKhan #RishiKapoor pic.twitter.com/EUShsl56cn

  — Pakchikpak Raja Babu (@HaramiParindey) April 30, 2020