ಬಾಲಿವುಡ್ ನಟ ಇರ್ಫಾನ್ ಖಾನ್ ತಾಯಿ ನಿಧನ - ವಿಡಿಯೋ ಕಾಲ್‌ನಲ್ಲೇ ಅಂತಿಮ ದರ್ಶನ

•   Sun, Apr 26 2020 05:17:54 PM



• ಜೈಪುರ್, ಎ.26 (Daijiworld News/MB) : ಖ್ಯಾತ ಬಾಲಿವುಡ್ ನಟ ಇರ್ಫಾನ್ ಖಾನ್ ಅವರ ತಾಯಿ ಸಯೀದಾ ಬೇಗಂ (95) ಶನಿವಾರ ನಿಧನರಾಗಿ ಲಾಕ್‌ಡೌನ್‌ ಪರಿಣಾಮ ವಿದೇಶದಲ್ಲೇ ಉಳಿದಿರುವ ಇರ್ಫಾನ್‌ ಖಾನ್‌ ಅವರಿಗೆ ತಾಯಿಯ ಅಂತಿಮ ದರ್ಶನವನ್ನು ವಿಡಿಯೋ ಕಾಲ್‌ ಮುಖಾಂತರವೇ ಮಾಡಿದ್ದಾರೆ.

  

  ನ್ಯೂರೋಎಂಡೋಕ್ರೈನ್ ಟ್ಯೂಮರ್ ಚಿಕಿತ್ಸೆಗೆಂದು ವಿದೇಶಕ್ಕೆ ತೆರಳಿರುವ ಇರ್ಫಾನ್‌ ಖಾನ್‌ ಕೊರೊನಾ ಲಾಕ್‌ಡೌನ್‌ನಿಂದ ಭಾರತಕ್ಕೆ ಅಂತರ್‌ ರಾಷ್ಟ್ರೀಯ ವಿಮಾನಗಳ ಹಾರಾಟ ಸ್ಥಗಿತವಾಗಿರುವ ಕಾರಣ ಅಲ್ಲಿಯೇ ಬಾಕಿಯಾಗಿದ್ದಾರೆ. ಆದರೆ ಅವರ ತಾಯಿ ವಯೋಸಹಜ ಕಾಯಿಲೆಯಿಂದ ಶನಿವಾರ ಜೈಪುರದ ಬೆನಿವಾಲ್ ಕಾಂತ ಕೃಷ್ಣ ಕಾಲೋನಿಯಲ್ಲಿರುವ ಮನೆಯಲ್ಲಿ ಮೃತಪಟ್ಟಿದ್ದು ಅಂತಿಮ ದರ್ಶನಕ್ಕೆಂದು ವಾಪಾಸ್‌ ಬರಲಾರದೆ ಇರ್ಫಾನ್‌ ವಿಡಿಯೋ ಕಾಲ್‌ ಮುಖಾಂತರ ಅಂತಿಮ ದರ್ಶನ ಪಡೆದಿದ್ದಾರೆ.

  ಶನಿವಾರ ಸಂಜೆ ಇರ್ಫಾನ್‌ ತಾಯಿ ಅಂತಿಮ ಸಂಸ್ಕಾರ ನಡೆದಿದ್ದು ಲಾಕ್‌ಡೌನ್‌ ಕಾರಣದಿಂದಾಗಿ ಕೆಲವರು ಮಾತ್ರ ಭಾಗಿಯಾಗಿದ್ದಾರೆ.

  ನ್ಯೂರೋಎಂಡೋಕ್ರೈನ್ ಟ್ಯೂಮರ್ ಕಾಯಿಲೆಯಿಂದ ಬಳಲುತ್ತಿರುವ ಇರ್ಫಾನ್ ಖಾನ್ ಚಿಕಿತ್ಸೆಗಾಗಿ 2019 ರಲ್ಲಿ ವಿದೇಶಕ್ಕೆ ತೆರಳಿದ್ದಾರೆ.