ವಾಸುಕಿ ವೈಭವ್‌ನ ಕೊರೊನಾ ಹಾಡಿಗೆ ಸ್ಯಾಂಡಲ್‌ವುಡ್‌ ತಾರೆಯರ ಸಾಥ್‌

•   Sat, Apr 18 2020 10:43:32 PM



• ಬೆಂಗಳೂರು, ಎ.18 (DaijiworldNews/PY) : ಲಾಕ್‌ನಡುವೆ ಬಿಗ್‌ಬಾಸ್‌ ಖ್ಯಾತಿಯ ಗಾಯಕ ವಾಸುಕಿ ವೈಭವ್‌ ಅವರ ಸುಂದರವಾದ ಹಾಡೊಂದನ್ನು ಹಾಡಿದ್ದು, ಇದಕ್ಕೆ ಸ್ಯಾಂಡಲ್‌ವುಡ್‌ ತಾರೆಗಳು ಸಾಥ್‌ ನೀಡಿದ್ದಾರೆ.

  

  ಕೊರೊನಾ ವಿರುದ್ಧ ನಗುತಲಿರು ಎಂಬ ಹೊಸ ಹಾಡನ್ನು ಹಾಡಿದ್ದು, ಈ ಹಾಡಿಗೆ ಪುನೀತ್‌ ರಾಜ್‌ಕುಮಾರ್‌ ಸೇರಿದಂತೆ ಎಲ್ಲಾ ಸ್ಯಾಂಡಲ್‌ವುಡ್‌ ತಾರೆಯರು ದನಿಗೂಡಿಸಿದ್ದಾರೆ. ಈ ಹಾಡಿನ ಮುಖಾಂತರ ಮನೆಯಲ್ಲಿಯೇ ನಗುತಲಿರೋಣ ಎಂಬ ಸಂದೇಶವನ್ನು ಜನರಿಗೆ ನೀಡಿದ್ದಾರೆ.

  ಈ ಹಾಡನ್ನು ಪುನೀತ್‌ ರಾಜ್‌ಕುಮಾರ್‌ ತಮ್ಮ ಇನ್‍ಸ್ಟಾಗ್ರಾಮ್‍ನಲ್ಲಿ ಹಂಚಿಕೊಂಡಿದ್ದಾರೆ. ಈ ಹಾಡಿಗೆ ರಮೇಶ್ ಅರವಿಂದ್, ಶ್ರೀಮುರಳಿ, ವಿಜಯ ರಾಘವೇಂದ್ರ ಸೇರಿದಂತೆ ಅನೇಕ ಸ್ಟಾರ್ ನಟ ನಟಿಯರು ಸಾಥ್‌ ನೀಡಿದ್ದಾರೆ.

  ದೇಶಾದ್ಯಾಂತ ಭೀತಿ ಹುಟ್ಟಿಸಿರುವ ಕೊರೊನಾ ಭಯವನ್ನು ಓಡಿಸಲು ಹಾಡಿನ ಮೂಲಕ ಸಿನಿಮಾ ತಾರೆಯರು ಒಂದಾಗಿದ್ದಾರೆ. ಪುನೀತ್‌ ರಾಜ್‌ಕುಮಾರ್‌ ಅವರು ಡಾ.ರಾಜ್ ಹಾಗೂ ಪಾರ್ವತಮ್ಮ ಅವರ ಫೋಟೋ ಮುಂದೆ ನಿಂತು ನೀನೆ ತಾಯಿ ನೀನೇ ತಂದೇ ಭೂಮಿ-ತಾಯಿ ಎಲ್ಲಾ ನಿಂದೆ ಎಂದು ಹಾಡಿನ ಆರಂಭದಲ್ಲಿ ಕಾಣಿಸಿಕೊಂಡಿದ್ದಾರೆ. ಹಾಡು ವಾಸುಕಿ ವೈಭವ್‌ ಕಂಠಸಿರಿಯಲ್ಲಿ ಮೂಡಿಬಂದಿದ್ದು, , ಪನ್ನಗಾಭರಣ ನಿರ್ದೇಶನ, ರಾಮರಾಮರೇ ಖ್ಯಾತಿಯ ಸತ್ಯ ಪ್ರಕಾಶ್ ಸಾಹಿತ್ಯ, ನಾಬಿನ್ ಪೌಲ್ ಸಂಗೀತ ಸಂಯೋಜನೆ, ರವಿ ಆರಾಧ್ಯ ಸಂಕಲನದಲ್ಲಿ ಈ ಹಾಡಿನ ಸಾಲು ಮನಮುಟ್ಟುವಂತಿದೆ.

  ನಟಿ ರಕ್ಷಿತಾ, ಶ್ರೀಮುರಳಿ, ವಿಜಯ್ ರಾಘವೇಂದ್ರ, ಡಾಲಿ ಧನಂಜಯ್, ಶ್ರದ್ಧಾ, ಪ್ರಣೀತಾ, ಐಂದ್ರಿತಾ, ದಿಗಂತ್, ಪ್ರಜ್ವಲ್, ಚಿರಂಜೀವಿ ಸರ್ಜಾ, ಮೇಘನಾ, ಅನುಪಮಾ, ಶಾನ್ವಿ ಶ್ರೀವಾತ್ಸವ್ ಸೇರಿದಂತೆ ಅನೇಕರು ಈ ಹಾಡಿಗೆ ಜೀವ ತುಂಬಿದ್ದಾರೆ.