ಮತ್ತೊಂದು ಚಿತ್ರಕ್ಕೆ ಸಹಿ ಹಾಕಿದ ಕೋಸ್ಟಲ್ ವುಡ್ ತಾರೆ, ದಿಯಾ ಹೀರೋ ಪ್ರಥ್ವಿ ಅಂಬರ್

•   Wed, Mar 25 2020 05:13:01 PM



• ಮಂಗಳೂರು, ಮಾ.25 (Daijiworld News/MSP) : ಕೋಸ್ಟಲ್ ವುಡ್ ನ ಬಹುಬೇಡಿಕೆಯ ನಟ ಪ್ರಥ್ವಿ ಅಂಬರ್ ಸ್ಯಾಂಡಲ್ ವುಡ್ ಗೂ ಹತ್ತಿರವಾಗಿದ್ದಾರೆ. ಅವರ ಅಭಿನಯ ತ್ರಿಕೋನ ಪ್ರೇಮಕಥೆಯ 'ದಿಯಾ' ಸಿನಿಮಾ ಕಾಸ್ಲ್ , ಮಾಸ್ ಪ್ರೇಕ್ಷಕರಿಂದ ಹಿಡಿದು ಎಲ್ಲಾ ವರ್ಗದ ಜನರ ಮೆಚ್ಚುಗೆಗೆ ಪಾತ್ರವಾಗಿತ್ತು.

  

  ಮನೋಜ್ಞ ಅಭಿನಯದ ಮೂಲಕ ಮೋಡಿ ಮಾಡಿದ್ದ ಪ್ರಥ್ವಿ ಅಂಬರ್ , ಇದೀಗ ಸ್ಯಾಂಡಲ್ ವುಡ್ ನಲ್ಲಿ ಮತ್ತೊಂದು ಸಿನಿಮಾಕ್ಕೆ ಸಹಿ ಹಾಕಿದ್ದಾರೆ. 'for regn' (ಫಾರ್‌ ರಿಜಿಸ್ಟ್ರೇಷನ್‌) ಎಂದು ಶೀರ್ಷಿಕೆ ಇಡಲಾಗಿದೆ. ಕೊರೊನಾ ಮಹಾಮಾರಿ ತೊಲಗಿದ್ರೆ ಮೇ ತಿಂಗಳಿಂದ ಇದರ ಶೂಟಿಂಗ್‌ ಆರಂಭಿಸುವ ಇರಾದೆ ಚಿತ್ರತಂಡಕ್ಕಿದೆ. ಎರಡು ಹಂತದಲ್ಲಿ ಚಿತ್ರೀಕರಣ ನಡೆಯಲಿದ್ದು, ತಬಲ ನಾಣಿ ಕೂಡ ಪ್ರಮುಖ ಪಾತ್ರದಲ್ಲಿ ಅಭಿನಯಿಸುತ್ತಿದ್ದಾರೆ.

  ದಿಯಾ' ತನ್ನ ವೃತ್ತಿ ಬದುಕಿನ ಮಹತ್ವದ ಸಿನಿಮಾ ಎಂದು ಬಿಡುಗಡೆಯ ಮುಂಚೆಯೇ ಹೇಳಿಕೊಂಡಿದ್ದ ಪ್ರಥ್ವಿ , ದಿಯಾ ಬಿಡುಗಡೆ ಬಳಿಕವೇ ಮುಂದಿನ ಕನ್ನಡ ಚಿತ್ರ ಎಂದು ಹೇಳಿಕೊಂಡಿದ್ದರು.
  
  ಇದೀಗ ದಿಯಾ ಯಶಸ್ಸಿನ ನಂತರ ಅವರಿಗೆ ಒಳ್ಳೊಳ್ಳೆಯ ಆಫರ್‌ಗಳು ಸಿಗುತ್ತಿದ್ದು, ಚಿತ್ರರಂಗದಲ್ಲಿ ಸಾಕಷ್ಟು ಏಳುಬೀಳು ಕಂಡ ಅವರು ಹೊಸ ಸಿನಿಮಾವನ್ನು ಒಪ್ಪಿಕೊಳ್ಳುವ ಮುಂಚೆ ಅಳೆದು-ತೂಗಿ ಅವರು ಸಹಿ ಮಾಡುತ್ತಿದ್ದಾರೆ. ಈ ನಡುವೆ ಕೆಲವು ಚಿತ್ರಗಳ ಸ್ಕ್ರಿಪ್ಟ್‌ ಕೆಲಸದಲ್ಲೂ ಪೃಥ್ವಿ ತೊಡಗಿಕೊಂಡಿದ್ದಾರೆ ಎಂಬುದು ವಿಶೇಷ.

  ಇವರ ನಟನೆ ತುಳುವಿನ ಪ್ರವೇಶ ಚಿತ್ರ ಇನ್ನಷ್ಟೇ ಬಿಡುಗಡೆಯಾಗಬೇಕಿದೆ.